کانونی دووەم 18, 2022

زۆرترین بینراو دیمانه‌

Error: No articles to display

Chalak Ahmad

Chalak Ahmad

ھاودەنگ فاروق

 

پارتی لەم هەڵبژاردنەشـــدا توانیی متمانەی بەرزی زۆرینەی گەل وەرگرێتەوە، پارتی بە ژیری و پلانی شەوخستنەســـەر ڕۆژی كادیر و خەڵكی دۆست و دڵسۆزی ســـەرۆک بارزانی و ئۆرگانە دامەزراوەییەكان و پابەندی و پرەنســـیپی حزبیی ئەندام وجەماوەرە دڵســـۆز و سەرڕاســـتەكەی توانیی سەر بكەوێت وسەپرایزی بۆ دۆست و نەیاران هەبێ.
پارتی ســـەرکەوتنی ئەمجارەیشی، ســـەلمێنەری ئەو ڕاســـتییەیە کە هێزێکی خاوەن سەنگ و پێگەی سیاســـیی کوردستانی و متمانە و حســـاب بۆكراوی میڵەتی خۆیەتی، ئەوەش نهێنیی ڕەگداكوتانی ئەو درەختە دێرین و ڕەســـەنەیە کە پێی دەڵێن: پارتی و ڕێبازی بارزانی، ئەو پارتەی كێوێك توانا و وزەی نەچاوەڕوانکراوەی هەیە، زیاتر لە ۷٥ساڵە ڕیشەی لە ناخی خاك و میڵەتەكەیدا داکوتاوە.
ئەمجـــارە پەرلەمانی ئێراق، دەبێتە گۆڕەپانی شـــەڕە نەتەوایەتییەكانی كورد، پێشـــمەرگەكانی بارزانی لە ســـەنگەرەكانی بەرگری لە مافە دەســـتووری و سیاســـییەكانی خەڵكی كوردســـتاندا دەبن و، هیچ هێزێكی شـــۆڤێنی ناتوانێت دەســـتدرێژی و دەمدرێژی بكاتە ســـەر هەیبەت و شكۆی كوردستان و مافە دەستوورییەكانی خەڵک.
لێرەوە ئیدی پێویســـتە هێزە سیاســـییەكانی كوردستان، لە ژێر باڵی خەتێكی نەتەوەیی هەنگاوەكانیا نیـــەک بخەن، گەورەترین فراكســـیۆنی كورد لە نوێنەرانی عێراق، فراكســـیۆنی پارتی، دەبێتە چەترێكی سیاسی و نەتەوایەتی.
لە دوای ئەوەی خەڵكی كوردستان سزای هەموو ئەوانەیان دا كە لە هێڵی نەتەوەیی لایان دابوو، پەیامی خۆی دا بە پەرلەمانتارە تازەكانیش، كە ئیتر بازاڕی پشتكردن لە مافەكانی خەڵكی كوردستان كۆتایی هات، كێشـــەی كورد گەڕایەوە ســـەر سكە سروشـــتییەکەی خۆی و، پەرلەمانتارەكان هەمووان پێكەوە دەبێت لەو پەیامە تێگەیشتبێتن.
بەو پەیامەش هێڵی نەتەوەیی، پێشمەرگەكانی بارزانی درەوشانەوە، ڕێگەیان نەدا كێشەی كورد بچووک بكرێتەوە و بەلاڕێدا ببرێت، بۆ لەمەودواش، كێشـــەی خاک و سەروەری و مافە دەستوورییەكانی خەڵكی كوردستان، بە ڕێنمایی سەرۆک بارزانی و دەستپێشخەرییەكانی تیمی پەرلەمانی پارتی، وەك یەک پاكێچ
لە ئەجێندای سیاسەتی ئێراقیدا دەچەسپێنرێن و كاریان لەسەر دەكرێت.
ئەوەش گەورەترین سەركەوتنە بۆ هەموو كورد، پارتی بەو دەنگی یەكەمە نەک لە خۆی دەرناچێ، بگرە لە وەڵامی ئەو متمانەیەدا، هەوڵ دەدا زیاتر و شـــێلگیرانەتر لە جاران خزمەتی میڵەت و نیشـــتمانەكەی بكات و، زیاتر ئاوڕ لە ئێش و ئازاری خەڵكی خۆی بداتەوە.

عومەر چنگیانی 

 

هەر دوو ڕۆژێک تێپەڕیبوو بەسەر ڕاپەڕاندنی ڕێفراندۆمە پڕ بەها مێژوویەکەماندا، کە لە ژێر سەردێڕی ' با خۆمان لە لێدوانی غروورئامێز بپارێزین'دا بابەتێکم نووسی و لە لاپەڕە “۹” ی ڕۆژنامەی هەولێری ژمارە ۲٦۹۳ سێشەممە ۲۷ی ئەیلوولی ۲۰۱۷ بڵاو كرایەوە؛ ئیمڕۆیش لە کەشوهەوایەکی دیکەدا و دوای هەڵبژاردنێکی پێشوەختە لە وڵاتدا لە ۱۰ی ئۆکتۆبەری۲۰۲۱دا بۆ دەنگدان بە بەربژێرانی خولی نوێی پەرلەمانی عێراق و بەدیارکەوتنی لایەنی یەکەمی سەرکەوتە لە ئاستی هەرێمی کوردستاندا، بە پێویستی سەرشانمی دەزانم لەگەڵ خۆشحاڵیم بەو سەرکەوتنەکەدا، هەمان بابەت بخەمەوە بەر دیدی ئێوەی بەڕێز کە ئەوکات گوتوومە؛ پشتیوان بە خوا بە ئەركی دەزانم گوڵخەرمانی ئەمڕۆم تەرخان بكەم بۆ بیرهێنانەوەی دوو نموونەی قورئان دەربارەی نەچاوپۆشیكردنی
خوا لە وتاری غروورئامێز با كەسەكە پێغەمبەری خوایش بووبێت!
نموونەی یەكەم/ موسا پێغەمبەر سڵاوی خوای لێ بێت
وەك سەرچاوەی دروست بۆمانی باس دەكەن، “رۆژێكیان موسا پێغەمبەر سڵاوی خوای لێ بێت، لەنێو كۆمەڵێك لەشوێنكەوتووەكانیدا، سەرگەرمی ئامۆژگاری و گەیاندنی پەیامی خوا دەبێت؛ كابرایەكی جوولەكەی خاوەنبڕوا، كە زۆر دەبێتە شەیدای گفتارەكەی موسا و كار لە دەروونی دەكات، پێی دەڵێ: ئەرێ گەورەم! كەست شك دێت كە لە جەنابت شارەزاتر بێت؟ ئەویش بێ سێ و دوو لێكردن، دەفەرمێت: نەخێر! یەكسەر خوای گەورە نیگا دەنێرێ بۆ موسا و پێی دەفەرمێت: بەڵێ بەندەی وامان هەیە كە لە تۆ زۆر شارەزاترە؛ ئیتر ڕێی پێ نیشان دەدات كە بڕوات بەندە شارەزارترەكە
ببینێت ”۱”.
قورئان لە سوورەتی (كەهف)دا باسی لێ دەكات و چەندین فەرموودەی دروستی پێغەمبەریش - دروود و سڵاوی خوای لەسەر بێت - بۆمانی ڕوون دەكاتەوە، كە ئەو گەشتە فەراهەم هات، كە “خدر” تیایدا چەندین دەرسی پێویستی بە موسا دادا و، بچوكترینیان ئەوە دەبێت، كە هەر لەسەرەتای گەشتەكەدا دەبن، دەبینن: پەلەوەرێك نزم دەبێتەوە بۆ سەر دەریا و دەندووكێكی لێ دەدات و دەفڕێت، لەوێدا خدر لە مووسا دەپرسێ: “ ئەرێ ئەو پەلەوەرەی كە بینیت، توانیی چەند لەو ئاوە كەم بكاتەوە؟ دە بزانە چەندێتی نێوان ئاوەكەی دەنووكی ئەو و دەریاكە چۆنە، نێوان زانستی من و تۆ، لە ئاستی زانستی خوای پەروەردگار، هێندەیە”. لێرەوە دەڵێین: باشە ئەگەر موسا، كە پێغەمبەری خوا بووە و لەناو هەموو پێغەمبەراندا، بە”كەلیم”، ناراوە و زۆرجار ڕاستەوخۆ بەبێ جبرەئیلی فریشتەی نیگا، لەگەڵ خوای گەورەدا دواوە، ئەمە حاڵی بووبێت كە خوا قەبووڵ نەكردبێت لێی و، تووشی حاڵەتی خۆنەناسی ببێت، داخۆ فیز و لەخۆباییبوون، لە هیچ كەسێكی دیكە قەبووڵ دەكرێت؟ جێی خۆیەتی هەموو گەورەیەك زۆر بە وردی ڕەفتار و هەڵسوكەوت بكات لەگەڵ ئەوانەدا كە دەیانەوێت بە پێداهەڵگوتن و پەسناندنی بێسنوور و فێڵاوی، لە خشتەیان ببەن! مێژوو چەسپاندوویەتی كە زۆرجار
ئەو جۆرانە ئیشەكەیان كاتی و بەرژەوەندیخوازانە بووە و بەس.
نموونەی دووەم/ لە جەنگی حونەیندا
وەك سەرجەم سەرچاوەكانی تەفسیر و فەرموودە و سیرە بۆمانی باس دەكەن، دوای ئەوەی كە خوای گەورە سەركەوتنی زۆری کردە قسمەتی پێغەمبەرەكەی و یارانی و دوایین شوێنی زەوتكراوی گەورە و پیرۆزی لای مسوڵمانان واتە مەككەیان ڕزگار كرد و لەو”فەتح”ەدا زیاتر لە دەیان هەزار كەس لە خزمەت پێغەمبەردا بوون و خەڵكانێكی زۆر و خێڵەكییەكان هاتنە نێو بازنەی ئیسامەوە و وای دەخواست كە بۆ دوایین جار ئەو ناوە پاك بكرێتەوە، ئیتر پێغەمبەر دروود و سڵاوی خوای لەسەر بێت و زۆرێك لە یاران بە سوپایەكی گەورەوە، بەرەو ”تایف”، بەڕێ کەوتن. ئەوە بوو لەوكاتەدا یەكێك لە یاران – خوایان لێ ڕازی بێت - كە چاوی بەو هەموو هێزە كەوت، بە فیزەوە گوتی: ئەمڕۆ ئێمە ئەوەندە بەهێزین كە دەرەقەتمان نایەت و چارمان ناکات؛ دوای ئەو لەخۆباییبوونە، لە “دە”ی شەوالی ساڵی هەشتی پێغەمبەرایەتیدا، لە شیوەڵی حونەیندا، خێڵی “هەوازین” هەلیان بە دەرفەت گرت و پەلاماری لەشکری ئیسامیان دا و كوشتوبڕێکی زۆریان کرد؛ یاران خراپ شڵەژان و تەنانەت نەیاندەپەرژایە سەر ئەوەی بەرگری لە پێغەمبەریش بكەن! كە خوای گەورە و میهرەبان لە ئایەتی ۲٥و۲٦ی سوورەتی “تەوبە”دا، ناز دەکاتە سەر پێغەمبەر و یارانیدا، دروود و سڵاوی خوای گەورەیان لێ بێت و، دەفەرمێت: “بە ڕاستی خوای گەورە یارمەتییەکی زۆری داون لە زۆر جێگەدا، نەخاسمە لە ڕۆژی حونەیندا، ئەوكاتەی وا لە خۆشیی لەشکرە گەورەکەی خۆتاندا، لە خۆتان بایی بوون و، فیزتان لە خۆ کرد؛ کەچی ئەوەتان لێ بەسەر هات كە بەسەرتاندا هات! زۆر و زەوەندیەکەتان، گومڕای کردن و هیچیشتان پێ نەكرا و ئەو زەوینە پانوبەرینەتان وەها لێ بەرتەسک بووەوە کە پشتتان كردە دژمن، بەڵام خوای گەورە خوی ئۆقرەی خستەوە دڵ پێغەمبەر و بڕوادارانەوە."
پەڕاوێزەكان:
“۱”فتح الباري شرح صحيح البخاري فەرموودە ژمارە ۷٤”

حەمە سەعید حەسەن

 

ئێـــدوارد ســـەعید (19٣5 - 200٣) هـــەژدە ســـاڵە کۆچـــی دوایی کردووە، بەڵام (هێشـــتا ئەو گۆلەی بە بـــەردی فیکری هەژاندی، هێور نەبووەتەوە.) فەلەســـتینییەکان ڕەنگە هەموویان لە شـــیعری مەحموود دەرویش تێنەگەن، بەڵام زۆرینەان خۆشـــیان دەوێت، ئێدوارد سەعیدیش ئایکۆنێکـــە هەرچەندە زۆرێک لە فەلەســـتینییەکان لە تیۆرییە فیکری و زمانەوانی و سیاســـییەکانی تێناگەن، یان لێی تێدەگەن و هاوڕای نین، بـــەڵام نزیکەی هەموویـــان بە چاوی ڕێزەوە ســـەرنجی دەدەن. ئێدوارد ســـەعید کەســـایەتییەکی فرە بەهرە بوو، جێدەســـتی بە گەلێک بواری جیـــاوازەوە دیاربـــوو، ناوبانگی بە دونیادا بڵاو بووبـــووەوە، بەڵام وەک هەر ڕۆشنبیرێکی گەورەی دیکە، لە ناخەوە هەستی بە نائارامیی دەکرد و نزیکەی هەمیشـــە نیگەران بوو. لێرەدا حەز دەکەم هەڵەیەک ڕاســـت بکەمەوە، ڕۆشنبیر کەسێکی وەک ئێدوارد سەعیدە کە ئێمە نیمانە و لە
دونیایشدا لە وێنەی دەگمەنە.
کە لێی دەپرســـن: (ئایا ئەوەی زۆر لەوانەی پێت سەرســـامن و وەک ســـەرچاوە کەڵک لە نووســـینت وەردەگرن، کەســـانی ســـەر بە ڕەوتە ئیسلامییەکانن، نیگەرانت ناکات؟) ئیدوارد سەعید لە وەڵامدا دەڵێت: بە دڵنیایییەوە نیگەرانم دەکات، ئاخر ئیسلامییەکان بەد لە مەبەستم حاڵی دەبن و نووسینەکانم خراپ لێک دەدەنەوە. من کەسێکی عەلمانیم، بڕوام بـــە بزاڤە دینییەکان نییە و لەگەڵ فیکریاندا ناکۆکم. لەو پێشـــەکییەدا کـــە بۆ چاپە تازەکەی کتێبی (خۆرهەڵاتناســـی)م نووســـیوە، ئاماژەم بەو بەدحاڵیبوونەی ئیســـلامییەکان داوە. من لە خۆرهەڵاتناسیدا باسی ئیســـلامم نەکردووە، باســـی ئەو وێنەیەم کردووە کە خۆرئاوایییەکان بۆ ئیسلامیان هەیە. ئەوەیش هەر بەدحاڵیبوونە کە ئێدوارد سەعید کتێبی: بیرەوەرییەکانـــی خۆی ناو ناوە: (ئاوت ئۆف پلەیس) وەرگێڕی عەرەبی کردوویـــە بـــە: خارج المکان، ئاخـــر ئاوت ئۆف پلەیس بـــە مانای (لە دەروەی جـــێ) نایەت، بە مانای دوورەوڵاتـــی و نامۆیی دێت. ئەوەیش هەر جۆرێکە لە نامۆیی ناچار ببیت، بە غەیری زمانی خۆت بنووســـیت،
زمانێک هیچ لەگەڵ زمانی دایکتدا کۆی نەکاتەوە.
چونکە هەندێک لە خۆرهەڵاتناسان ڕەخنە لە کەلەپووری ئیسلام دەگرن و ئیسلامییەکانیش ئەو کەلەپوورە لەسەروو ڕەخنەوە دەبینن، بۆیە لەکن ئیسلامی، خۆرهەڵاتناسی هەر سیاسەت و ئایدۆلۆجیا نییە، هەڵمەتێکی نوێی خاچهەڵگرانیشـــە. إقتربت الساعە وإنشـــقت القمر: پەسڵان نزیک کەوتووەتـــەوە و مانگ بووە بە دوو کەرتەوە. ئەگەر خۆرهەڵاتناســـێک گومانی لە ڕاستی و دروستی ئەو بۆچوونە کردبێت، ئیسلامییەکان بەوە تۆمەتباریان کردووە کە وەرگێڕانی حەرفی بۆ تێکستەکە کردووە، تەنیا دیوی دەرەوەی دەقەکەی بینیوە و بەد لێی حاڵیی بوو

ھاودەنگ فاروق

دەنگدەری خۆشەویست! خەڵكی هۆشیاری كوردستان، دەنگدەری بوێر و چاوكراوە، پەلە مەکە لە حوکمدان؛ دەرفەتەکە چوار ســـاڵە، بە چاوی فکر و ئەقڵ بیر بکەرەوە، چاوێک بخشێنەوە بە کار و کاروانی ئاوەدانیی پارتی و ئەوانی دیكەدا، جا حەکیمی دڵ و ویژدانی خۆت بە، دەنگ بەوانە مەدە لەگەڵ نەیارانی کورددا لە بەغدا و لە تەک شـــۆڤێنییەکاندا، پێکی پیلانگێڕییان لە دژی گەلی خۆت دەنۆشینی و بەس جلی کوردییان لەبەردا بوو.
دەنگدەری خەمخۆر، دڵسۆز و بەویژدان، كە چوویتە سەر سندووقەكانی دەنگدان، چاوت لەو هەڕەشـــەیە بێت كە هەندێك دەڵێن لە بەغداوە شـــۆڕش لە دژی كوردستان دەكەین!
ئەوانەی بە پشتیوانیی ئۆردووی داگیركەر هەڕەشە لە خاک و ئاوی كوردستان و ئەزموونی كوردســـتان و ئاینـــدەی منداڵەكانمان دەكەن و مەگیرانی و بێـــزوو بەو ڕۆژەوە دەکەن، کۆمەڵێک شـــۆڤێنی بێن ئاڵای سەر قەڵای هەولێر بەوپەڕی بێڕێزییەوە داگرن، وەک چۆن ئاڵای پەیکەری پێشمەرگەکەی کەرکووکیان داگرت و لەسەری هەڵپەڕین. ئەوانە بێزوو بەو ڕۆژەوە دەکەن، لەناو سلێمانی و هەولێر و دهۆک، ڕۆژانە تۆ بە سەیتەرەی شۆڤێنییەکاندا تێپەڕیت و لەبری بەخێر بێت و خوات لەگەڵ، بە زمانێکی بێگانە بێڕێزیت پێ بکرێت. بیرت بێ! پارتی نەعرەتەی نەڕەشـــێرەكانی مێژووە، ئێمە نەك هەڕەشـــە لە كوردستان ناكەیـــن، ئێمە پەنجە بە چاوی داگیركەراندا دەكەین، هۆڵـــی پەرلەمانی فیدراڵیی ئێراق دەكەینە گۆڕەپانی تۆماركردنی گۆڵ لە دوای گۆڵ.
دەستكەوت و سەروەرییەكان، سەربەرزی و نەبەردییەكان،گەشانەوەی مێژوو، هەڵكردنی ئاڵای كوردســـتان لە پایتەختەكانی دنیا، ئاشـــتی و ئاوەدانی، پاراســـتنی كوردستان لە دەستی ڕەشی تیرۆر، لەكاتێكدا زۆرینەی وڵاتانی دەورووبەرمان بە دەستی تیرۆر خەڵتانی خوێن بوون، هەموو ئەوانە دەستكەوتی پارتین بە پشتیوانیی ئێوە. پارتی دەســـتلەملانی مێژووی پڕشـــکۆ و سەروەریی كوردســـتان، دەستوپەنجەی لەگەڵ شـــێخی پیران و شـــێخی نەمر و بارزانی نەمر، میراتگری ســـەروەرییەكانی مادی گەورە، نەعرەتەی ســـەرزەمینی ماد و میزۆپۆتامیایـــە... پارتی ژێی ئاوازی ئازادی و دیموکراتی كوردستانە. پارتی بەهێزترین شاڕێگەیە بەرەو سەربەخۆیی کوردستان.
پارتـــی تاكـــە وەڵام و بەهێزترین هاوار و گـــەرووی نەبەزیوی نەخێری كـــوردە بەرانبەر غەدرەكانی مێژوو، بەرانبەر ستەمەكانی داگیركەر. پارتی لە منداڵدانی خەم و ئازارەكانی نەتەوەیەكی ژێردەســـتەوە هاتووەتە بوون.. پارتی غەدری ســـەدە دەبینێت كە لە كورد كراوە، نەك تەنها ئیمتیازەكانی پەرلەمانتارێك و بەڵێ و نەخێری یاســـایەك و پۆســـتێك و دووان.
بـــۆ ئاوەدانی و خۆشـــگوزەرانیی خۆت و نەوەكانت، بۆ ئـــەوەی داگیركەر زات نەكات لە دوورەوەش سەیری كوردســـتان بكات. بۆ ئاڵای كوردستان، بۆ ئەوەی كوردیش لە ڕیزی نەتەوەكاندا ببێتە خاوەنی شكۆ و هەیبەتی خۆی، ئەم سێ حزبە هەڵبژێرە: پارتی و هەر پارتی و تەنیا پارتی.

ئامانج عەبدوڵا سوور

 

له دوای راپه ڕینی به هاری ١٩٩١، نێچیرڤان بارزانی وه ك سه ركرده یه كی گه نج به فۆرمێكی نوێی گوتاری سیاسییه وه هاته مه یدان.
هه رله و ساڵه و له و ده مه دا هه مووی چه ند مانگێك تێپه ڕیبوو به سه ر راپه ڕیندا له گوتارێكی جه ماوه ریدا رایگه یاند: (هیوادارم بتوانین نیشانی دنیا بدەین كە ئێمە میڵەتێكین دەتوانین خۆمان بەڕێوە ببەین و چارەنووسمان دیاری بكەین) له نێو ئه م گرێ رسته یه دا چه ندین هێڵی گشتی خۆی ساغ ده كاته وه، له سه رێكه وه ده مانباته وه به ره و راگه یاندنی سه رده مێكی نوێ و له لایه كی دیكه شه وه چه مكی خۆبه ڕێوه به ری وه ك سه روه ریی نیشتمانی به یان ده كات و ده په ڕێته وه به ره و مافی چارهنووسی نیشتمانی.
ئه وه ده ستپێكی فۆڕمێكی نوێی گوتاری سیاسی بوو كه سه ره نجام نێچیرڤانه كه ی كوردی وه ك ده وڵه تمه دار ناساند.
له جه مسه رێكی تریشه وه هه نگاوه دیپلۆماسییه كانی به رهه می گه وره ی نیشتمانییان لێ كه وته وه و به وپه ڕی بوێرییه وه له سه ر نه خشه ڕێی سه رۆك بارزانی توانیی كوردستان بخاته سه ر نه خشه وزه ی جیهان لێره وە نازناوی ئه ندازیاری دیپڵۆماسییان پێ بڕا.
ده وڵه تمه دار له ماوه ی سی ساڵی رابردوودا هه میشه به په یڤینی نوێ و گوزارشتی نوێ و گوتاره كانی به جێكه وته یه كی كاریگه ره وه به یان ئه كات.
ئه مر
ڕۆش له ناوشاری سلێمانی و به زمانێكی سلێمانیانه گره وێكی هێنایه كایه وه و دۆخێكی تری به رپا کرد.
دواجار رێبوارانی رێی بارزانی بێ چه ندوچوون ئاماده ن به شداری له ودۆخه ی گره وكه دا بكه ن كه سه ره نجام سه ركه وتنی پارتی لەپێناوی به هێزبوونی كوردستان ده سته به ر ئه كات.
نێچیرڤان بارزانی به هه موو هه وادارانی پارتی و رێی بارزانیی گوت: من یه كه م كه س ده بم ده چمه سه رسندووقی ده نگدان، بفه رموون كێ له پێش منه وه چوو، وینه ی بگرێت و ئه م گره وه م لێ به رێته وه.
په رۆشیی ده وڵه تمه دار له م گره وه دا به رپاكردنی دۆخێكه بۆ سه ركه وتنی دیموكراسییه ت بۆ ده ستەبه ركردنی مافه كانی گه لی كوردستان بۆ پارێزگاری له مافه ده ستووریه یەكانی كورد و پارێزگاری له قه واره ی هه رێمی كوردستان له رێی سه ركه وتنی كاندیدانی پارتی بۆ په رله مانی عێراق.
میانیه كی نوێی له گه ڵ جه ماوه ردا هێنایه و ه ته كایه وه و له ئه نجامدا هه وادارانی پارتی و رێبازی كوردایه تی گره وه كه قبووڵ ده كه ن به ره وپیری ده چن:گره وه كه ی هه ڤاڵ نێچیرڤان بارزانیم قبووڵه و پێش به ڕێزی له سه ر سندووقی ده نگدان ده بم و پارتی هه ڵده بژێرم.

ھاودەنگ فاروق

 

پارتی نامۆ نییە بە ســـلێمانی؛ ســـلێمانی خۆی خاوەنی ڕیشەی خەبات و ڕەســـەنایەتی پارتی و ڕێبازی بارزانییە؛ سلێمانییەکان پێش هەمووان لە پارتی و بارزانی تێگەیشتوون، بۆیە ئەوان دوو جار پارتین. لە مێژووی پارتی و سەردەمی شۆڕشی ئەیلوول و گوڵان و، لە ڕاپەڕینیشدا تێكۆشەرانی ڕێبازی كوردایەتی لە سلێمانی، ڕۆڵی کارایان هەبووە.
ئەوەی لە ساڵانی ڕابردوودا سلێمانیی ئازار داوە و زیانی زۆری بە شارەكە گەیاند و، بووەتە هۆی دواكەوتنی، ئەو مەکینە ئیرهابە فکرییە بووە، کە لە دژی پارتی و ســـلێمانی وەگەڕ خرابوو. ئەمڕۆ ســـلێمانی لە هەموو کاتێ زێتر پێوێســـتیان بە مۆدیلە پارتییانەکەی کار و خزمەتگوزاری و سەقامگیرییە، بۆیە دڵنیاین سلێمانی خۆی دەجووڵێ و وەرەم و گرێی ساڵەهای شێرپەنجەی ئیرهابی فکری لە ڕەگوڕیشەوە هەڵدەتەکێنێ و پارتی هەڵدەبژێرێ.
لـــە هەڵمەتی هەڵبژاردنی ئەمجارەدا، ڕاســـتییەکی ڕوونتر كردەوە، كە: چیتر ئیرهابی فكری لە شـــارە حەیاتەكـــە ڕەواجی نەماوە؛ هەروەك ئەو نەریتەش بازاڕی نەما كە ئۆباڵی نەبوونی پڕۆژە و ئاوەدانی و ئارامی لە سلێمانی بخرێتە ئەستۆی پارتی.
جێگری ســـەرۆكی پارتی، بە خەڵكی ســـلێمانی گوت: ســـەرمایەدارەكان شـــایەتن كە هەر پڕۆژەیەكی ئاوەدانی لە ناوچەكانی دیكەی كوردستان هەبووبێت، ئێمە ئاسانكاریمان كردووە بۆ ئەوەی لە سلێمانییشدا بكرێت؛ بەڵام بۆ نەكراوە؟ ئەوە ئەو پرسیارەیە كە دەنگدەرانی سلێمانی لە ١۰/١۰ لە دەســـتەڵاتدارانی ســـلێمانی دەیكەن. چونكە ئەوان باش دەزانن، تاكە لایەنێكی لە دواكەوتنی سلێمانیدا ئەستۆپاک بێ و هیچ خەتایەكی نەبووبێ، پارتییە.
وەك "نێچیرڤان بارزانی" گوتی: ســـلێمانی و پارتی دوو ئەڵقەی پێكەوە گرێدراون و لێک جیا ناكرێنەوە. هیچ گەڕەكێكی ســـلێمانی و هیچ گوند و شـــارۆچكەیەكی ئەو دەڤەرە نییە، ســـەروەرییەكی بۆ پارتی تۆمار نەكردبێت. بۆیە دڵنیاین لە ڕۆژی دەنگدانیشدا، دەیكەنە كەرنەڤاڵی سەرخستنی كاندیدەكانی پارتی. ئەوجا، چاوەڕوانی ئارامی، ئۆقرەیی و ئاوەدانی و پڕۆژە جوانەكانی پارتی بن.

عارف ڕوشدی

 

ململانێی تەندروست لەقوناغی هەڵبژاردنەکانی پارلەمانی فیدڕاڵیدا بریتییە لە و ململانێیەی لەگەڵ لایەنەکانی دیکەی دەرەوەی هەرێمدا بێت ، چۆنکە چەقی کێشە یاسایی، سیاسی و دەستورییەکانمان لە بەغدایە. ئەگەر لایەنە کوردستانیەکان دەیانەوێ قەوارەی یاسایی هەرێمەکەمان پارێزراوبێت، پێویستە هاوشێوەی پارتی گوتارەکانیان لە چوارچێوەی خواستە نیشتیمانی و نەتەوەیی دیموکراسیدا بێت ، نەک ڕوو لە دژایەتیکردنی پارتی بێت، بەڵکو پێکەوە لە پێشبرکێیدابین لە پێناوی پتەوترکردنی یەکرێزی و یەکگوتاری نیشتیمانیماندا لەلایەک و، دەرفەت نەدەینە لایەنە ڕەگەزپەرست و تایفەگەرییەکان بە زەقکردنەوەی ململانیی نێوخۆیی و ببێتە دەروازەیەکی واڵا لە بەردەمیان و بەکاریبێنن لە پێناوی مەبەستە گڵاوەکانیاندا لە لایەکی دیکەوە. نە خاسمە چاوەڕواندەکرێت لەم خولەی پارلەماندا شێڵگیرانە هەوڵبدرێت بۆ هەموارکردنەوەی دەستور و زیان گەیاندن بەو ماددەو بڕگانەی پەیوەندیدارن بە مافە ڕەواکانی گەلەکەمان لە پێش هەمویانەوە لە باربردنی ماددەی ۱٤۰ ، لەکاتێکدا چاک دەزانن سەنگەری پارتی سەنگەری یەکرێزی و تەباییخوازی و پاراستنی مافە
دەستورییەکانمانە.

پەڕەى 6 لەکۆى 471 پەڕەدا
© 2017 Hawler