ئەم پەڕەیە چاپ بکە

وەزیری پێشمەرگە بۆ کەناڵی (TBN)ی ئەمریکی: لە کەرکووک پرۆسەی تەعریب و تێکدانی ماڵ و حاڵی کوردەکان بەردەوامە

شۆڕش ئیسماعیل، وەزیری پێشمەرگەی هەرێمی کوردستان، دیمانەیەکی لەگەڵ کەناڵی (TBN)ی ئەمریکی ئەنجامدا و لە میانەی گفتوگۆیدا، کە ڕاگەیاندنی وەزارەتی پێشمەرگەش ئاماژەی پێکردووە، تیشکی خستۆتە سەر چەندین تەوەری گرنگ، لەوانە ڕێکخستنەوەی هێزەکانی پێشمەرگە بە هاوکاری ئەمریکا و وڵاتانی هاوپەیمان، هەروەها باسی لە دۆخی خراپی پارێزگای کەرکووک کردووە لە دوای ١٦ی ئۆکتۆبەرەوە و ڕایگەیاندووە، بە مەبەست و بێ مەبەست پرۆسەی تەعریب کردنی شاری کەرکووک درێژەی هەیە و هەوڵ هەیە بۆ گۆڕینی دیمۆگرافیای شارەکە.

پێشمەرگە بە تەنیا ڕووبەڕووی دڕندەترین تاقمی تیرۆرستی بوویەوە
وەزیری پیشمەرگە لە چاوپێکەوتنەکەدا، باسی لە قارەمانێتی هێزەکانی پێشمەرگەی کوردستان کردووە و ڕایگەیاندووە، لای هه‌مووان روونه‌، پێشمه‌رگه‌ به ‌گیانی فیداكاری و قارمانێتی به ‌ته‌نیا رووبه‌ڕووی دڕه‌نده‌ترین تاقمی تیرۆریستی بوییه‌وه‌، هاوكات شانازییه‌كی گه‌وره‌ی به‌ركه‌وت، كاتێك له‌جیاتی جیهان شه‌ڕی راوه‌دوونانی تیرۆریستانی كرد بۆ پاراستنی ئاشتی و ئاسایشی جیهان.
دۆخی کەرکووک باش نیە
لە دیدارەکەیدا، لەگەڵ TBN وەزیری پێشمەرگە باسی لە دۆخی کەرکووک و ناوچە کوردستانییەکانی دەرەوەی ئیدارەی هەرێم کرد و ڕایگەیاند، به‌داخه‌وه‌ له ‌ئێستادا دۆخی كه‌ركوك باش نیه‌و پڕۆسه‌ی ده‌ركردنی كورد و تێكدانی ماڵ و حاڵیان بوونی هه‌یه‌ و لێره‌و له‌وێ به‌ مه‌به‌ست یان بێ مه‌به‌ست، ته‌عریبی تێدا ده‌كرێت و ده‌یانه‌وێت دیمۆگرافیای شاره‌كه‌ بگوڕن، وه‌ك پێشووتر مادده‌ی 140 ده‌ستووری جێبه‌جێ نه‌كرا، كه‌ چاره‌سه‌ری ئه‌و كێشانه‌ی ده‌كرد.
داعش وەک فکر و فەرهەنگ ماوە
سەبارەت بە مەترسییەکانی ڕێکخراوی تیرۆرستی داعش، شۆڕش ئیسماعیل، وەزیری پێشمەرگەی کوردستان دەڵێت:" داعش وه‌ك هێز له‌سه‌ر ئه‌رزی واقیع شكا، به‌ڵام له‌هه‌ندێك شوێن و ناوچه‌، وه‌كو فیكر و فه‌رهه‌نگ ماوه‌و ئه‌ركی هه‌مووانه‌ به‌یه‌كه‌وه‌ له‌ناوی ببه‌ین.
هەروەها، وه‌زیری پێشمه‌رگه‌، ستایشی رۆڵی هاوپه‌یمانان، به ‌دیاریكراوی هێزه‌كانی ئه‌مریكای كرد، كه‌ رۆڵی گرنگ و وه‌چه‌رخێنه‌ریان هه‌بوو له‌ تێكشكاندنی داعش و، وتی: ئه‌مریكا هه‌میشه‌ وه‌ك دۆست، هاوكار و هه‌ماهه‌نگ بووه‌ و تائێستاش له‌و هاوكاری و پشتگیریه‌ی پێشمه‌رگه‌ و حكومه‌تی هه‌رێم به‌رده‌وامن، ئه‌وه‌ش جێی شانازی و ستایشی ئێمه‌یه‌.
هەنگاوەکانی چاکسازی خێراترن
شۆڕش ئیساعیل باسی لەو اسازییانەکردکە بڕیارەلە نێو هێزەکانی پشرەی کوردتان ئەنجام بدرێت و ئەوەی خستۆتە ڕوو، هه‌نگاوه‌كان به ‌ئاراسته‌ی چاكسازی خێراتترو كورتتر كراون و ده‌ستمان داوه‌ته‌ پرۆسه‌ی رێكخستنه‌وه‌ی هێزه‌كان، ئه‌مه‌ش به‌هاوكاری ئه‌مریكا و هاوپه‌یمانان و دۆستانمان، راشیگه‌یاند: ده‌زانرێ كه‌ ئه‌ركێكی قورسه‌، به‌ڵام به ‌ئیراده‌یه‌كی به‌هێز ده‌ستمان داوه‌تێ و به‌رده‌وامیش ده‌بین.

گەلی کورد ئاشتیخوازە و فشاری دوژمنان چەکی پێ هەڵگرتووین
شۆڕش ئیسماعیل، لە میانەی وەڵامدانەوی پرسیارێکی پێشکەشکاری دیمانەکەی کەناڵی TBN، سەبارەت بە ناوبانگی ئازایەتی هێزی پێشمەرگە، وەزیری پێشمەرگە گووتی: ئێمه‌ چه‌كداری و تێكۆشان له ‌باوك و باپیرانمانه‌وه‌ فێربووین، گه‌لی ئێمه‌ حه‌زی چه‌كداری نیه‌و ئاشتیخوازه‌، ئه‌وه‌ ده‌رئه‌نجامی فشاری دوژمنانمان بووه‌، كه‌ چه‌ك هه‌ڵگرین، چونكه‌ ئه‌وان هه‌ر له‌كوشتن و له‌ناوبردن و ئه‌نفال و كیمیاباران نه‌وه‌ستان، هه‌وڵی پاكتاوی ته‌واوه‌تی ئێمه‌یان دا، بۆیه‌ خه‌بات له‌پێناو مانه‌وه‌و به‌رگری له‌ خه‌ڵك و خاك و دژی زوڵم و سته‌م، بووه‌ ناسنامه‌و ره‌مزی پێشمه‌رگه‌، كه‌ شانازی خه‌ڵكی كوردستان و هه‌موو جیهانه‌. ئاماژه‌ی به‌وه‌شكرد، له‌ كوردستان به ‌به‌راورد به‌ناوچه‌كانی تر، ئازادی و سه‌ربه‌ستی فیكری و فه‌رهه‌نگی و ئاینی هه‌یه‌، ئێستا كرانه‌وه‌ به‌رووی جیهان و تێگه‌یشتن له‌ چه‌مكه‌ جیهانییه‌كانی به‌ڕێوه‌بردن ئێمه‌ی له‌ كاروانه‌كه‌ دانه‌بڕیه‌وه‌، ئه‌وه‌تا ژنان و كچان هاوشێوه‌ی پیاوان به‌ویستی خۆیان ئه‌ركی پارێزگاری و به‌رگری له‌ خاك و وڵاتیان به‌جێ ده‌گه‌ینن.