تەمموز 23, 2018

فاتیح ئیسماعیل ئەحمەد

پەیوەندیە كۆمەڵایەتیەكان لە كۆمەڵگەی نەرینی دا زۆر پتەوە ( كۆمەڵگای كوردستانیش كۆمەڵگایەكی زیاتر نەریتی یە)، زۆریش كاریگەری دەبێت لەسەرتاك بەتاك و كۆی سیستەمی كۆمەڵایەتی، لەتەك ئەوەشدا رەنگدانەوەی راستەوخۆی دەبێت لەسەر دەروونی تاك بە ئاڕاستەی پۆزەتیڤ یان نێگەتیڤ، جا ئەگەر پیشەی و تەندروستانە و زانستی بوو، بێگومان پۆزەتیڤ دەبێت، بەڵام ئەگەر ئاوێتە بكرێتە بە ئایدۆلۆژیای لایەنێكی سیاسی و بەمەبەستی وەرگرتنی دەسەڵات لەو رێگایەوە، (هەرچەند دیموكراسیە )بەڵام زۆرتریش بە ئاڕاستەی نێگەتیڤی دەبێت.
لەبەر رۆشنای ئەو روانگەیەی سەرەوە دەگەینە ئەو ئەنجامەی كە تاكی كوردستانی لەم دۆخەی ئێستادا دووچاری جۆرێك لە شێواندنی پەیوەندی كۆمەڵایەتی و دەروونی بۆتەوە، ئەوەش بەشێكی زۆر دەگەڕێتەوە بۆ گوتاری ناتەندروستی سیاسی و رەخنەیانەی لایەنە سیاسی و دامەزارەوە میدیاكان. كە ئەوەشدەبێتە هۆی نا ئاسوودەیتاكەكان، بەڵكو دەروون و ناخی تاك گەلێك ماندو شێواو دەكات، كە ئەمەش دەبێت فاكتەرێكی زۆرخراپ بۆ نەمانی متمانە، جا كە متمانەش نەمێنێت راستگۆیی رێڕەوی خۆی ناگرێتەبەر، بەڵكو هەمیشە نائارامی و نائاسودەیی دەروونی تاك بە تاكی كۆمەڵگا دەتەنێتەوە.
بۆ رێگا گیری لەم دیاردە نێگەتیڤە، نابێ رێگابرێت كە كۆمەڵگاتەواو ببێتە كۆمەڵگایەكی سیاسی نائارام، چونكە ماڵ و خێزان بۆ پێكەوە ژیانی ئاسایی و كۆمەڵایەتی تاكەكانە، نەك بۆ گوتاری سیاسی رۆژانە، كە ئەمانەش بۆ چەندین دەرنجام و هۆكار دەگەڕێتەوە،كە بەبۆچی من سەرەكیەكان خۆی لەمانەی خوارەوە دەبینێتەوە؛-
1. گوتارە رەخنەیەكان، كە پەیوەندیانبەژیانی رۆژانەی تاكەكانی كۆمەڵگاوەیە زۆر بە خراپی مامەڵەی پێوەدەكرێت و بەڵكو بەشێوەیەك لە شێوەكان ئاوێتە بە ئامانجێكی سیاسی دیاریكراو، بەو هۆیەشەوەدونیان كراوەتە دۆزەخ بۆ زۆرینە و بەڵكو لەتەك ئەوەشدا هەموو رۆژ و ساتێك لە كەنەڵەكانی بیستراو بینراوە و خوێنراو سەر و دڵی خەڵكی دەگرن، كە لە كاتێكدا چەندین دامەزراوەی تایبەت بەو بارە هەیە، وەك: پەرلەمان، چاودێری دارایی، دەستەی دەست پاكی، بەرنامەی هەڵبژاردنی لایەنە سیاسیەكان هەر چوار ساڵ جارێك).
2. گوتارە رەخنەیەكانی حزبپێویستی بە گۆڕینی هەیە لە دەزگا راگەیاندن بەتایبەت بینراوەكان، چونكە دەزگا راگەیاندنە بینراوەكان ئامادەی تەواوی لە هەموو ماڵەكاندا هەیە و بەو هۆیەشەوە ماڵەكان بۆتە گۆڕەپانی كێبڕكێی سیاسی و ئابووری....هتد. دەرنجامەكەشی پەیوەندیە كۆمەڵایەتیەكان تەواو شێوێنراون.
3. جیاكردنەوەی گوتارەكانی هەڵبژاردن لە گوتاری رۆژانەی لایەنەسیاسی و دەزگاكانی راگەیاندن،چونكە بەو گوتارانە وادەردەكەوتێت كەهەموو رۆژێك هەڵبژاردنە، كە ئەوەش یەك نایەتەوە لەگەڵ بنەماكانی دەستاو دەست كردنی دەسەڵات و پڕۆسەی هەڵبژاردن، بۆیە پێویستە لایەنەكان بەرنامەكانیان هەڵبگرن بۆ كاتی بانگهێشتنی هەڵبژاردن، نەك وەك ئەوەی هەموو رۆژێك وابزانرێت كە بەیانی هەڵبژاردنە؟؟؟!!.
4. جیاكردنەوەی گوتاری رەخنەیی پیشەیی لە گوتاری ئایدلۆژی سیاسی و ئاینی، كە بەداخەوە زۆر تێكەڵ بووە، بۆ ئەمەش پیویستە دامەزراوەیەكی یاسای رۆڵی چاودێر ببینێ بۆ ئەو دیارە نێگەتیڤە.
بۆ بەرگرتن لە هەموو ئەو نا ئارامیانەی ناخی تاكی كوردستان، باشترە كەش و هەلومەرجێكی تەندروست بۆ تاكەكان برەخسێنرێت و دووربخرێنەوە لە هەموو گوتارە ئایدۆلۆژیا سیاسی و ئابوورەتوندو ناتەندروستەكان و پشت بە دەزگا تایبەتمەندەكان ببەسترێت یان ریگای دادگا بگیرێتە بەر بۆ هەموو دیاردە و حاڵەتێكی تەندروست لە بەڕێوەبردنی هەرێمی كوردستان و ئەو كەموكوڕیانەی كە هەست دەكرێت هەیە و چارەسەر ناكرێت، نەك گوتاری شێواندن پەرەی پێبدرێت.

© 2017 Hawler

Please publish modules in offcanvas position.