ئەیلول 29, 2020

سەرەدانا سەروکێ حکومەتێ بو ڤاتیکان

پەیمان خواجە

 

د چارچوڤێ هەوڵێن سەروکێ حکومەتێ بو شکاندنا ئابلوقا سیاسی و ئابوری و دیلوماسی ئەوا بەغدا ل سەر هەرێمێ سەپاندی . سەروکێ حکومەتێ بەردەوام د هەوڵ و خەباتێ دا یە بو شکاندنا ڤێ ئابلوقێ و ڤەگەڕیانێ بو دانوستاندنا ل سەر بنەمایێ باوەرییا کوردان ب ئاشتی و گفتوگویێ، و ئەڤە گەڕا سیێ یە د دەمەکێ کێم دا سەرەدانا ئەوروپا دکەت و ڤێ جارێ ل ڤاتیکانا پیروز . کو سەنگەک هەری مەزن ل جیهانێ هەیە و سەرکێشییا جیهانا مەسیحی دکەت. و روڵێ پاپایێ ڤاتیکانێ د سەرکێشییا مەسیحیێن جیهانێ . سەرەدانا بەڕێز سەروکێ حکومەتێ چەندین ڕەهند و شروڤە بو هەنە کو وێ دگەهینت کو ئێدی کورد نە پاریەکێ ئاسانن کو بەغدا ب داعویرت . سەرەدانا بەڕێز سەروکێ حکومەتێ بو ڤایتکان وێ یەکێ دگەهینت کو کورد جهێ ڕێز و گرنگیەکا تایبەتن ل جیهانێ و ب تایبەت ل ڕوژئاڤا و . جیهانا مەسیحی و وەڵاتێن زلهێز و مەزنێن جیهانێ ب چاڤێ ڕێزێ ل هەلویستێ مللەتێ کورد و حکومەتێ دنێڕن ژ ئەگەرێ سەرەدەری و پاراستنا مەسیحیێن هەرێمێ کو ئێک ژ پێکهاتێن سەرەکی یێن ڤی وەڵاتی نە و کورێن ڤێ ئاخێ نە . کو ئەڤە د دەڤەرەکێ دا یە چ ڕێز بو کەمینەییان و ئاینێن دی ناهێت گرتن و ب تایبەت ل عیراقێ کو ب چەندین بەهانە و ل ژێر چەندین ناڤ و دروشما کەمینە هاتینە چەوساندن . د ڤێ سەرەدانێ دا هاتە سەلماندن کو عیراق نەشێت ئابلوقەیەکا ئێکجاری ل سەر هەرێمێ ب سەپینت . و هەرێم خودان پەیوەندیێن دیبلۆماسی و پێگەهەکێ نیڤ دەولەتی یە ل بلندترین ئاست پێشوازی ل کوردان دهێت کرن و وەڵاتێن زلهێز و مەزنێن جیهانێ ڕێکێ نادەن عیراقێ کو هەرێما کوردستانێ ژناڤ ببەت یان لاواز بکەت و وەکو دیار بوی کێشەیا خالا سێمالکا یا سنوری دا و ڕاوەستاندن گەف و هێرشێن عیراقێ و گەفێن ئەلمانیا ب ڕاوەستاندنا هاریکارییا بو عیراقێ و گازیکرنا بالیوزێ عیراقێ ل بەلجیکا ژ ئەگەرێ ڕێ نەدانا عیراقێ بو سەرەدانا وەزیرێ بەڕەڤانیا وی وەڵاتی بو هەولێرێ .

 


سەرەدانا ڤاتیکانێ و پێشوازیکرن ژ لایێ قەداسەتا پاپای و سەروکێ حکومەتا ڤاتیکانێ ب خوە نامەیەکا گرنگە و کارتێکرنەکا مەزن هەیە چ ل سەر ئاستێ عیراقێ و چ ل ئاستێ جیهانی و بو عیراقێ دیار بوو کو ئێدی هەوڵێن وێ سەرناگرن و کورد ژ بن چەنگێ وێ دەرکەتینە و د شیانێن وێ دا نینە، دبیت هەوڵێن نوکە یێن هەرێمێ د دەمکی و بو ڤێ قوناغێ بن، بو ڕێکخستنا ناڤخوەییا هەرێمێ و داڕشتنا سیاسەتەکا نوی ل گوڕەی پێشهاتێن نوی یێن عیراقێ و دەڤەرێ و جیهانێ . و ل سەر ئاستێ جیهانی ژی، گەلەک پارتێن سیاسی یێن مەسیحی حکومڕانیا گەلەگ وەڵاتێن جیهانێ دکەن و پترییا وان ل سەر مەزهەبێ کاتولیکی نە کو مەزهەبێ فەرمی یێ ڤاتیکانێ یە و پاپا ڕابەرییا وی مەزهەبی دکەت ل جیهانێ، کو بیت پالدەرەک پەیوەندیێن خوە بهێزتر بکەن دگەل هەرێمێ و ڕولەمی بکێڕن د ڤێ گێشێ دا . و ڤەگەڕیان بو کێشا هەرێمێ و بەغدا دیار دبیت کو دەرئەنجام و ڤەڕێژا وێ سەرەدانێ ل سەر ئەردی دیار بوون و گەهشتنا ڕێککەفتنێ بو ڤەکرنا فڕوکخانەییان ئێک ژ وان دەرئەنجاما یە . ل ئایندیەکێ نێزیک دبیت هەوکێشە ب تەمامی بهێت گوهڕین د بەڕژەوەندا کوردان دا و کارتێکرنا سەرەدانێن سەروکێ حکومەتێ بو پایتەختێن ئەوروپا باشتر دیار بن .

© 2017 Hawler