کانونی دووەم 18, 2022

زۆرترین بینراو دیمانه‌

Error: No articles to display

Chalak Ahmad

Chalak Ahmad

ڕابەر مەحموود

 

ئەگەرچی هیچ کاتێک لەکوردستان و ناوچەکە وەک چەند ساڵی ڕابردوو دۆخەکە لەبار نەبووە بۆ دروستبوونی حیزب و گەشەسەندنی، چونکە پڕۆسەی سیاسیی حیزب لە شار و شەقامەکانەوە دەست پێ دەکات و هەر لەوێ بەردەوام دەبێ و گەشە دەکات، هەروەها لەناو جەماوەرە و هیچ دوژمنێکی ئایدۆلۆژی نییە وەک ئەوەی لەسەردەمانی خەباتی نهێنیی شار و شۆڕشی شاخدا هەبوو، ئەمە لە لایەک، لەلایەکی ترەوە دەزگا و کەرەستە پێویستییەکانی ڕاگەیاندن و تێکەڵبوون لەگەڵ خەڵک و گەیاندنی پەیامەکان بەگوێ خەڵکدا ئاسانە و هەرکەس لە ماڵی خۆی بێت یان لە هەر جێگایەکی تر ئەتوانێ پەیام بگەیەنێت یاخود بینەر و بیسەری بێت، بەڵام لەگەڵ هەموو ئەمانەشدا ئەو حیزبانەی لە چەند ساڵی ڕابردوو دروست بوون یان گەشەیان کردووە بەرەبەرە خەریکی پوکانەوەن و لە ساحەکە نامێنن و لایەنگر و کادیر و ئەندامانیان پەرش و بڵاو دەبن، ئەمەش لەبەر ئەوەیە هەریەک لەو حیزبانە لە لایەن کەسایەتییەک لە بارودۆخێکی دیاریکراودا بۆ مامەڵە لەگەڵ ئەو بارودۆخە دروست بوون، بە نەمانی ئەو کەسایەتییە یان ئەو بارودۆخە یان ئەو گرفتە ئیتر ئەوانیش پوکاونەوە و وەک تۆزی بیابان ڕەشەبایەک ڕای ماڵیون و لەگەڵ زەوی تەختی کردوون هەشیانە بە پوشە بایەک مۆمەکەی کوژاوەتەوە.
جیا لەو جۆرە حیزب و بزووتنەوە کۆمەڵایەتییانەی باسکران، (پارتی دیموکراتی کوردستان) کە زیاتر لە سێ چارەگی سەدەیەکە هەیە و بە هەمان گڕوتینی ساڵی یەکەمی تەمەنییەوە لە خەبات بەردەوامە و ڕۆژ بەڕۆژ لەگەشەسەندایە، دەکرێ ئەوەش بۆ کاریزمایی دامەزرێنەرەکەی بگەڕێتەوە کە بە باوەڕ و ستڕاتیژ و دنیابینی ورد و دوور و قوڵ بناغەکەی داڕشتووە بەجۆرێک توانای خۆگونجاندن و بەرگەگرتن و گەشەسەندنی هەبێت لە بارودۆخە جیاوازەکاندا . پارتی بەوردی کار لەسەر بنیاتنانی کۆمەڵگایەکی پتەو و تاکێکی تەندروست و نەتەوەیی دەکات، پەروەردەی تاک لەسەر بنەما گرنگەکانی نەتەوەسازی بنیات دەنێت و نەتەوە و خاک وەک چەقی پیڕۆزییەکان دەبینێ، ئەوەش هۆکارێ بەهێزی ئەو حیزبەیە لە گۆڕەپانەکەدا، چونکە بەو شێوازە پەروەردەییە تاک ئامادە دەکات بۆ ڕووبەڕوبوونەوەی ئاستەنگ و پێشهاتەکان دژەکان لەگەڵ بەرژەوەندییە باڵاکان بگونجێنێ بێ ئەوەی لە باوەڕە بنەڕەتییەکەی لابدا، چەندین جار لە تەمەنی پارتیدا بارودۆخێک هاتۆتە پێشەوە کە مامەڵەی سەرکردایەتی پارتی لەو کات و ساتەدا بەدڵی لایەنگر و ئەندامانی پارتی نەبووە، بەڵام بە لەبەرچاوگرتنی بەرژوەندییە باڵا دوورمەوداکان حیزب ئەو جۆرە مامەڵەیەی کردووە و لە کۆتاییشدا بۆ هەموو لایەک ڕوون بۆتەوە کە مامەڵەیەکی ژیرانە بووە. خاڵێکی تری جیاکاریی پارتی ئەوەیە کە حیزبی واتەوات و هەرا و شەڕەقسە نییە، پارتی وەک پەرچەکرداری ناوخۆ دروست نەبووە و لەسەر ئەساسی ڕک و کینەی سیاسی بەرنامەی خۆی دانەڕشتووە، هەر ئەوەش وا دەکات ئەو حیزبە هەمیشە لەنوێبوونەوەدا بێت و ئێستایەکی سەقامگیر و داهاتوویەکی گەشی هەبێت.

د.سالار عوسمان

 

ھاوڕێ ئەوجا ڕێ !..
بەشی یەکەم
جـــارێ پێش هەر ئاخافتنێک، (ئەوجا) واتە (ئینجا) و (پاش ئەوە) و (ڤێجا) و پتریش لە هەولێر و دەشتەکەی بەکاردێت. باوکم، وەک خۆی لە ئانی ناوهێنانی کۆچکردووانا دەیفەرموو، غەریقی ڕەحمەتی خودا بێت، ئەویش غەریقی ڕەحمەتی خودا بێت، زۆرجار، کە قســـە دەهاتە ســـەر ســـەفەر و سیاحەت، دەیگوت:(الرفیق ثم الطریق)، هەر زوو دەشیکردە کوردی و دەیگوت، هاوڕێ ئەوجا ڕێ، بۆیە منیش بەیادی باوکمەوە، کە حەکیمانە ســـەری لە ئوموری دونیا دەردەچوو، ناونیشانی ئەم زنجیرە وتارەم کردە:( هاوڕێ ئەوجا ڕێ !..).
لەمێژە بەنیازم شتێک دەربارەی سەفەر و گەشت و گەڕان و سیاحەت بنووسم، لێ دەرفەت نەبووە و دیارە ئێستێ خوا هاریکارە و، وا لە خزمەتتانا بەکورتی یەژم:
-کورد و سیاحەت بەینیان باش نییە، لەبەر ئەوەی کوردی دۆ لێ ڕژێنراوی ماڵ لێ وێرانکراو قەت ئازاد نەبووە، چونکە وەک مەعلوومە لای بەڕێزتان ســـیاحەت بەرهەمی ئازادییە، لەهەر کوێیش ئەگەر بڕێک، یا زەمین و زەمەنێک ئازاد بوو بێ، لەوێ دەستی بە سیاحەت کردووە و نموونە، لەوەتەی فرۆکەخانەی خۆی هەیە، واتە لە ساڵی (200٣) وە تائێستا، بەڵام ئەمەیان ســـەفەرە و خۆ ئەگەر زانستییانە لێوەی بدوێین، ســـەفەر و سیاحەت، سیاحەت و ئازادی، ســـیاحەت و داهاتی هاووڵاتی، ڕونگا کەلتوورییەکان و جیاوازی نێوانیان بۆ ســـیاحەت، هەر هەموو ئەمانە و پتریش، بابەتی قســـەهەڵگرن و دواتر لەوانەیە بێینەوە سەری، گرنگ لێرەدا
دەمانەوێ بڵێین: سیاحەت بەرهەمی ئازادییە و لە کوێ ئازادی هەبوو سیاحەتیش دەبێ!.. -ســـیاحەتی نێوخۆیی بابەتێکی گرنگە، کورد لەوەشدا ســـەرکەوتوو نەبووە، لەوانەیە هەزار دەرد و بەربەست و گرفت هەبن، بەدڵنیاییەوە بەرپرسانی ئەو بوارەیش قسەی خۆیان و بگرە پاساوی خۆیشیان هەیە، لێ ئەوەی من دەمەوێت لێرە و لەم دەرفەتە کورتەدا جێگریی بکەم ئەمەیە: ( ســـیاحەتی نێوخۆیی سەرکەوتوو نییە!..)، ئەم ناسەرکەوتوویەیش بە پلەی یەک بۆ دواکەوتوویی کۆمەڵایەتی دەگەڕێتەوە، با نەیشـــارینەوە، پتر لە نیوەی کۆمەڵگەی کوردی بڕوای بە ئازادیی تاک نییە، ڕێز لە تایبەتمەندییە کەســـییەکان ناگرێ، توانای تێگەیشتن لە جیاوازییەکانی نییە، کۆڵەوارە لە ئاست بەرهەمدارکردنی جیاوازییەکان و ترسنۆکە لە بینینی نوێدا، کە سیاحەت بریتیە لە هەموو ئەو چەمکانە پێکەوە!.. واتە تۆ ناتوانی داوای سیاحەت بکەی و ڕقیشت لە میوزیک بێت، نابێ و ناکرێ داوای هۆتێلێکی پێنج ئەستێرە بکەیت بەدیار شـــەپۆڵی دەریاوە و گۆرانیت پێ حەرام بێت، ناکرێت و ڕێی تێ ناچێ داوای ژیان بکەیت و
نەشهێڵیت کچەکەت پڕ بە دڵی خۆی قاقا پێبکەنێت!.. -سیاحەت یـەکێکە لە ناونیشـــانەکان، واتە بۆ ئەوەی کۆمەڵگاکان، سیستەمی حوکمڕانی
و جۆری تێگەیشـــتنی تاکەکان بناســـیتەوە، دەبێ لەڕێگەی ناونیشانی سیاحەتەوە تێکەڵی ئەو ئەتمۆســـفێرە بیت، کە پێی دەگوترێت ئەتمۆسفێری ژیان، بەداخەوە ئەتمۆسفێری ژیانی کوردی نەباشـــە و ئەو بڕەی باشیشـــە، وەک پێشـــتر ئاماژەمان پیدا هی ئەو ئازادییەیە کە ڕاپەڕینـــی ئـــاداری 1991 دەگەڵ خۆیدا هێنا و بەردەوامە، لێ لەچاو ئەو هەموو ســـاڵە باش نییە، بۆ ئەوەی باشـــتر بێت، دەبێ حکومەتی هەرێمی کوردستان چاوێک بەم پرسە گرنگەدا بخشـــێنت، پرســـێک، کە هەم تێگەیشـــتنە کەلتووریی و کۆمەڵایەتییەکان چاکتر دەکات و هەمیش پارەیەکی زۆر دەخاتە خەزێنەی هەرێمی کوردستانەوە!.

بەهۆی زیادبوونی ژمارەی تووشبووان بە ڤایرۆسی کۆرۆنا لە دەڤەری راپەڕین، مەسرور بارزانی سەرۆکی حکـومەتی هەرێمی کوردستان ئەمڕۆ پێنجشەممە 21ی ئۆکتۆبەری 2021 ڕەزامەندی لەسەر خەرجکرنی بڕی 400 ملیۆن دینار دا وەک هاوکاری بەپەلە بۆ کەرتی تەندروستی دەڤەری ڕاپەرین.
بڕی 250 ملیۆن دینار بۆ مەبەستی دانانی سیستەم و تۆڕی ئۆکسجین و گازی پزیشکی بۆ نەخۆشخانەی 100 قەرەوێڵەی ژیان خەرج دەکرێت و بڕی 150 ملیۆن دیناریش بە مەبەستی دابینکرنی پێداویستی پزیشکی بۆ دەڤەرەکە خەرج دەکرێت.

ئاگاداری هاووڵاتیانی خۆشه‌ویست ده‌که‌ینه‌وه‌ که‌وا سەرجەم مامەڵەکانی دەرهێنان و نوێکردنەوەو وەرگرتنەوەی پاسپۆرت لە سەرجەم نووسینگەکانی پاسپۆرت ( نووسینگەی یەک - نووسینگەی دوو - نووسینگەی سۆران - نووسینگەی کۆیە)ی پاسپۆرتی پارێزگای هەولێر لە رۆژی یەک شەممە ڕێکەوتی ( 24/10/2021) تاکو ڕۆژی پێنج شەممە ڕێکەوتی (28/10/2021) کاتی دەوامی فەرمی لە کات ژمێر (2:00)ی دوای نیوەرۆ تاکو (6:00)ی ئێوارەیە داوا لە هاووڵاتیانی خۆشەویست دەکەین لەکاتی دیاریکراو سەردانمان بکەن بە مەبەستی ڕایی کردنی مامەڵەکانیان.

وه‌زاره‌تی پێشمه‌رگه‌ی حكومه‌تی هه‌رێمی كوردستان بڵاویكرده‌وه‌، بەمەبەستی دانانی میکانیزمێکی نوێ بۆ پڕۆسەی چاکسازی، گروپی راوێژکارانی سەربازی نێودەوڵەتی (MNئع) و بەڕێوەبەرایەتی چاکسازی کۆبوونەوە.
وه‌زاره‌تی پێشمه‌رگه‌ رایگه‌یاند، گروپی راوێژکاری سەربازی نێودەوڵەتی (MNئع)، کە لە وڵاتانی (ئەمه‌ریکا، به‌ریتانیا، ئەڵمانیا وهۆڵەندا) پێکهاتوون، لەگەڵ بەڕێوەبەرایەتی چاکسازی وەزارەتی پێشمەرگە کۆبوونەوە.
وه‌زاره‌تی پێشمه‌رگه‌ی حكومه‌تی هه‌رێمی كوردستان راشیگه‌یاند ، لە کۆبوونەوەکەدا، گروپی راوێژکارانی سەربازی نێودەوڵەتی لەبارەی بەگەڕخستنەوەی پرۆژەکانی چاکسازی چەند پێشنیارێکیان خستەڕوو، بەتایبەتی دەستبەکاربوونی ژمارەیەک پرۆژەی چاکسازی وەزارەتی پێشمەرگە تاوتوێ کرا، هەروەها میکانیزمێکی کاراو چالاک بۆ بەڕێوەچوونی پرۆسەی چاکسازی، بە هەماهەنگی لەگەڵ بەڕێوەبەرایەتیەکانی وەزارەتی پێشمەرگە و وڵاتانی هاوپەیمان خرایەڕوو.

وەزارەتی کارەبای حکومەتی هەرێمی لەبارەی پێوەری زیرەک روونکردنەوەیەک بڵاودەکاتەوە و رایدەگەیەنێت “كەسانێك بە مەرامی خراپ پڕوپاگەندەی دوور لە راستی لە سۆشیال میدیا بڵاودەكەنەوە و بەئەنقەست دەستكاریی پێوەرەكانیان دەكەن”.
وەزارەتى کارەبا راشیده‌گه‌ێنێت:ھەر كەسێك بە ئەنقەست دەسكاریی پێوەرەكە بكەن و بیشێوێنن، دەبێت تێچووی پێوەرەكە و چاككردنەوەشی لەئەستۆ بگرن، چونكە پێوەرەكە بەبێ بەرامبەر بۆ هاوبەشان بەستراوە و لەكاتی هەر هەڵەیەكی تەكنیكی یان گرفتێك، وەزارەتی کارەبا خەرجییەكانی لەئەستۆ دەگرێت، بەپێچەوانەوە هاوبەشەکە دەبێت تەواویی تێچوونی چاككردنەوە و دانانی پێوەرێكی دیكە، جگە لەسزادانی دارایی ئەو تێچوونەش لە ئەستۆ بگرێت”.
لیژنەی باڵای پێوەری زیرەك لەرونکردنەوەیەکدا:باس لەوەش دەکەن، “پێوەری زیرەك بە یەكێك لە سەركەوتوترین پرۆژەكانی كارەبا دادەنرێت و بە كوالیتییەکی بەرز و بەپێی ئەزمونی چەندین وڵاتی بیانی تاقیكراوەتەوە و چەندین سودی بۆ هاوڵاتیان هەیە. بەڵام بەداخەوە كەسانێك بە مەرامی خراپ پروپاگەندەی دور لە راستی لە سۆشیال میدیا بڵاو دەكەنەوە و بەئەنقەست دەستكاریی پێوەرەكانیان دەكەن”.

فارس نەورۆڵی 

 

هەر قسەیەک کە دەکرێت بەتایبەتی قسەی سیاسییەکی پێگەیشتوو و تێگەیشتوو ئەگەر ڕاڤەی بکەی ماناومەبەستی جیاجیا دەخاتە ڕوو دەکرێ لای قسەکەر مانایەکی هەبێ لای خوێنەر و بیسەر مانای جیاجیای هەبێ بەتایبەتی لای کەسانێک کەلۆژیکی خوێندنەوەو تێگەشتنیان لەزمانی سیاسەت لاوازبێت ئەوکات یان نازانن لەپشتی
قسە تێبگە یان بەساختە بەرەنجام وەردەگرن.
لەسەردانی شاندی پارتی بۆ لای حیزبەکان بەمەستی تێپەڕاندنی دۆخی بانگەشەو وەرگرتنی قسە و باسەکانی سەردەمی بانگەشەلەلایەن پارتی یەوە بەگیانی وەرزشی وەر گیراوە ئەگەر قسەی زبر و نالایقیش کرابێ ، لەهەمان کاتدا بۆ خۆ ئامادەکردنی کورد بۆ چۆنیەتی کار و کردار لەبەغدا لەسەردانەکەی شاندی پارتی بۆ لای بزوتنەوەی گۆڕان بەڕێز فازل میرانی لەوەڵامی پرسیارێکی ڕۆژنامەنوسێکدا گووتی (گۆڕان هەر گۆڕانە)،ئەم ووتەیەی میرانی لەمیدیاکان بەتایبەتی تۆڕەکۆمەڵایەتیوکان لێکدانەوەی جیاجیای بۆ کرا بەڵام کەمترین قسە یاخود سەرنج لەسەر قسەکانی میرانی لە مانا و ناوەڕۆکی گوتەکەی میرانی نەکرا بو یاخود لەمەبەستەکەی نەگەشتبون بەخوێندنەوەی بەندە بەڕێز میرانی قسەی پارتی کرد مەبەستی بوو لەلایەک دڵنەوایی بزوتنەوەی گۆڕان بکات و لەلایەکی دیکەوە بەخەڵک ولایەنەکانیاش بڵێ پارتی بەچاوی دژبەری سەیری لایەنەکان ناکات بەڵک ووەک ڕکابەر مامەڵەیان دەکات هەروە ها هاوبەشەکانی چۆن لەکاتی سەرکەوتندا مامەڵەیان لەتەکدا دەکات لەکەوتنیشدا دەستیان دەگرین، ئەمە ئەخلاقی سیاسییە لەهەمان کاتدا بزوتنەوەی گۆڕان لەحکومەتدا ن لەتەک پارتی دا هاوبەشە و لەسەرۆکایەتی هەرێمدا پۆستی جێگری سەرۆکیان هەیە واتە ڕێککەوتنمان لەتەک گۆڕان هەیە تا ئەو کاتەی گۆڕان پابەند بێت بەڕێککەوتنەوە گۆڕان هەر گۆڕانە جگەلەوەی جۆری گەمەکە وادەخوازێ کورد بێ ئەوەی کام حیزب کورسی هەیەو کام نییەتی پاڵپشتی داواکانی کوردبێت لەبەغدا واتە جۆری ڕکابەری ناوکوردستان جیاوازە لەدەرەوەی کوردستان ولەوململانێی دەرەوەی کوردستان جگە لەحیزبەکان کۆی چین وتوێژەکان دەبێت پاڵپشتی داواکارییەکانی کوردستان بکات چونکەچارەنوسی هاوبەشە ئەمە واقیعی حاڵە ، میرانی ئەوەی گوت کەواتە تەفسیر و لێکدانەوە جیا
جیاکان لۆژیکی نین چونکە میرانی دەزانێ بۆچی گۆڕان هەرگۆڕانە.

مەشخەڵ كەوڵۆسی

لەدوای ئەوەی تاڕادەیەك بەهۆی گۆڕانكارییەكانی ئەم دواییەی ناو چەند حیزبێكی كوردستان، دواتریش لەدوای پاشەكشەی بەرچاوی چەند حیزبێكی تر لەهەڵبژاردنەكانی ئەم دواییەدا بوونە فاكت، ئیدی بیروڕایەك لەناو بژاردەی ڕۆشنبیر و سیاسەتمەدارانی كوردستان سەری هەڵدا، كەپێی وایە گوتاری پۆپۆلیستی لەكوردستان بەرەو
كزبوون چووە.
بەندە وەك هاوڵاتییەكی ئەم نیشتمانەو، هەروەها وەك نوسەرێكیش
كە پێشتر و ئیستاش چەندین ڕاو سەرنج و "تەنانەت بەریەككەوتنی توند"مان لەگەڵ "بەرەی پۆپۆلیستی" هەبووە، هەرگیز هاوڕای ئەوە نەبووم كە گوتاری پۆپۆلیزم بەندە بە مردن و ژیانی هیچ كەسایەتییەك،
یان بە هاتن و ڕۆشتنی هیچ كەسایەتییەك و هیچ حیزبێكەوە.
بەڵكو گوتاری پۆپۆلیستی لەكوردستان، پرۆسەیەكی هێواش و بەئامانجەو، ماوەیەكی زۆر و بودجەیەكی زۆرتریشی بۆخەرجكراوەو، چەندین دەزگای هەواڵگری و میدیایی لەناوخۆی كوردستان و لەدەرەوەش كاریان بۆ كردووە، تاكو توانیی لەبنەڕەتەوە كەلتوری پێكەوەژیان و لێبوردەیی و پەیوەندی نەمەتیی و سروشتی نێو كۆمەڵگەی كوردستان تێكبدات و، بەداخەوە تاڕادەیەكی زۆر سەركەوتووش بووە لەو ئامانجەدا.
دەكرێ لەچركەساتێكدا، یان لەقۆناغێكدا حیزبێك یان سەركردەیەكی
سیاسی، یان زۆرجاریش چەند نوسەر و ڕۆشنبیرێك، توانیبێتیان سود وەرگرن لە گوتاری پۆپۆلیستی و سەدان و هەزاران كەس لەدەوری خۆیان كۆبكەنەوە.
بەڵام ئەوە مانای ئەوە نیە كە ئەو كەسە خوڵقێنەری یەكەمینی ئەو كەلتورە ترسناكەیە كە بەتەواوی سیمای كوردستانی گۆڕیوە.
بەڵكو لەباشترین حاڵەتدا دەتوانین بڵێین: ئەو كەسە زیرەكانە توانیویەتی هەبوونی ژینگەی كەلتوری پۆپۆلیزم لە بەرژەوەندی خۆی بەكاربهێنێت!.
باشترین بەڵگەش لەسەر ڕاستی ئەم بۆچوونە، ئەوەیە كە
لەدوای داكشانی ئەستێرەی بەختی سیاسی چەند سەركردەیەك كەبە سیمبولی پۆپۆلیزم دەناسران و زۆرترین جنێودەریان لەدەوری خۆیان كۆكردبوەوەو، تەنانەت لەدوای مردنی هەندێكی تریشیان، هێشتا پۆپۆلیزم وەك كەلتورێكی زیندوو، وەك ماكینەیەكی وێرانكەر لەكوردستاندا ماوەو، بەردەوام پانتایی خۆیشی فراوان دەكات و، خەڵكی تازەو ئەقڵی تازە موتروبە دەكات و، وادیارە تاكو پرۆژەی بەدیل نەبێت بۆ بەرەنگاربوونەوەی ئەو پرۆژە مەترسیدارە، پۆپۆلیزم نە لە گەشە دەكەوێت ونەڕادەوەستێت لەوەی كاری خۆی بۆتێكدانی بنەماكانی پێكەوەژیان و نەمەتی سوننەتیی كەلتوری لێبوردەیی كورد بكات.
بەتەنها تێستێكی بچوكی یەك دێڕی لەلاپەڕەی فەرمی خۆمەوە،
توانیم چێكێكی زۆر ورد و ڕاستەقینەی ژینگەی سیاسی و ڕۆشنبیری ئیستا بكەم و وەك سامپڵێك بۆ قەناعەتكردن بەوەی "پۆپۆلیزم" نەفەوتاوەو بگرە ئیستا لە هەڕەتی تواناو ئیرهابی خۆیدا دەژی، بەكاری بهێنم.
نەك هەرئەوەندە، بەڵكو تێستەكە ئەوەیشی پێ نیشاندام كە ئەو بەرەیە لەئیستادا هەست بە برینداری دەكات و، بۆیە نەبرەی ئیرهابی خۆی چەند بەرانبەر بەجاران كەلە غروری خۆیدابوو، توندتر كردووە.
بۆیە تەنانەت قبوڵ ناكات تۆ بەزمانەكەی خۆیشیان بدوێیت و، لەبەرانبەر یەك دێڕ نوسینی بەندە، سەدان پەیچ و هەزاران فەیسبوكچی كە تاكە سەرمایەی بەرەی پۆپۆلیستن، بیست و چوار كاتژمێری تەواو جنێویان داو، ناویان زڕاندم و تەدەخولی ژیانی تایبەتیان كردم.
لەبری ئەوەی بیر لەقەبارەی كێشەكە بكەینەوە، یان ئاوات لەسەر ئەوە هەڵچنین كە ئەو بەرەیە لاواز دەبێت، باشترە هەر ئەمرۆ نەك سبەی، پرۆژەیەكی بەدیلمان هەبێت. تاكو نەوەكانی داهاتوو لەمە زیاتر لەنوێژنەبرێن.

پەڕەى 4 لەکۆى 471 پەڕەدا
© 2017 Hawler