نیسان 26, 2018

دو روویێن سیاسی یێن روژانە، پروژێ چاکسازی وەک نمونە!

ئامینا زکری

 

بـ مخابنی ڤە هندەک پەرلەمانتەر بو مەرام و بەرژەوەندیێن گیرفانێ حزبی یێن خوە لسەر شاشێن تێلەڤزیونان بەردەوام چاوشەکاری و نەراستیان دگەل جەماوەری دکەن، و بلندگویا پاقژیی و مافێ خەلکی هەلگرتینە و ژلایەکێ ڤە حکومەتێ تومەتبار دکەن بـ گەندەلی و موچێن بن دیوار و نەشەفافیەتێ، و ژلایێ دیتر ڤە دژایەتیا پروژێ چاکسازیێ دکەن ؟! و زانیاریێن نەدروست بو تەحریچ کرنا پێشمەرگێن قەهرەمان و خەلکێ هەژار دکەن.
نوکە کو حکومەتا هەرێما کوردستانێ ئیرادا راستەقینە بو چاکسازیی هەیە و براستی جرئەتەک سیاسی یا بـێ وێنەیە، کەفتینە هەمبەر دژایەتی کرنا پروژێ چاکسازیێ لژێر پەردێ برینا موچێ پێشمەرگە و خەلکێ هەژار ؟؟!!
چەندین سالە خەلکێ کوردستانێ داخوازا چاکسازیێ دکەن ئەڤە هەمان خواست و داخوازا مە و هەوەیە و باشترین پروژەیە بو چاکسازیی و پاک کرنا لیستێن موچەخور و فەرمانبەرێن کوردستانێ گرەنتیەکە بو دانا موچێن پێشمەرگە و فەرمانبەرێن فعلی یێن حکومەتێ.
ئەم وەک فراکسیونا پارتی هەمی گەلێ خوە یێ تێکوشەر دلنیا دکەین دەست برن بو موچێ هیچ فەرمانبەرێن فعلی و پێشمەرگێن قەهرەمان ناهێتە برن و ئەم خوە بـ نوینەر و پارێزەرێت مافێ هەمی خەلکێ هەژار و پێشمەرگێن قەهرەمان و فەرمانبەرێن تێکوشەر دزانین و ئەڤ پروژە بو عدالەت و یەکسانی و پاراستنا ماف و موچێ هەوەیە.

© 2017 Hawler

Please publish modules in offcanvas position.