نیسان 23, 2019

ئاستی رۆشنبیریی تاك بەرامبەر شوێنەوار و كەلەپوورەكەی لە چ ئاستێكدایە

هەروەكو ئەوەی كە دەبینین كوردستان خاوەنی گەلێك شوێنەوار و كەلەپووری جوان و دێرینە، وەكو ئەشكەوتەكان و لەگەڵ چەندان قەڵای دێرین كە مێژوووەكانیان دەگەڕێتەوە بۆ چەندەها ساڵ لەمەوپێش، بەڵام من لێرەدا دەمەوێ تیشكێكی بچووك بخەمە سەر تاكی كورد یا چۆنیەتیی مامەڵەكردنی تاكی كورد بەرامبەر شوێنەوار و كەلەپووری وڵاتەكەی.
بەداخەوە دوای خوێندنەوەیەكم بۆ بەشێكی زۆری تاكی كورد كە دەبینم بێ بەرپرسیارانە مامەڵە دەكرێت لە بەرامبەر شوێنەوار و كەلەپوورەكانیان دایان بێباكن لە پاراستنی شوێنەواری وڵاتەكەیان دا، كە دەتوانم وەكو قوتابیەكی شوێنەوارناسی ئەم بابەتە بە قەیران یا جینۆسایدی شوێنەواری لە قەڵەم بدەم. یەكێك لەو دیاردە ناشرینانەی كە وەك قوتابیەكی شوێنەوارناسی ئازاری دام بریتی بوو لە سیمای سەر ئەشكەوتی قزقاپان، كە چەندین دیاردەی ناشرینی لەسەر نووسرابوو وەكو نوسینی سەر كوچە و كۆڵانەكان وابوو.
بۆیە لێرەدا ئەركێكی ئەخلاقیس دەكەوێتە سەر شانی شوێنەوارناسان و ڕۆژنامەكان و میدیاكان و بەهەماهەنگی لایەنی پەیوەندیدار پێویستە ڕۆلی بەرچاو ببینرێت لە هۆشیاركردنەوەی سەرجەم چینی كۆمەڵگای كوردی.
قوتابی كۆلێژی ئە دەبیات بەشی شوێنەوارناسی

 

ئەحمەد كامەران*

© 2017 Hawler