نیسان 05, 2020

پێکڤە ژیان ل کوردستانێ، سوپاسی ژی ژ ڤاتیکانێ

هۆزان عەبدوڵڵا

 

گەلەک وەلاتێن جیهانێ هەنە ئێک نەتەوە و ئاین تێدا دژین و هەنە گەلەک پێکهاتە تێدا دژین لێ هەردەم دناڤا وان پێکاهاتەیان دا ناکوکی و ئالۆزی هەبووینە و گەلەک جاران ب سیاسەتا زوورینە پێکهاتەیێن دی ستەم لێهاتیە کرن چ ژ لایێ دەولەتێ چ ژ لایێ سازیێن حکومەتێ ڤە. لێ جێوازیا هەرێما کوردستانێ دگەل ڤان وەلاتان هەبوونا پاراستنا پێکهاتەیانە دناڤا وەلاتی دا.
ئیراق ژ وان وەلاتایە یێ گەلەک پێکهاتەیێن ئاینی و مەزهەبی تێدا دژین، ب درێژاهیا مێژویا حکومرانیا ئیراقێ ژی جوداهیەکا مەزن دناڤبەرا ژیان و مافێ ڤان پێکهاتەیان دا هەبوویە ونموونەژی گەر سەحکەینە هەرێما کوردستانێ کو هێشتا بەشەکە ژ ئیراقێ و یا پرە ژ پێکهاتەیان ب جێوازیا ئاینی و مەزهەبی و کۆلتوری، لەورا بوویە نموونەیا پێکڤەژیانێ ل جیهانێ. گەر سەحکەینێ هەر ژ دامەزراندنا کابینەیێن حکومەتا هەرێمێ و تانها گرنگیەکا باش ب مافێ هەموو پێکهاتیەیان هاتیە دان بگرە ژ بەژداریان وان د بریارا سیاسی دا ل هەرێمێ، هەبوونا نوونەرێن وان د ناڤا حکومەت و پەرلەمانی دا، ئاڤەدانکرنا گوند و پیروزیێن وان یێن ئاینی و دابینکرنا ئەمن و ئاسایشێ ژ بۆ وان . یا ژ هەمیێ گرنگتر هەبوونا ئازادیا وانە دناڤا ڤی ملەتی دا، بێگومان ئەڤە بوویە جهێ پیتەدانا وەلاتێن جیهانی پاراستنا بەلانسێ دناڤبەرا هەمی پێکهاتەیان دا ل وەلاتەکی کارەکێ ئاسان نینە، لێ ل هەرێما کوردستانێ ئەڤ وێنەیە دهێتە دیتن و وەک برا د خوشی و نەخوشیان دا پێکڤە دژین، گروڤە ژی بۆ ڤێ چەندێ کۆمبوونا سەرۆکێ حکومەتا هەرێما کوردستانێ یە دگەل پاپایێ کاتولیکێن هەموو جیهانێ، ل دەمێ هاتنا تیرورستێن داعش بۆ ئیراقێ و بەشەک ژ هەرێمێ پتریا دەڤەرێن کرستیان کەتنە بەر وێرانکرنا تیرورستان لێ کوردستان بۆ باوەشەکا ئارام ژ بۆ ئاوارەیێن کرستیان، ئەڤەژی سەرنجا جیهانێ بۆ خوە راکێشا و رێبەرێ کاتولیکێن جیهانێ نوونەرێ خوە هنارتە هەرێما کوردستانێ و بۆ زانینا رەوشا ئاوارەیان، پشتی ڤێ یەکێ ژی دیدارا سەرۆکێ حکومەتا هەرێما کوردستانێ دگەل پاپایی ڤاتیکانێ چێبوو و ئامادەیا خوە دەربری سەرەدانا هەرێما کوردستانێ بکەت، د دیدارە ڤێ جارێ دا یا رێبەرێ کاتولیکێن جیهانێ دگەل سەرۆکێ حکومەتا هەرێما کوردستانێ سۆپاسیا حکومەت و خەلکێ هەرێمێ کر ژ بۆ پێشوازیان ئاوارەیێن کرستیان، ئەڤە مەزنترین دەستکەفتە بۆ هەرێما کوردستانێ کو رێبەرێ کاتولیکێن هەموو جیهانێ ژ بەر پاراستنا پێکهاتەیان سوپاسیا حکومەت و گەلێ کوردستانێ بکەت.

© 2017 Hawler