کانونی دووەم 18, 2022

زۆرترین بینراو دیمانه‌

Error: No articles to display

Chalak Ahmad

Chalak Ahmad

عومەر نورەدینی

 

لەوتارەکەیدا کە دوێنێ لە شاری سلێمانی پێشکەشی کرد هێژا نێچیرڤان بارزانی چەند پەیامێکی ئاڕاستەی خەڵکی سلێمانی کرد کە لەخوارەوە ئاماژەیان پێ دەدەین :
یەکەم :ئەو هێما و ڕەمزانەی وێنەی ڕاستەقینەی سلێمانی بەرجەستە دەکەن بریتین لە ئەدەب و ڕۆشنبیری ،ئازایەتی وئازادیخوازی ، مەدەنیەت و شارستانی ،داهێنان و نوێخوازی و لێبوردەیی ، نەک جنێودان و ئیرهابی فکری و پەشێوخوازی و توندوتیژی لە گوتار و ڕەفتاری سیاسی دا ئەمانە بە کلتوری ڕەسەنی سلێمانی نامۆن.
دووەم : لەماوەی سی ساڵی ڕابردوودا سلێمانی متمانەی سیاسی بە چەندین حزب ولایەنی سیاسی بەخشی و ڕێگای پێدان حوکمی بکەن بەڵام ئەوانەی لە سلێمانی دەسەڵات و سامانیان لەدەست بوو نەیان توانی بەباشی بیخەنە خزمەتی سلێمانیەوە لەم بارەوە جۆرێک لە پاشاگەردانی هەیە ، نێچیرڤان بارزانی پێی گوتن متمانەی خۆتان بە پارتی بدەن و حوکمی ڕاستەوخۆی پارتیش تاقی بکەنەوە ، پارتی ئەومتمانەیەتان دەپارێزێ و بەزایەی نادات ، لەم هاوکێشەیەدا پێش پارتی سلێمانی و کوردستان براوە دەبن .
سێیەم : ئەو ڕەوت و ڕوئیا سیاسیەی بانگەشەی نامۆ بوونی پارتی دەکات لە سلێمانی ڕەوت و ڕوئیایەکی هەڵەومایەپووچە ، ڕەگی پەیوەندی بارزانی نەمر لەگەڵ سلێمانی دەگەڕێتەوە بۆ پێش دروست بوونی پارتی، لەدوای دروست بوونی پارتیشەوە، ڕەگی درەختی پارتی لە سلێمانی بە خوێنی هەزارەها شەهید ئاودراوەو لەئێستاش دا دەیان هەزار کادر و ئەندام و لایەنگر لەژێر سێبەری ئەودرەختەدا ئاڵای خەبات و تێکۆشانی سیاسیان دەشەکێتەوە ، پەیوەندی پارتی لەگەڵ سلێمانی هەر ڕەهەندی سیاسی نیە بەڵکو ڕەهەندی کۆمەڵایەتی دامەزراو لەسەر خوێن و دەماریشی هەیە، نێچیرڤان بارزانی خۆی وەک فیگەرو کەسایەتیەکی سیاسی باڵای خاوەن کاریگەری و هەژموون سلێمانی توخمێکی سەرەکی پێکهێنەری ناسنامەکەیەتی و خوێنی سلێمانی لەدەمارەکانیدا دەگەڕێ ، لەم بارەوە بە کورت و پوختی بە سلێمانیەکانی وت : پارتی و سلێمانی لێک دانابڕێن ، پارتی هی ئێوەیە و بەهی خۆتانی بزانن ئەگەر دەرفەت و متمانەی زیاتری پێ بدەن بۆتان دەسەلمێنێ بۆ سلێمانی چەند بە پەرۆشە.

ھاودەنگ فاروق

 

كەركووک بۆ پارتی ســـتراتیژ و ناســـنامە و پێگەی بەهێزی سیاســـیی هەرێمی كوردســـتان و ڕەمزی ســـتەملێکران و چەوسانەوە و غەدری مێژووە لە نەتەوەیەک.
كێشەی كەركووک لە ساڵی ١۹۲١-ەوە بەردەوامە. ١۹۷٥ بارزانی نەمر کە سەرکردایەتیی شۆڕشە هەرە مەزنەکەی کوردی دەکرد، بە هیچ شـــێوەیەک سازشـــی لەســـەر كەركووک نەكرد و ئەگەر تۆزێك سازشـــی لەسەر ئەو ناسنامەیە كردبایـــە، بە دڵنیاییەوە ئیمتیـــازی زۆر گەورەی وەردەگرت، بەڵام بارزانی و بزووتنەوەكەی هیچ بەهایەكی نەتەوەیییان نەكردە قوربانی ویســـت و داخوازییە شەخســـییەكانی خۆیان، ئێســـتاش پارتی لەســـەر هەمان ڕێباز و ســـتراتیژە بۆ کەرکووک.
هێـــزی كەركـــووک و کەرکووکییەکان بۆ هەرێمی کوردســـتان و بـــۆ پارتی گرینگییەكی ســـتراتیژی نەتەوەیی هەیە، بۆیـــە پارتـــی هیچ وەختێک وەک هەندێ لایەن، کەرکووکی بۆ تاکتیک و دەســـتکەوتی حزبی بـــەکار نەهێناوە. پارتی دژی ئەوەیە، پرســـی ئەو شـــارە ناسنامە کوردســـتانییە، بۆ ئیستسماری سیاســـی و حزبی بەکار بهێنرێت. لە دیدی پارتییـــەوە کەرکووک هەر نەوتەڵان و ئابووری نییە، بەڵکو مەســـەلەی خاک و چارەنـــووس و ئایندەی میڵەتێكە؛ جا بـــا کەرکووکییەکان دوێنێیان لەبیر نەچێت؛ ١٦ی ئۆکتۆبەرتان لەبەرچاو بێت. شۆڕشـــی ئەیلوول و ڕێککەوتنی ئاداری ١۹۷۰ و سازشنەکردنی بارزانی نەمرتان لەبیر بێت، کە شۆڕشێکی لە سەر کەرکووک دانا، داکۆکییە سەرسەختانەکەی سەرۆک بارزانی و شکۆی ڕیفراندۆمی سەربەخۆییتان لەیاد بێت؛ پارتی هەڵبژێرن، تاکە هێزی ئەمین و کەرکووکیپارێزە، بۆ ئەوەی ببێتە نوێنەرتان لە بەغدا.

عارف ڕوشدی

 

پرسیارێکە و دەبێ گوێی بۆ هەڵخەن، بۆچی دەستە دەستە دەستە کادیر و ئەندام و هەوادارانی حزبەکانی دیکە ڕوودەکەنە نێو ڕیزەکانی پارتی؟ بە ئاسانی وەڵامەکە لای خەڵکی کوردستان و خودی ئەو حزبانە دەستدەکەوێت و، بریتییە لە ؛ پارتی ئەوحزبەیە خاوەن دیدێکی نیشتیمانپەروەرییە بۆیە هەمو هەقخوازانی کوردایەتی ڕوو لە پارتی دەکەن ، پارتی هەمو شار و شارۆچکە و گوندێکی هەرێمی کوردستان بە یەک ئەندازە رێزیان بۆ دادەنێت، کوردستان موڵکی خەڵکی کوردستانە بە خوێن و ماندوبوونێکی بێ وێنە لە چنگی پێشێلکەرانی مافەڕەواکان و مانەوەمان ڕزگارکراوە، چیتر کەس ناتوانێ مافی خاوەنبوونی وڵاتمان لێ زەوتبکات! یان پێمان ببەخشێتەوە وەک لە بانگەشەی لایەنێکی بێ بەرهەمدا دەوترێتەوە، بەڵکو هۆشمەندی لەوەدایە داوای لێبوردن بکەن لە خەڵکی کوردستان و (بەتایبەتی خەڵکی سەرفرازی کەرکووک و ناوچە دابڕاوەکانی دیکە) بەرامبەر ئەو کەتنە نیشتیمانییەی کردویانە و شکستهێنانیان لە بەرێوەبردنی ئەو دەڤەرانەی تێیدا باڵادەستن، دەبووایە لە جیاتی باسی هەولێری پایتەختی کوردایەتی بکات، باسی کەرکووکی بە داگیرکردندراو بکات و موژدەی ئەوەی بدایە چیتر ئەو کەتنە دووبارە ناکەنەوە بە هیمەتی کوردانە و یەکدەستی کەرکووک بۆ خاوەنە ڕەسەنەکانی دەگێڕنەوە.

مەشخەڵ كەوڵۆسی

 

بەچاوگێڕانێكی كەم بەسەر خەریتەی سیاسی لەكورستان، تێدەگەین ئەنجامی هەڵبژاردنەكان لە ئیستاوە تاكو چەند دەیەیەكی تر چۆن دەبێت. بە پێوەرەكانی هێز و كاریگەری، هیچمان لەبەردەمدا نیە ئەوە نەبێت كە بڵێین: لەكاتی بەراوردێكی لەم جۆرەدا، پێویستە پارتی بكەینە دەرەوەی كایەكە، چونكە پارتی ڕكابەری ڕاستەقینەی لەكوردستاندا نیە و، هەموو ڕكابەرەكانی خۆی بە قۆناغێكی زۆر بەجێهێشتووە.
ڕەنگە ئەگەر سەیری عاتیفە و دڵگەرمی لایەنگر و ئەندامانی سادەی
حیزبەكانی كوردستان بكەین، ئەم ڕایەی ئێمەیان پێ پەسەند نەبێت و بەجۆرێك لە لایەنگری كردنی لەقەڵەم بدەن، بەڵام ئایا كاتێ قسە دێتە سەر پێگەو هێز، هەمووان ناچارنین ئەو ڕاستییە بسەلمێنن كە ئێمە بێ ترس باسی دەكەین. یان بەبارێكی تریشدا دەتوانین بڵێین: ئایا شاردنەوەی ئەو ڕاستییە و باسنەكردنی هەر لەبەر دڵگەری لایەنگرانی حیزبەكانی تر، هیچ لە بەها و واقیعییەتی ئەوە دەگۆڕێت كە پارتی لە ئیستادا و تاكو ئایندەی نزیك و مام ناوەند هەیەتی؟ بێگومان نەخێر. بۆیە بەندە وەكو توێژەو نوسەر و هاووڵاتییەكی سادەی ئەم هەرێمە، مافی ئەوەی بەخۆم دەدەم كە بڵێم: لە ئیستاوە تاكو ئایندەی مام ناوەند، یاخود تاكو ئەوكاتەی ڕكابەرێكی بەهێز و بەتوانا و ڕاستەقینە بۆ پارتی دروست دەبێت، كە بتوانێت بەپلان و كاریگەری و هێز و دونیابینی ڕكابەری ڕاستەقینەی پارتی بكات، ئێمە ناچارین پارتی بكەینە دەرەوەی هەموو بەراوردكارییەكی لەم چەشنە، چونكە ڕوون و ئاشكرا دیارە كە تاكو ئەو كاتە، پارتی براوەی یەكەم و هێزی یەكەم دەبێت و، باسنەكردنی ئەم ڕاستیەش لەبەر هەر هۆیەك بێت، هیچ لە بەهای مەسەلەكە ناگۆڕێت و نابێتە هۆی ئەوەی پارتی پێگەی لاواز ببێت، یان بە پێچەوانەوە، باسكردنیشی وەك ئەوەی ئێمە ڕێمان بەخۆمانداوە، ئەوەندەی واقیعبینی و ڕیالیزمی سیاسییە، نیو ئەوەندە پڕوپاگەندە و ڕیكلام نیە بۆ پارتی. ئیستا پرسیارە ڕاستەكەی ئەم هەڵبژاردنەی چەند ڕۆژی داهاتوو ئەمەیە: كام حیزب دەبێتە دووەم؟ كام حیزب دەتوانێت بە مەسافەیەكی نزیكتر لە دوای پارتییەوە بێت؟ هەركام لەو حیزبانە بتوانن ئەو پلەیە بەدەست بهێنن، كەواتە سەركەوتنێكی گەورەیان بەدەستهێناوە. چونكە لەئیستادا بەدەستهێنانی هەر پلەیەكی ئینتیخابی لە ئێراق بەگشتی و كوردستان بەتایبەتی، زۆر ئەستەمە، بەڕەچاوكردنی ئەو ڕاستییەی كە خەڵێكی زۆر دەگمەن و كەم ماون كە حیزبەكان دەتوانن قەناعەتیان پێ بكەن و بیانێرنە سەر سندوقەكانی دەنگدان. ڕووبەری مرۆیی لەبار بۆ گۆڕێنی ئەنجامی هەڵبژاردن، واتە ئەو ژمارەیەی كەخۆیان یەكلایی نەكردۆتەوەو هێشتا بڕیاریان نەداوە دەنگ بەكام حیزب بدەن، یەكجار زۆر بەرتەسكە و بایی ئەوەندە قورسایی نیە، كە بتوانێت هاوكێشەكە بگۆڕێت و هێزی یەكەم لە پێگەی خۆی بهێنێتە خوارەوە.
كەواتە، ڕكابەری ڕاستەقینە لەنێوان حیزبی دووەم و سێیەمدایە، ئەوان پێویستە بێوچان گوتاری نوێ، كارەكتەری نوێ، سیحری نوێی بانگەشە پیشانی جەماوەر بدەن، ئەو خەڵكە قەناعەت پێبكەن كە هێشتا خۆیان یەكلایی نەكردۆتەوە، تاكو بچن دەنگیان پێ بدەن. پرسیاری ئەم ئەنگڵەش ئەوەیە: بەكام زمان؟ بەكام ئەرگۆمێنت و كام خیتاب ؟ كام پلانی كار و دڵسۆزی ئەو حیزبانە خەڵك هان دەدەن بچنە سەر سندوقەكان؟ خەڵك لەناو زەریایەك گومان و نیگەرانی وڕەنجاندا نوقم بووە، نەبڕوای بە بەڵێنی هەوایی هەیە و نەبەو كارەكتەرانەی كە جگەلە ڕووە مادییەكەی كاری سیاسی و ئیمتیاز و مووچە، هیچ مانایەكیان لە كاری سیاسیدا نەهێشتووەو، هیچ ئامانجێكیان نەماوە كاری بۆ بكەن.

نیازی حەمە عەزیز

 

چەند ڕۆژێکی کەمی ماوە بۆ هەڵبژاردنی پەرلەمانی عێراق. بە هەموو پێشبینی و پێودانگەکان پارتی دیموکراتی کوردستان هەروەکو هەڵبژاردنەکانی پێشوو، نەک هەر لە کوردستان، بەڵکو لەسەر ئاستی هەموو عێراق براوەی یەکەم و دیسان گەورەترین قەوارەی سیاسی دەبێت. دەکرێ هۆکار و سۆنگەی ئەم مەزەندەکردنەش
لەم خاڵانەدا ببینین :
یەکەم / پارتی، "مەسعوود بارزانی" وەک سەرۆکێکی خودان مێژوو و سیمبۆلیک و کارێزما ڕابەرایەتی دەکات و سەرکردایەتییەکی یەکگرتوو و هێزێکی پێشمەرگەی نەبەزیوی ئەوتۆش کە لە خاوەندارێتی و بەرگری و فیداکاری لە دۆز ( قچیە )ی نیشتمانی و نەتەوەیی و سازشنەکردن و خۆنەچەماندن بێڕکابەرە و جێی هیوا
و متمانەی ئەو وڵاتیانەشە کە پارتی نین و دڵسۆزی کوردایەتین. دووەم / پارتی لە ڕێگەی "دەزگایەکی کارزان بۆ هەڵبژاردن" و بەرپرس وکادیرەکانییەوە کە وەکو شانەی هەنگ بە سیستەم و پان و نەخشەی تەکنیکی و عەقڵانییەوە، بە هەماهەنگیی و دەستەجەمعیی "مەکتەبەکانی هەڵبژاردنی ئەنجوومەنی سەرکردایەتیی پارێزگاکان" و "لق و لیژنە ناوچەکان" کاردەکات. ئەم دەزگایە پێشتر و لە داهاتووشدا سەرکەوتووانە ئەرکی خۆی بەجێهێناوە و بەجێیدەهێنێ. ئاشکراشە کە کاری تۆکمە و زانستییانەی دەزگا لە داهێنان و بردنەوەکان لە هەڵبژاردنەکاندا ئەو ڕاستییە دەسەلمێنێ کە مایەی پشتپێبەستن و ئومێدەوارییە.
سێهەم / بڕوابوونی پارتییەکان و جەماوەری کوردستان، کە بڕوابوونێکی نەگۆڕ و جێگیر و بە دیسپلین و پرەنسیپە بە ڕێبازی "بارزانیی نەمر" و حکومڕانی و دەوڵەتدارییەکەی پارتی لە هەرێمی کوردستان، زامنی هەردەم پێدانەوەی متمانەیە لە هەڵبژاردندا و ڕۆژبەڕۆژیش ئەو بڕوابوونە بەتین و پۆڵایینتر دەبێ، چونکە مرۆڤی پارتی، بوونەوەرێکی پێشمەرگانەی هۆشیارە و دەزانێ قوربانی
بۆچی دەدات و بەرگری لە چ دۆزێکی ڕەوا دەکات.
چوارەم / سرووشت و سیستەم و یاسای هەڵبژاردنی دادێ، بەتایبەتی فرە بازنەییی هەڵبژاردن کە ئەویش لە بەرژەوەندی پارتییە، بەهۆی ئەوەی هەل و دەرفەتی ساختەکاری لە پرۆسەکەدا زۆر کەمدەبێتەوە.
ئەمەش بەقازانجی پارتییە و دەنگی زۆرتر دێنێ. وەک دەزانین لە هەڵبژاردنەکانی ڕابردوودا پارتی ( بەتایبەتی لە نەینەوا و کەرکوک و دیالە ) بۆ تەزویرلێکردن و غەدری بێبەشکردنی جەماوەرەکەی لە دەنگدان بە پیانی شۆڤێنییانە کراوە بە ئامانج و دەیان هەزار دەنگی بە ناهەق لێسووتێنرا.
مایەی شانازی هەموو ئازادیخوازانیشە کە پارتی بە متمانەبەخۆبوونەوە بێهاوپەیمانێتیی هیچ لایەنێکی کوردستانی و عێراقیو بێترس سوارچاکی ئەم ڕێگا سەختە بێت. دیارە دوژمنکاری و بەئامانجگرتنی پارتیش دوژمنایەتی و بەقوربانیکردنی هەموو
کورد و ئاواتە سیاسییەکانیەتی. بۆیە ئەرکی کوردانی پاکە کە بڕوایان وابێپدک ئەو پارتە بەهێزەیە کە بۆ داهاتووێکی باشتر و وڵاتێکی ئارام و خۆشگوزەران پێویست دەکات متمانەی پێبدرێ و هەڵبژێردرێت.
*بەرپرسی‌بەشی‌ڕۆشنبیری‌و‌ڕاگەیاندنی‌دەزگای‌هەڵبژاردن.

فاتیح ئیسماعیل ئەحمەد

 

پڕۆسەی هەڵبژاردن پیادەکردنی بنەماکانی دیموکراتیە، دەنگدەر تێیدا خاوەن ماف و بڕیاردەرە، بڕیارەکەشی لەبەرژەوەندی خۆی و گشتییە. هۆشیاری دەنگدەریش لەوەدا بەدەردەکەوێت کە چۆن بتوانێ ئەو بڕیار و مافە بەکار بهێنێت، دەبێت ئەوە باش بزانێت کە لە کۆتایدا بەرپرس دەبێت لەبەرانبەر تەواوی هاووڵاتیان،چونکە بە دەنگەکەی رەنگە ژیان و چارەنووسی کۆمەڵگە گۆڕانی بەسەردا بێت، ئیدی گۆڕانەکە بەلایەنە نێگەتیڤیەکەیەتی یان پۆزەتیڤیەکە بێت. بۆ ئەوەش دوو بنەمای زۆر سەرەکی هەیە دەبێت بکرێتە سەرچاوەی بڕیار. بە پلەی یەکەم، رابردوی ئەو لایەن و کەسانەی کە لەناو بۆتەی سنووری دەنگدانەکەدایە، بەپلەی دووەمیش، بەرنامەی دەنگپێدراو چییە بۆ ئەو هەڵبژاردنە؟. ئەگەر سەیرێکی پڕۆسەکانی هەڵبژاردن بکەین لە ساڵی ١٩٩٢ەوە، دەگەین بە چەند راستیەک بۆ بەرچاو روونی هاووڵاتیان (پێشتر لە عێراق تەنیا بەیعەت بوو نەک هەڵبژاردن) کەهەتا ئێستا چۆن بووە؟، بۆ پەرلەمانی کوردستان( ٥ جار هەڵبژاردن بووە– ١٩٩٢-٢٠٠٥-٢٠٠٩-٢٠١٣-٢٠١٨) لەگەڵ یەک هەڵبژاردنی شارەوانی و سێ هەڵبژاردنی ئەنجوومەنی پارێزگاکان. بۆ عێراقیش ٥ جار. واتا بەرچاو روونیەک هەیە بۆ دەنگدەر کە لەو خولانەی پێێشوو چ کەس و لایەنێک پابەند بووە بە بەرنامە و بەڵێنەکانی کە پێشتر بەڵێنی دابوو.
دەتوانم بە بەڵگە بەرچاوو روونی بدەم، كە کێ زۆرترین بەڵێن بردۆتەسەر؟ ئەگەر لەوەوە دەست پێ بکەین هەتا ئەمڕۆ چ ئەندامێک کە دەنگی پێدراوە و هەڵبژێراوە، بەڵام وازی هێناوە و لە ریزی پارتی دیموکراتی کوردسستان چووەتە دەر، هەرگیز نەبووە، چونکە بەڵینێکی داوە بە دەنگدەر لەسەر بەرنامەیەک هەتا کۆتایی پێوەی پابەند بووە. هەروەها هیچ کات بەرنامەیکی نەکردووە بە بنەمای هەڵبژاردن کە لە توانایدا نەبێت و هەتا ئێستا شتێک نەدراوەتەوە بە چاویی ئەندامان و بەڵکو خودی پارتی بدرێتەوە کە ئەوەتان بەڵێن داوە، بەڵام جێبەجێتان نەکردوە، ئەمەش هەر نەبووە.لەمەوە
دەگەین بەو ئەنجامە کە پارتی بەرنامەی واقیعی داناوە. ئەمانە و چەندانی تر، بەڵام باشترین بەڵگە بەڕێوەچوونی بانگهێشتەکانی ئەم خولەیە، ئەوەیە كە پارتی بەرنامەی هەیە و بەرنامەکەی خۆی دەگەیەنێت بە جەماوەور، بەڵام هیچ لایەک بەرنامەیەکی دیاریکراوی نییە لەسەری برۆن، جگە لە پارتی، بەڵکو لایەنەکانی دیکە هێندە بەشتە سواوەکانەوە خەریکن هێندە ئازا نین باس لە خۆیان و بەرنامەکەیان بکەن. بۆیە باشترین شت ئەوەیە کە دەنگەکانتان بۆ کاندیدەکانی پارتی بێت بۆ ئەوەی بەرچاوتان روون بێت کە دەنگەکانتان کەسانێکی پێدەچێتە پەرلەمان،کەبەرنامە و ئامانجیان دیار بێت و دروشمی سەرەکیەکەشی: بۆ داهاتووێکی باشتر و وڵاتێکی ئارام و خۆشگوزەران، پارتێکی بەهێز هەڵبژێرە.
چاوەڕین بە دەنگەکانتان لە ٢٠٢١/١٠/١٠ئایندەت دیاری بكەیت.

ھۆشیار سیوەیلی

 

با پێکەوە پێگەی کورد لە بەغدا بەهێزکەین
رەنگـــە کەم کـــەس ئاواتەخوازی ئـــەوە بێت کار بـــۆ بەهێزکردنی پێگەمان بکەین لە بەغدا، بەڵام ئەوخواست و ئاواتەی ئێمە زیاتر لە سەد ســـاڵە کراوەتە قوربانیی بەرژەوەندی دەوڵەتان. کەواتە مادام دەبێت لەوێ بین و لەوێـــوە بەرگری لە بەرژەونەدییەکانمان بکەین، دەبێـــت تا دەتوانین ئەو بوونەمان بەهێز بێت و بۆ خزمەتی کورد و کوردستان بێت. دەبێت هەوڵی بەهێزکردنی عێراقێک بدەین کە مافە دەســـتوورییەکانی ئێمەی تێدا پارێزراو بێت. بۆ ئەوەی بتوانین ئەم ئەرکە جێبەجێبکەین دەبێت بوونمان لە دەزگا فیدراڵیە جیاوازەکاندا
لە ڕووی چەندێتی و چۆنیەتییەوە لە ئاسێکی بەرزدا بێت.
لـــە ڕووی چەندێتییـــەوە دەبێت هەوڵی ســـەرەکیمان لە ناوچەکانی دەرەوەی هەرێمـــی کوردســـتان بخەینەگـــەڕ تا زۆرتریـــن ژمارەی کورســـییەکان ببەینەوە و بەمەش ژمارەی نوێنەرانی کوردســـتان لە
پەرلەمانی بەغدا زیاد بکەین. لەڕووی چۆنیەتی و ئاست و دڵسۆزی ئەو نوێنەرانەی دەچنە بەغدا، پێویســـتە هەوڵبدەین نوێنەرەکانمان کەســـانێک بن کە بە راســـتی بەرگری لە مافە دەســـتوورییەکان بکەن و کورســـییەکانیان نەکەنە ســـەکۆی پیلان و دژایەتی گەلی کوردســـتان. دەبێت پشتگیری ئەو کاندیدانە بکەین کە حزبەکەیان دید و هەلوێست و پلان و بەرنامەی روونـــی هەیەو خاوەن بریاری نێوخۆی خۆیەتی و لە ســـەر ئاســـتی عێراق و ناوچەکە و جیهان خاوەن سەنگ و رەنگ و دەنگ و پێگەی بەرچاوە. گرنگیشە لە بەغدا کار بۆ تەبایی و پێکەوە کارکردن بدرێت تا رۆڵی نوێنەرانی کوردستان کاراتر و کاریگەرتر بێت.
لەگەڵ ڕێزم بۆ لایەنەکانی تر، بەڕای من تەنیا پارتی و نوێنەرەکانی دەتوانن لەم ڕووانگەوە و ئەو رۆلە بگێرن کە کوردســـتان پێویستی پێیەتـــی چونکە لایەنەکانی تر یان دۆخی نێوخۆیان هێندە شـــپرزە و خراپـــە کـــە نوێنەرەکانیان پابەنـــدی هەڵویســـت و بڕیارەکانی ســـەرکردایەتییەکەیان نیـــن. هەندێکیـــش لـــەو لایەنانـــە ژمارەی
کورسییەکانیان هێندە کەمە کە ناتوانن کاریگەرییان هەبێت. کەواتـــە بۆ بەهێزبوونی پێگەی کورد با دەنگ بە کاندیدەکانی پارتی بدەین

ھاودەنگ فاروق

 

ئەگەر پارتی بەهێزتر بێت لە بەغدا، پاراســـتنی ئاسایشـــی نەتەوەیی كوردســـتان هەم پارێزراوتر دەبێ هەم گەرەنتی دەکرێت؛ پرۆسەی نەتەوەسازی و بنیاتنانیش کاراتر دەکرێت و دەگاتە ئامانج.
هێزی پارتی، هێزی هەرهەموو کوردە لە بەغدا؛ لەبەر ئەوەی، پارتی هەرگیز خۆی لە خەڵك و خەڵكی لە خۆی بە جیا نەزانیوە؛ هێزی خۆی لە جەماوەرەوە وەردەگرێ و ســـینگی خۆیشـــی كردووەتە قەڵغان و بەڵاگێڕی میڵەتەكەی؛ بۆیە وا دەکات پێکهاتە سیاســـییە کـــوردەکان یەکڕیز بن و لە پەرتەوازەیی و دووبەرەكی و لێکترازان پارێـــزراو بن، چونکە هێزی گەورەی پارتی دەبێتە چەترێکی فراوانتر بۆ کۆکردنەوەی هەموو کوردستانیان لە یەک سەنگەری بەرگری و داکۆکی لە مافەکانی خەڵکی کوردستان. چەندە پارتی بەهێز بێت، كوردســـتانێكی خاوەنســـیادە و بەهێزتر و سەربڵندتر دەبێت؛ پارتی لە خەڵكی بەئەمەك و دڵسۆزی كوردستان پشتڕاستە، كە لە رێکەوتی (١۰-١۰)دا، یەكەیەكەیان ویژدانی خۆیان لەسەر سندووقەكانی هەڵبژاردندا ئاسوودە دەكەن و دەنگ بە پارتەکەی خۆیان دەدەن.
لە ١۰ی ئۆکتۆبەردا، مێژووی دوێنێ و ژیانی ئەمڕۆ و چارەنووســـی ســـبەینێیان تەنها لە بەرنامەی كار و بەڵێنی بەكرداری پارتیدا دەبیننەوە؛ خەڵكی هۆشـــیاری كوردستان دەمێكە تێگەیشتووە كە پارتی شوورایەکی قایم و کۆڵەیەکی پتەوی پاراستنی ئازادی
و دیموکراسی و ئاسایشە و زامنی ژیانێكی سەقامگیر و خۆش و ئایندەیەكی گەشە.

پەڕەى 7 لەکۆى 471 پەڕەدا
© 2017 Hawler