کانونی دووەم 18, 2022

زۆرترین بینراو دیمانه‌

Error: No articles to display

Chalak Ahmad

Chalak Ahmad

سەرۆك مەسعود بارزانی، لە پەیامێكدا بەبۆنەی یادی لە دایكبوونی حەزرەتی مەسیح، پیرۆزبایی ئاراستەی كریستیانەكان دەكات و رایدەگەیەنێت، كوردستان بۆ هەمیشە وەك پەناگە و پاڵپشتی كریستیانەكان و هەموو پێکهاتەکانی تر دەمێنێتەوە و لە كوردستاندا هەرگیز هزری تیرۆر و جیاكاریی ئایینی و تاییفی جێگەی نابێتەوە.

دەقی پەیامی سەرۆك بارزانی بەبۆنەی هاتنەوەی جەژنی لەدایكبوونی حەزرەتی مەسیح
بەناوی خودای بەخشندە و میهرەبان
بە بۆنەی هاتنەوەی جەژنی لە دایكبوونی حەزرەتی مەسیح (سڵاوی خوای لێ‌ بێت)، گەرمترین پیرۆزبایی ئاراستەی سەرجەم خۆشك و برایانی خۆشەویستی كریستیان لە كوردستان و عێراق و جیهان دەكەم و هیوای جەژنێكی پڕ لە خۆشی و شادییان بۆ دەخوازم.
لەگەڵ هاتنی تیرۆریستانی داعش بەشێكی زۆری خوشك و برا كریستییانەكانمان سەروماڵیان کەوتە بەر هەڕەشە و ماڵ و حاڵی خۆیان جێ هێشت و ڕوویان کردە ناوچە ئارامەکانی ژێردەسەڵاتی حکوومەتی هەرێمی کوردستان، دوای ئەوەی هێزی پێشمەرگە توانی تیرۆریستان تێکبشکێنێت و ناوچە کریستیاننشینەکان ئازادبکاتەوە، لەو شوێنانەی لەهەڕەشەی تیرۆریستان دووربوون بەشێک لە ئاوارەکان گەڕانەوە، بەڵام بەداخەوە لە دوای ١٦ـی ئۆکتۆبەر، جارێکی دیکە بەهۆی پەلاماردانی دەشتی نەینەوا لەلایەن هێزەکانی حەشدی شەعبییەوە کریستیانەکان تووشی ئاوارەیی بوونەتەوە.
بوونی هزری توندڕۆیی و جیاکاری جا لەژێر هەر ناونیشانێکدا بێت هەڕەشەیەکی جیددییە لەسەر پێکەوەژیان و ئاسایش و ئارامی. بوونی ئەو ژمارەی زۆرەی ئاوارە و لێقەوماوان لە سەرجەم پێکهاتە نەتەوەیی و ئاینییەکانی عێراق کە ڕوویان لە هەرێمی کوردستان کردووە، بەڵگەی بەهای بەرزی پێکەوەژیانە لەناو گەلەکەماندا و پێشمەرگە بەخوێنی خۆی بەرگری لە سەرجەم پێکهاتەکان کردووە و كوردستانیش هەمیشە پەناگە و پاڵپشتی خوشك و برا كریستیانەكان و هەموو پێکهاتەکانی تر دەمێنێتەوە.
خوشک و برایانی مەسیحی دڵنیا دەکەینەوە کە لە كوردستاندا هەرگیز هزری تیرۆر و جیاكاریی ئایینی و تاییفی جێگەی نابێتەوە. ئێمە هەموومان لە مرۆڤایەتیدا برا و هاوبەشین و هیچ هێز و هزرێكی شەڕانگێز ناتوانێ برایەتی و پێكەوەژیانمان تێك بدات.
هیوادارم ئه‌م جه‌ژنه‌ ببێته‌ مایه‌ی خێر و بەختەوەری بۆ ئێوەی ئازیز و هەموو ساڵێک لە ئارامی و ئازادیدا جەژنەکانتان پیرۆز بکەن.

مسعود بارزانی
25ـی12ـی2017

بەڕێوەبەرایەتیی پۆلیسی پارێزگای هەولێر، بە هەماهەنگی لەگەڵ ئاسایش، پۆلیسی هاتوچۆ، پۆلیسی بەرگریی شارستانی و هێزە ئەمنییەكانی دیكە، بەبۆنەی سەری ساڵی تازەوە پلانێكی ئەمنی ڕاگەیاند.

ڕائید هۆگر عەزیز، گوتەبێژ و بەڕێوەبەری ڕاگەیاندنی پۆلیسی هەولێر ڕایگەیاند: بە بۆنەی سەری ساڵی نوێوە، گشت بەشەكانی بەڕێوەبەرایەتییەكەیان بە هەماهەنگی لەگەڵ ئاسایشی هەولێر، پۆلیسی هاتوچۆ، پۆلیسی بەرگریی شارستانی و هێزە تەناهییەكانی تر، پلانێكی ئەمنیی تۆكمەیان داڕشتووە.

بەڕێوەبەری ڕاگەیاندنی پۆلیسی هەولێر ئاماژەی بۆ ئەوەش كرد: هێزەكانی ئاسایشی ناوخۆ پلانەكە لە ناوەوە و دەرەوەی شار جێبەجێ دەكەن و لە سەرجەم شوێنە گشتییەكانیش بە وردی چاودێریی دۆخی ئەمنی دەكەن.

بە وتەی ڕائید هۆگر، لە هەموو ئەو شوێنانەدا كە ئاهەنگیان تێدا ساز دەكرێت، هێزە ئەمنییەكان ڕێگری لە هەر حاڵەتێكی نایاسایی و نائاسایی دەكەن و بەوپەڕی چاوكراوەییشەوە سەروماڵی هاووڵاتییان دەپارێزن.

جووتیارانی کورد لەپێش هۆبەی کشتووکاڵی داقووق خۆپێشاندانێکیان لەدژی سیاسه‌تی تەعریبکردنەوەی گووندەکانیان و داگیرکردنی زەوییەکانییان لەلایەن عەرەبە هاوردەکانەوە ئەنجامدا.

چه‌ند سه‌رچاوه‌یه‌ك له‌ ناوچه‌كه‌ به‌ كوردستان 24ی راگه‌یاند، لەخۆپێشاندانەکەدا ژمارەیەکی بەرچاو لەجووتیارانی کورد ئامادە بوون و، دوایانکرد بەر بەشاڵاوی تەعریبکردن و داگیرکاریی عەرەبەکان بگیرێت.

یەکێک لە خۆپێشاندەران کە خەڵکی گووندێکی سنووری داقووقە، ڕایگەیاند، دوای 16ی ئۆکتۆبەر و نەمانی دەسەڵاتی کوورد لەقەزاکە ئەوعەرەبانەی کە پێشتر لەسەردەمی بەعس زەوییەکانی ئێمەیان داگیرکردبوو، ئێستا دووبارە بەهەڕەشە و بەزەبری هێز زەوییەکانمان دەکێڵنەوە و دووبارە داگیری دەکەنەوە.

ئەوجووتیارە کووردە ئۆباڵی ئەو زووڵمەی لێیان دەکرێت دەخاتە ئەستۆی بەرپرسان و دەسەڵاتدارانی ناوچەکە، کە لەدوای 16ی ئۆکتۆبەر هاوڵاتیانی ناوچەکەیان بۆعەرەب و حەشدی شەعبی بەجێهێشتووە. هه‌روه‌ها هۆشداری ئەوەشیدا، لەئەگەری چارەسەرنەکردنی کێشەکانیان، کورد ناچارە وەکو خوورماتوو، قەزاکە چۆڵ بکات، چونکە بەوتەی ئەو ڕۆژانە هاوڵاتییانی کورد دەکووژرێن و سووکایەتیان پێدەکرێت و خانووەکانییان دەتەقێنرێنەوە. دواشی لەسەرکردایەتی سیاسی کوردستان کرد، فریایان بکەون و چیتر پشتییان تێنەکەن.

شێخ جەعفەر، فەرماندەی پێشمەرگە و ئەندامی مەکتەبی سیاسیی یەکێتی رایدەگەیێنێ: "گرووپێك له‌نێو یه‌كێتیدا هه‌ن‌ هاوئاهه‌نگی و رێكکه‌وتنیان له‌گه‌ڵ حكومه‌تی عێراق و حه‌شدی شه‌عبیدا هەیە، وه‌ك چۆن كه‌ركووكیان رادەستكردن ئاواش ده‌یانه‌وێت سلێمانی و هه‌ولێر و دهۆكیان رادەستبكه‌ن". ناوبراو گرووپەکە بە گرووپی 16 ی ئۆکتۆبەر دەناسێنێت و دەڵێت: "ئەگەر سەردەمی شاخبا لەسەر خیانەتەکەی کەرکووک گوللەباران دەکران". جەختیش لەوە دەکاتەوە کە هەر ئەوان لە ئاڵۆزی و تووندوتیژی خۆپیشاندانەکانی سلێمانی و دەوروبەری بەرپرسیارن.
جه‌عفه‌ر شێخ مسته‌فا، فەرماندەی یەکەی 70 ی هێزەکانی پێشمەرگە لە هەڤپەیڤینێکدا لەگەڵ دەنگی ئەمریکا کە دواتر بۆ تۆڕی میدیایی رووداویشی پشتڕاستکردەوە، رایگەیاند:" گرووپێك له‌نێو یه‌كێتیدا هه‌ن هاوئاهه‌نگی و رێكکه‌وتنیان له‌گه‌ڵ حكومه‌تی عیراق و حه‌شدی شه‌عبیدا هەیە، وه‌ك چۆن كه‌ركووكیان رادەستكردن، ئاواش ده‌یانه‌وێت سلێمانی و هه‌ولێر و دهۆكیان رادەستبكه‌ن، ته‌نانه‌ تووندوتیژ‌ی خۆپیشاندانه‌كان ئه‌و گرووپه ‌بوون نه‌ك خه‌ڵك، به‌وه‌ ویستیان بیانوو بده‌نه‌ ده‌ست سوپای عێراق و حه‌شدی شه‌عبی تاوەکو به‌ناوی پاراستنی ئاسایش و خه‌ڵكه‌وه‌ بێنه‌وه‌ سلێمانی و كوردستان".
ئەو سەرکردەیەی یەکێتی رەتیکردەوە تووندوتیژی و سووتاندنی باره‌گای حیزبه‌كان و فه‌رمانگه‌ حكومییه‌كان كاری ئەو هاونیشتمانی و خۆپیشانده‌رانە بێت كه‌ داوای مووچه‌ و خزمه‌تگوزاری ده‌كەن و گوتی: "ئه‌و رووداوانه‌ی روویاندا داوای خه‌ڵك نه‌بوو، به‌ڵكو ئه‌وه‌ موئامه‌ره‌یه‌ك بوو  كه‌وتنه‌ نێو ئه‌و خۆپیشاندان و ناڕه‌زایه‌تییانه‌ و من وه‌ك كوده‌تایه‌ك ده‌مبینی، مه‌رامه‌كه‌یان ئه‌وه‌بوو دۆخی كوردستان تێكبده‌ن، ته‌نانه‌ت هاوئاهه‌نگییان هه‌بوو له‌گه‌ڵ عێراقدا تاوەکو حه‌شدی شه‌عبی و سوپای عێراق بهێننه‌ سلێمانی و هه‌موو كوردستان".
شێخ جەعفەر ئاماژەی بەوە کرد کە "ئه‌م پیلانه‌ هی خه‌ڵكی ئاسایی نه‌بوو، چونكه‌ ئێمه‌ ده‌زانین خه‌ڵك و ئه‌و گه‌نجانه‌ گیرفانیان به‌تاڵه‌ و داواكارییان ره‌وایه‌، ‌خه‌ڵكی ئاسایی ئه‌و مه‌رامه‌ی نه‌بوو. نەک دوو هه‌زار یا پێنج هه‌زار كه‌س، به‌ڵكو خه‌ڵكی ئاسایی ناڕه‌زا سه‌دان هه‌زار كه‌سن، ئه‌گه‌ر خه‌ڵكی ئاسایی بوونایه‌ هیچ هێزێك نه‌یده‌توانی له‌به‌رده‌م هێزی خه‌ڵك خۆی رابگرێت."
شێخ جه‌عفه‌ر به‌شێك له ‌سه‌ركردایه‌تی و خه‌ڵكی یه‌كێتی بە دروستکردنی پشێوی لەنێو خۆپیشاندانەکان تۆمەتبارکرد و گوتی: "له‌نێو یه‌كێتیدا ئاراسته‌یه‌ك هه‌یه‌ و هه‌ندێك لایه‌نی دیکە و تەنانەت چه‌ند وڵاتێكی هه‌رێمیش له‌پشتییه‌وه‌ن، ئەوان ده‌یانه‌وێت سوپای عێراق و حه‌شدی شه‌عبی بهێننه‌ سلێمانی و هه‌ولێر و دهۆك و هاوشێوه‌ی خیانه‌ته‌كه‌ی كه‌ركووك دووباره‌بكه‌نه‌وه‌".
سه‌باره‌ت بەو كه‌سانەی‌ ‌نێو یه‌كێتی زیاتر گوتی: "من خۆم حیزب وه‌ك هۆكار ده‌بینم بۆ گه‌یشتن به‌ ئامانجه‌كانی نه‌ته‌وه‌كه‌م، به‌ڵام به‌داخه‌وه‌ له‌ كوردستان به‌هۆی ئه‌م ململانێ و ناكۆكییانه‌ی نێو حیزب، ئیمانم به‌ حیزبایه‌تی به‌ته‌واوی لاواز بووه‌، ئه‌و گرووپ و ئاراسته‌یه‌ی نێو یه‌كێتی هه‌ندێكیان له‌ده‌ره‌وه‌ی مه‌كته‌بی سیاسی و سه‌ركردایه‌تین، به‌ڵام ده‌سه‌ڵاته‌كه‌یان وای كردووه‌ له‌ده‌ره‌وه‌ی سیاسه‌تی یه‌كێتی و ده‌ره‌وه‌ی یه‌كێتی بڕیارده‌ده‌ن."
شێخ جه‌عفه‌ر ئاماژه‌ی به‌وش ‌كرد کە ئه‌وه‌ی له‌ سنووری سلێمانی و شوێنه‌كانی دیکە روویدا ئه‌مجاره‌ تێكه‌ڵبوونی خۆپیشانده‌ران بوو، "ئه‌وه‌ یه‌كێك له ‌به‌رنامه‌كان بوو كه‌ ئه‌و ئاژاوه‌گێڕییه‌ دروستبكه‌ن، له‌ شوێنه‌كانی دیکەش دووباره‌ی بكه‌نه‌وه‌ و دواتر وه‌ك گوێمان لێبوو له‌ راگه‌یاندنه‌كان له‌ژێر ناوی پاراستنی ئاسایش، حكومه‌تی عێراق سوپا بهێنێته‌وه‌ كوردستان، چونكه‌ هاوئاهه‌نگی و رێكکه‌وتنیان له‌وڕووه‌وه‌ پێشوه‌خته‌ له‌گه‌ڵ عێراق و حه‌شدی شه‌عبیدا هه‌بوو".
ئەندامەکەی مەکتەبی سیاسیی یەکێتی کێشە نێوخۆییەکانی حیزبەکەی بە هۆکاری ئەو رێککەوتنە دەزانێت و دەڵێت: "له‌به‌رئه‌وه‌ی یه‌كێتی ئێستا جۆرێك له‌سه‌ر لێشێواوی و لێكترازانی تێدایه‌، وای لێهاتووه‌ كه‌سانێك حیزبەکە کۆنترۆڵبکەن و جۆره‌ها مامه‌ڵه‌ش به‌ حیزبه‌كه‌وه‌ ده‌كه‌ن ته‌نیا بۆ په‌یداكردنی ده‌سه‌ڵاتی خۆیان، وایلێهاتووە ئه‌و كه‌سانه‌ بۆ خۆیان له ‌گۆڕه‌پانه‌كه‌دا یاری بكه‌ن و كه‌سیش نه‌توانێت لێیان بپرسێته‌وه‌."
فەرماندەی یەکەکانی حەفتای وەزارەتی پێشمەرگە هۆشداری دەدات کە "تاوەکو ئه‌و گرووپه‌ خائینه‌ی یه‌كێتی مابن مه‌ترسی جددی له‌سه‌ر كوردستان هه‌یه‌، چونكه‌ به‌رده‌وام هاوئاهه‌نگی عێراقن و ده‌یانه‌وێت سوپای عێراق و حه‌شدی شه‌عبی بهێننه‌وه‌ و هه‌موو كوردستانی ته‌سلیم بكه‌ن، بۆ نه‌هێشتنی كوردستان و ئه‌و ده‌ستكه‌وتانه‌ی كوردستان. ئێستاش ئومێدمان یه‌كڕیزی میلله‌ت و ساڕێژكردنی برینه‌كانه‌، ئه‌گه‌رنا ئه‌مڕۆ بێت یا سبه‌ی ده‌بێت به ‌خه‌ڵك بڵێین ئه‌و گرووپه‌ خائینه‌ كێن كه‌ هه‌ماهه‌نگییان له‌گه‌ڵ عێراق و حه‌شدی شه‌عبی هه‌یه‌، له ‌به‌غدا و كه‌ركووك و سلێمانی كۆبوونه‌وه‌یان له‌گه‌ڵ كردوون و ده‌یانه‌وێت ده‌ستی سوپای عێراق و حه‌شدی شه‌عبی بگرن و بیانهێننه‌وه‌ شاره‌كانی كوردستان."
به‌بڕوای شێخ جه‌عفه‌ر تائێستاش مه‌ترسی هاتنی سوپای عێراق و حه‌شدی شه‌عبی له‌سه‌ر هه‌رێمی كوردستان ماوە و‌ دەڵێت: " هه‌تا ئه‌و گرووپه‌ مابن ئه‌و مه‌ترسییه‌ به‌رده‌وام له‌سه‌ر كوردستانە، چونكه‌ ئه‌وان له‌ موئاماره‌ی خۆیان ناكه‌ون، ئه‌گه‌ر بڕوانن ئه‌و كه‌سانه‌ له‌ رابردوودا فلسێكیان له ‌گیرفاندا نه‌بووه‌، كه‌چی ئێستا به ‌سه‌دان ملیۆن دۆلار ناڵێن پاره‌، پاره‌ی نه‌وتیان لایه‌ و تائێستاش له‌و كه‌سانه‌ی بچووكترین به‌رژه‌وه‌ندییان له‌م وڵاته‌ هه‌یه‌ له‌گه‌ڵیان هاوبەشن و سه‌رانه‌یان لێده‌سێنن."
دەشڵێت: "هه‌موو حیزب و لایه‌نه‌كان بە كاك مه‌سعودیشه‌وه‌ ئاگاداری خیانه‌تی ئه‌و گرووپه‌ی یه‌كێتین، به‌ڵام دۆخی كوردستان ناله‌باره‌ و سه‌ركرده‌ی ئه‌و حیزبانه‌ش به‌رپرسانه‌ نایه‌نه‌ پێش بۆ چاره‌سه‌ركردنی ئه‌و كێشانه‌، فه‌وزایه‌ك له‌ كوردستان دروستبووه‌ ئه‌وان به‌هه‌موو جۆرێك ده‌توانن ته‌راتێنی تێدا بكه‌ن".
سەبارەت بە رووداوەکانی 16ی ئۆکتۆبەر و گوتەکانی ئاراس شێخ جەنگی، شێخ جەعفەر گوتی: " ئێستا كاتی ساڕێژكردنی برینه‌كانه‌ نه‌ك كولاندنه‌وه‌یان، ئاراسی شێخ جه‌نگی زۆر سه‌هوە‌، ده‌بوو باسی ئه‌وه‌ بكات به‌پێچه‌وانه‌وه‌ ئه‌و به ‌ئێمه‌ی گوت به‌رگری مه‌كه‌ن با سوپای عێراق و حه‌شدی شه‌عبی بێنه‌ كه‌ركووك، به‌ڵام ئێمه‌ پێمانگوت سازش له‌سه‌ر یه‌ك بست خاكی كوردستان ناكه‌ین و بێ به‌رگری چۆڵی ناكه‌ین، ده‌بوو باسی رۆڵی خراپی خۆی بكات كه‌ كۆبوونه‌وه‌ی له‌گه‌ڵ عێراق و سه‌ركرده‌كانی حه‌شدی شه‌عبی كرد بۆ ئەوەی بیانهێنێته‌ كه‌ركووك، هۆكاری 16ی ئۆكتۆبه‌ر گشتپرسی نه‌بوو، به‌ڵكو خیانه‌تی ئه‌و گرووپه‌ی یه‌كێتی بوو، ئێستاش ئه‌گه‌ر گشتپرسی بكرێت و بزانم زیانی زیاتر ده‌كه‌ین، نه‌ك یه‌ك په‌نجه‌ هه‌ر 10 په‌نجه‌كه‌م ده‌كه‌م به‌ مه‌ره‌كه‌به‌كه‌دا بۆ سه‌ربه‌خۆیی كوردستان، به‌ڵام ئه‌وانه‌ی له‌سه‌ره‌تاوه‌ دژی گشتپرسی و سه‌ربه‌خۆیی بوون، ئه‌وانه‌ بوون ‌هاوكاری و هه‌ماهه‌نگی سوپای عێراق و حه‌شدی شه‌عبییان ده‌كرد، تاوەکو بیانهێننه‌وه‌ شاره‌كانی كوردستان و وه‌ك شاره‌كانی عێراقی لێبكه‌ن".
شێخ جه‌عفه‌ر مسته‌فا جه‌ختی له‌وه‌ كرده‌وه ‌"ئه‌گه‌ر رۆژێك ئه‌م دۆخه‌ ناله‌باره‌ی كوردستان نه‌مێنێت و دادگایه‌كی نیشتمانی پێكبهێنرێت، ده‌بێت له‌دنیادا سزای خائین چییه‌ ئه‌وانیش هه‌مان سزابدرێن، چونکە ئه‌گه‌ر له‌سه‌رده‌می شاخدا ئه‌وه‌یان بكردایه‌ و هاوكاری حكومه‌تی عێراقیان کردبا، هه‌موویان گولـلەباران ده‌كران، ئه‌گه‌ر مام جه‌لالیش مابووایە هه‌موویانی وه‌ك خائین سزاده‌دا."

وتەبێژی گەشتوگوزاری هەرێم رایگەیاند، رسوماتی شوێنە گەشتیارییەكان كەمدەكەنەوە، بەمەبەستی گەشەكردنی بازاڕەكان و بوژاندنەوەی ئابوری هەرێم و چاوەڕواندەكەن رەوشی كەشتوگوزار روولەباشبوون بكات.

نادر رۆستی، وتەبێژی گەشتوگوزاری هەرێم راگەیاند، "وەك هاوكاریەكی حكومەت بۆ كەرتی تایبەت و پەرەپێدانی كەرتی گەشتیاری، هەوڵی زۆر لە ئارادان كە ڕەوشی ڕێگاكانی هاتوچۆ لە نێوان هەرێم و شارەكانی دیكەی عێراق ئاسایی بێتەوە و گەشتیاران بتوانن بەبێ ئاستەنگ رووبكەنەوە هەرێم".

ئاماژەی بەوەشكرد، رسوماتی شوێنە گەشتیارییەكانی هەرێم كەمدەكەنەوە، بەمەبەستی گەشەكردنی بازاڕەكان و بوژاندنەوەی ئابووری.

نادر رۆستی وتیشی، "گوشار خراوەتە سەر عێراق تاوەكو فڕۆكەخانەكانی هەرێم بكەنەوە و گەشتیار و كۆمپانیا و رێكخراوەكانی بیانی بێنەوە هەرێمی كوردستان، بۆ هێنانی گەشتیارانیش چەند جارێك كۆبوونەوە لەگەڵ چەند كۆمپانیایەكی عێراقی كراوە".

 ئەوەشی وت، "سەری ساڵ لە شارەكانی هەرێم لە ژمارەیەك میوانخانە ئاهەنگ بەڕێوەدەچێت، كە سەرجەمیان لە لایەن كەرتی تایبەت سازكراون، بەشێوەی گشتی چاوەڕان دەكرێت لەساڵی نوێدا ڕەوشی گەشتیار ئاسای ببێتەوە، ئەوەش بەشێك لە قەیرانی ئابوری هەرێم چارەسەر دەكات"

بازاڕێكی ئینتەرنێت لەتوركیا لە رێگەی راپرسییەكەوە دەریخستووە، كە لەسەدا 85ی هاووڵاتییانی توركیا جەژنی سەری ساڵ لە ماڵەوە دەكەنەوە.
لە راپرسیەكەدا چوار هەزار و 777 كەس بەشداربوون، پرسیاریان لێكراوە لەسەر هەڵسوكەوتیان بۆ كڕین و بازاڕكردنی تایبەت بە سەری ساڵ.
لە راپرسییەكەدا پرسیاری ئەوە كراوە، كە چۆن سەری ساڵ بەسەر دەبەن، لەسەدا 72ی بەشداربووان ماڵەوەیان هەڵبژاردووە بۆ بەسەربردنی جەژنی سەری ساڵ و لەسەدا 13یان وتویانە لە ماڵەوە لەگەڵ هاوەڵانیاندا بەسەری دەبەن.
هەروەها لەسەدا 10ی بەشداربووان بەشداری ئاهەنگی تایبەتی سەری ساڵ دەكەن لە دەرەوە و لەسەدا سێی هاوڵاتییانیش لە دەرەوەی توركیا و لەسەدا دووشیان لە دەرەوەی شارەكان ئاهەنگەكانی سەری ساڵ بەسەر دەبەن.
هاوڵاتییانی توركیا لە مانگەكانی تشرینی دووەم-كانوونی یەكەمدا، دەستیان كردووە بە كڕینی داری جەژن و ئەوەش لەسەدا 30  لەچاو تێكرای كڕینیدا لە ساڵێكدا زیاترە، هاوكات ئامێری دروستكردنی گەنمەشامی دوو هێندە فرۆشی زیادی كردووە، لەگەڵیدا فرۆشتنی یارییەكانی سەر مێز لەسەدا 90 زیادی كردووە.

به‌ڕێوه‌به‌رى گشتیى فه‌رمانگه‌ى ته‌ندروستى سلێمانى به‌(تۆڕی میدیایی رووداو)ى راگه‌یاند "بڕێک دەرمان له‌ به‌غداوه‌ گه‌یشتووه‌ته‌ سلێمانى و چاوه‌ڕێ ده‌كه‌ین ده‌رمانى دیكه‌ش ره‌وانه‌بكرێت".

د. میران محه‌ممه‌د، به‌ڕێوه‌به‌رى گشتیى فه‌رمانگه‌ى ته‌ندروستیى سلێمانى، له‌باره‌ى ئه‌و ده‌رمانه‌ى له‌ به‌غداوه‌ گه‌یشتووه‌ ده‌ڵێ: "ئه‌وه‌نده‌ زۆر نییه‌ بڵێین ده‌رمانخانه‌ى نه‌خۆشخانه‌كانمان ده‌بووژێنێته‌وه‌، به‌ڵام له‌وه‌ باشتره‌ هیچ نه‌نێردرێت، زۆرتر حه‌ب و شرووب و ژیناوى پزیشكییه‌، به‌ڵام پێمانوایه‌ به‌م نزیكانه‌ ده‌رمانى شێرپه‌نجه‌ش بنێرن".

پەڕەى 471 لەکۆى 471 پەڕەدا
© 2017 Hawler