تشرینی دووەم 15, 2019

هه‌وای گه‌رم به‌شه‌كانی ناوه‌وه‌ی موبایله‌كه‌ له‌ناو ده‌بات

كه‌سانێكی زۆر به‌ده‌ست كه‌وتنه‌ خواره‌وه‌ی موبایله‌ زیره‌كه‌كانان بۆ نێو ئاو ده‌ناڵێنن، به‌تایبه‌تی له‌ وه‌رزی هاویندا، ئه‌مه‌ش وا له‌و كه‌سانه‌ ده‌كات له‌كاتی له‌ده‌ستدانی موبایله‌كانیان تووشی كێشه‌و نیگه‌رانی ببنه‌وه‌ .

له‌مباره‌یه‌وه‌ پێگه‌ی gadgetsnow هیندی ده‌ خاڵی خستووته‌ روو ده‌بێ له‌كاتی حاڵه‌تی ئاوا لێی دوور بكه‌ویته‌وه‌.
یه‌كه‌م: دووركه‌وتنه‌وه‌ له‌به‌كارهێنانی ئامێری ووشكردنه‌وه‌ی قژ، چونكه‌ هه‌وای گه‌رم به‌شه‌كانی ناوه‌وه‌ی موبایله‌كه‌ له‌ناو ده‌بات، یانیش به‌هۆی گه‌رمی زیاده‌ ئامێره‌كه‌ له‌ كار ده‌خات.
دووه‌م: نابێت موبایله‌ ته‌ڕبووه‌كه‌ بۆ بارگاویكردن(شحن) بخرێته‌ سه‌ر كاره‌با.
سێیه‌م: نابێت موبایله‌كه‌ بۆ ده‌رهێنانی ئاوه‌كه‌ رابوه‌شێندرێت، چونكه‌ ئه‌مه‌ واده‌كات ئاو زیاتر بچێته‌ نێو به‌شه‌كانی ناوه‌وه‌.
چواره‌م: نابێت موبایله‌كه‌ بكرێته‌وه‌و پاترییه‌كه‌ی ده‌ربهێندرێت.
پێنجه‌م: نابێت موبایله‌كه‌ به‌كاربهێنیت، به‌ڵكو ده‌بێت به‌ هێواشی بیكوژێنیته‌وه‌ .
شه‌شه‌م: هه‌وڵ مه‌ده‌ سیم كارته‌كه‌ ده‌ربهێنیت، چونكه‌ وا ده‌كات ئاوی زیاتر بچێته‌ نێو ئامێره‌كه‌وه‌.
حه‌وته‌م: ئه‌گه‌ر بریارتدا موبایله‌كه‌ چاك بكه‌یته‌وه‌ درۆ مه‌كه‌و هه‌واڵی ئه‌وه‌ بده‌ بنكه‌ی چاككردنه‌وه‌ كه‌ ئامێره‌كه‌ت كه‌وتۆته‌ نێو ئاو.
هه‌شته‌م: بۆ ده‌رهێنانی ئاوی نێو موبایله‌كه‌، پانكه‌، یان راكێشه‌ری هه‌وایی بۆ ده‌رهێنانی ئاوه‌كه‌ به‌كارمه‌هێنه‌، چونكه‌ ده‌بێته‌ هۆی دروستبوونی شێ له‌نێو ئامێره‌كه‌.
نۆیه‌م: بۆ رێگریكردن له‌ چوونه‌ ناوه‌وی ئاو، په‌نجه‌ به‌ هیچ دوگمه‌یه‌ك مه‌نێ.
ده‌یه‌م: هه‌وڵمه‌ده‌ هیدفۆن بخه‌یه‌ته‌ سه‌ر موبایله‌كه‌، چونكه‌ له‌وانه‌یه‌ شۆرتی كاره‌بایی دروست بكات.

© 2017 Hawler