شوبات 16, 2019

پارتی د بۆچوونا رایا گشتی و هزرا نیڤدەولەتیدا تاكه نوینەرێ گەلێ كوردستانێ یە

شەیما مستەفا بوسەلی

 

د دویماهیك هەلبژارتنێن پەرلەمانێ هەرێما کوردستانێ دا ل سالا دەرباز بووی، پارتی دیموکراتی کوردستان شیا بو جارەکا دی ببیتە پارتیا ئێكێ د پەرلەمانی دا ب بریار و دەنگێن هەڤوەلاتیێن کوردستانێ ژ ئەنجامێن ڤان هەلبژارتنان ٤٥ کورسی بوون بارا پارتی دیموکراتی کوردستان و وەك مافێ وێ ب گورەی دەستوری پارتی ماف هەیە د پێك ئینانا حکومەتێ و کابینا نوی دا، د هەل و مەرجەکێ سەخت و دژوار دا وەك قەیرانا دارایی و پشتی شەڕەکێ دژوار لگەل گروپێن تیرورستی و ناڤچەیێن نە د ناڤ ئیدارا کورستانێ ئانکو ب گورەی دەستورێ ئێراقا فیدرال دەڤەرێن ماددا ١٤٠ و ئەنجامدانا رێفەراندوما سەربەخوییا کوردستانێ و داخوازا گەلێ کورد بو جودا بوون ژ ئێراقێ پارتی دیموکراتی کوردستان شیا سەنگا خوە ب پارێزت و بەلکی باشتر لێ بکت، پارتی دیموکراتی کوردستان د بوچوونا ڕایا گشتی و هزرا نیڤدەولەتی دا تاکە نوێنەرێ گەلێ کوردستانێ یە و ب وەرگرتنا مافی ژ کومەلێن خەلکێن کوردستانێ ماف هەیە ل پێش گەلێ کورد دان و ستاندنێ بکت و چارەنڤێسێ خوە دیار بکەت، سەڕەرای هەبوونا گەلەك ئاستەنگ و زەحمەتیان ل بەرامبەر گەلێ کورد ئەڤروکە وەلاتێن جیهانێ سەرەدەریێ ل گەل هەرێما کوردستانێ دکەن وەك دەولەتەك سەربەخو، نەك هەرێمەك و پێشوازیێ ل سەرکردێن کورد دهێتە کرن ب ئالایێ کوردستانێ نەك ب ئالایێ ئێراقێ، ئەڤە ژی وێ چەندێ د سەلمینت و دیار دکەت ل دەمێ ڕەوش یا گونجایی بیت کوردستان د دەمەك گەلەك کێم دا دێ بیتە هێزەکا بەرچاڤ ل ڕوژهەلاتا ناڤین، ئەگەر ژی قوربانی دانەکا دور و درێژ بەرهنگاریا چەندین رژێمێن دکتاتور و کوشتار و کومکوژی لگەل وێ چەندێ کوردستان خودان جهەكێ ستراتیژی و ژێدەرێن بن ئەردی وەك پەترول و گاز و کانزایێن دی، کو ئەڤە ژی ئێك ژ ئەگەرێن سەرەکی یە دوژمنێن گەلێ کورد هەردەم رێگرن ل هەبوونا دەولەتەك کوردی یا سەربەخو. پارتی وەك هێزا سەرەکی دێ د چوار سالێن داهاتی دا جارەکا دی دێ حکومەت و دەسەلاتێ برێڤە بەت، ئەنجامدانا چاکسازیان ئێكە ژ پیڤەرێن گرنگ یێن حکومەتا داهاتی ب ڤێ چەندێ پارتی دشێت هەم ژ لایێ ناڤخویی ڤە خوە ب سەلمینیت و هەم ژ لایێ دەرڤە ڤە دشێت ڕویێ کوردستانێ ب باشی دووبارە بکت، چەندین کارێن دی یێن پێتڤی بهێنە ئەنجامدان د شیاندایە بێژین بلند کرنا ئاستێ خواندنێ و ڕەوشەنبیریێ د ناڤ جڤاکی دا و هەروەسا گرنگی دان ب ڕولێ گەنجان و ئافرەتان د دانا بریارێ دا، گوڕانکاریێن ئیداری خالا سەرەکی یە د ئەنجامدانا چاکسازیان دا و ب ئەنجامدانا گوڕانکاریێن سەرتاسەری پارتی دێ هێزا خوە پتر لێ کت، بلند کرنا ئاستێ شەفافیەتێ د ناڤ گشت دام و دەزگەهێن میری دا دێ بیتە جهێ پتر باوەریێ ل دەڤ رێکخراوێن نیڤدەولەتی تایبەت ئەوێن ڕویدان و پێشهاتیێن ڕوژهەلاتا ناڤین دگەهینن جیهانێ، ب هاڤێتنا پێنگاڤێن ستراتیژی د بوارێ ئابوری دا کوردستان دشێت ببیتە هێزەکا مەزنتر ژ ئەڤروکە ل ڕوژهەلاتا ناڤین.

© 2017 Hawler