نیسان 21, 2019

مافێن كوردان، بەردێ بناغەیە بو پەیكەرێ فیدرالیێ عێراقێ

پەروین رەمەزان دوسكی

 

ئیتالیا یان (italiana) كوناڤێ فەرمی یێ وێ كوماری ئیتالیا و ب ئیتالیایی (Repubblica Italiana) وەلاتەكە ل باشووری كشوەری ئەوروپا كو پایتختێ وێ ((روم)ە . ئیتالیا ئێكە ژ وان وەلاتێن پێشكەفتی و ئێكە ژوان وەلاتێن دناڤ گروپێ هەشتێ ل جیهانێ دایە. و دراڤێ وێ ((یورو)) یە و زمانێ وێ یێ فەرمی ئیتالیایی یە و ژلایێ سكانی ڤە (60) میلیون و شەش سەد هزار كەسێن و (91،6) خەلكێ وێ مەسیحی نە. ئیتالیا پێنجەمین وەلاتە ل ئوروپا دا كو هژمارا سكانێ وێ گەلەكێن و ل جیهانێ دا بیست و سێ یەمین وەلاتە، بو زوربونا هژمارا سكانێ وێ و دوو وەلاتێن سەرب خوو و زور بچویك هەنە ب ناڤێ (ڤاتیكان و سان مارینو) و د ناڤ ئاخا ئیتالیای دانە و پشكەك ژ ئاخا ئیتالیا ژی دەرەڤەی ئاخا ئیتالیا هەیە كو ل وەلاتی سوئیس دایە كو ناڤێ وی (كامپیونە دیتالیا) یە و هەروەسا پەیوەندی دناڤبەرا ئیتالیا و هەرێما كوردستانێ، هەر ژلایێ مێژوویی ڤە پەیوەندیەكی دوستانە هەبوویە و ب تایبەت دەمێ هێرشكرنا گروپێن تێروریستی یێن داعش لسەر هەرێما كوردستانێ و نەهنارتنا بودجەی هەرێمی كوردستان ژلایێ بەغدا ڤە و هاتنا هزاران ئاوارە بو هەرێمێ، ئێك ژ وان وەلاتانە كو ل چوار چێوەی هەڤپەیمانی نی دەولەتی دا، هاریكاریێن سەرەكی بو هەرێما كوردستانێ هنارتینە.
مەشق و راهینانێن سەربازی و هەڤكاری و هەماهەنگی دگەل وەزارەتا پێشمەرگە و لایەنێن دی یێن پەیوەندیدار ل هەرێما كوردستانێ بەردەوام بوو هەروەسا ب رێكێن كومپانیێن تایبەتمەند و لژێر پاراستنا هێزێن ئیتالیا دا، رولەكێ باش ل چاك كرن و پاراستنا بەنداڤا مووسل گێرا.
هاتنا سەروك وەزیرێن ئیتالیا ((جوسیپێ كونتی)) بو هەولێرا پایتەخت، و سەرەدانا وێ بو نێچیرڤان بارزانی، سەروك وەزیرێن هەرێما كوردستانێ ڤێ چەندێ رادگەهینیت كو دڤێت پەیوەندیێن دناڤبەرا هەرێم و ئیتالیا خورتتر لێ بكەت و باسی هندێ كر كو كونسولێ گشتی یێ ئیتالیا ل هەرێما كوردستانێ بەردەوام هەول ددەت بو بەرەڤ پێشبرنا پەیوەندیێن باش دناڤبەرا هەر دوو لایەنا هەبیت و ئاماژە ب ڤێ چندێ ژی كر و گوت: مافێن كوردان، بەردێ بناغەیە بو پەیكەرێ فیدرالیێ عیراقێ و هەروەسا هیڤیدارین كو ئەم بشیێن پێدڤی یێن هەرێما كوردستانێ و عیراقێ دابین بكەین. ئیتالیا ل بوارێ گەشە كرن و هەڤكاری كرن ب تایبەت ل بوارێن خواردەمەنی و تەندروستی و پاراستنا ئاسایش، رولەكێ گرنگ هەبویە د ئاسایشی كرنا شاری مووسل دا و ئەڤرو نزیكەی (40) كومپانیای ئیتالی، ل هەرێمێ كار دكەن و هەماهەنگی دناڤبەرا هەرێم و ئیتالیا دبیتە سەبەبێ هندێ كو هەر دوو لایەن سوودمەند بن.
هەروەسا نێچیرڤان بارزانی، سەروك وەزیرانی هەرێمی كوردستان خوشحالیا خو، بو هاتنا سەروك وەزیرانی ئیتالیا دەربری، و سوپاسیا وان كر ژبەرهندێ كو هەر ل دەسپێكا شەرێ تێروریستێن داعش هەتا نها هاریكاریێن خو یێن مروڤی و سەربازی ل هەرێمێ و عیراقێ دوماهی نەئیناینە".

© 2017 Hawler