کانونی دووەم 25, 2020

فاتیح مەولەوی زادە

 

كاتێك باس لە بە كارێزما بوون دەكەین و هەڵكەوتەیی كەسایەتییەكمان بۆ بەدەر دەكەوێت، كە هەڵقوڵاوی ناخی خەڵك بێت، نەك كەسێك بە زەبر و خۆسەپاندن ببێتە كارێزمایەكی قێزەون و نەویستراو. ئەو دەمەی باس لە كارێزمای سیاسی دەكرێت پەنا دەبەینە بەر تیۆری ماكس ڤیبەری ئەڵمانی لە بارەی دەسەڵات و سەروەرێتی، وا وێنای دەكات كە، توانا و هێزێكی كەسێكە، بووەتە هۆی دروستبوونی متمانە و دڵبەندی، ئەمانە هێزێكی سەروو سروشتی لە پشتە و لەم سۆنگەیەوە سەركردە و پێشەوایەكی كارێزمایی دروست دەبێت. ئەوەی مەبەستمە دەسەڵاتی شیعە لە سەردەمی سەفەوییەكانەوە،بەردەوام بووە لە پەل هاوێشتن بۆ زۆر وڵات، تەنانەت زۆر شوێن نەشیانزانیوە مەزهەبی شیعە چییە و چۆنە، بەڵام ئەمان هەوڵی خۆیان داوە، بێشك ئەم پەلهاوێشتنە هەمووی لە ژێر سێبەری ئیسلام بووە، بە دیاریكراویش مەزهەبی شیعە و مەدرەسەیەكی دیاریكراو.
لە سەردەمی حسن صباح، كە كەسایەتییەكی دیار بووە و دژی سەلجوقییەكان و عوسمانییەكان بوو، لە رووی مەزهەبی شیعەگەرایی بڕوایان بە 7 ئیمام هەبوو پێییانوابوو لە پاش ئیمام جەعفەری صادق، ئیساعیلی كوڕی، حەوتەم و كۆتا ئیمامە. بۆیە، حەسەن صباح، كە لە پەیڕەوانی ئیسماعیلی بوو، بە هۆی ئەوەی ناوەندی هێزی بڕیار و دەسەڵاتی فاتمی لە میسر بوو وە هەمان مەزهەبیان هەبوو بە فەرمی لە میسر ئەم مەزهەبەیان ناساندبوو، بۆیە حەسەن صباح سەردانی میسری كرد و پاش گەڕانەوە بۆ ئێران رۆژ لە دوای رۆژ پێگەی خۆی بەهێز دەكرد، لە توێی پەرتوكەكەیدا هەست بەوە دەكەی كە، (تیرۆر كردن، خۆ فەرز كردن، كوشتن و بڕین) ی ئەوانەی دەبوونە لەمپەر لەبەرده‌م هزر و بیری دەسەڵاتی تاك پەرەستانەیان بە بیانووی جیاواز لە ناویان دەبردن و، تەنانەت پەیڕەوانێكی هەبوو ئامادەبوون خۆیان بتەقێننەوە و وەك پەیڕەوی ئیسماعیلی قەڵایەكیان هەبوو كە تەنها ئەوانەی لە خۆیان بوون دەیانتوانی بچنە ناو قەڵاكە و شوێنی پارێزراوی خودی حەسەن صەباح بوو، ئەمەو زۆر شتی دیكە تا سەردەمی ئێستا شیعەی ئێران لە ناوەندی زۆرێك لە وڵاتان پەیڕەویان كردووە، لە پێناو خۆیان و شاردنەوەی شتە شاراوە بن ،نەسروڵڵا و هاوبیرەکانی كارێزمایەتی خۆسەپێن بوون، وەك چۆن ئێستا عابا رەشێكی ناخ رەش كە لە دەرەنجامی خۆ سەپاندن رۆڵی بە دیار كەوتووە و لە دەرەنجامیش ئەم جۆرە كەسانە هیچ ئاسۆیەكی گەشیان لێ چاوەڕێ ناكرێت و خۆریان لە ئاوابوونە، دێن و باس لە كارێزمایەك دەكەن كە هەڵقوڵاوی ناخی خەڵكە و خۆی هەوڵی كارێزمایی نەداوە، سەرۆك بارانی كەسایەتییەك كە هاوسۆزی گەل بووە و لە گەڵ ناراحەتی و چەرمەسەری و سەركەوتنەكانی خەڵكەكەی بووە، ئەم هەست بە بەرپرسیارێتییە ئەوەی لێ كەوتووەتەوە وەك كارێزما سەیر بكرێت، بۆیە، باسكردنی جەنابی سەرۆك بارزانی لە لایەك حەسەن نەسروڵای خۆ حەشاردەر لە تاریكاییدا،راکێشانی هەرێمی کوردستانەبۆ ناو ململانێی هێزەکانی ناوچەکە. بەدیاریكراوی ناوەندی عێراق، دووەم داخ لە دڵ بوونی بەرامبەر سەرۆك بارزانی و پێکەی بەهێزی هەرێمی کوردستان و گرنگیدانی تەواوی نێو دەوڵەتی بە هەرێمی كوردستان. چونكە چاویان بە سەنگ و قورسایی هەرێم و پێگەی تایبەتی جەنابی سەرۆك بارزانی هەڵنایەت لە ناوچەكە. ئەگەرنا هەموو كەس دەزانێت كورد بێوەفا نەبووە بەرامبەر ئەوانەی بە بچووكترین شێوە خزمەتیان كردبێت، هەموو دەمێك سەلماندوویەتی بۆ دۆست و نەیاری خۆی كە وەك هەڵوێستی بەرامبەر مامەڵەی لەگەڵ واقیعدا كردووە. ئەم قوتابخانەیە ریشەی هەیە و هیچ دەمێك تا كۆتایی چاویان هەڵنەهاتووە بە سەركەوتنی گەلی كورد و سەركردەكانمان.

© 2017 Hawler