ئایار 30, 2020

زۆرترین بینراو بۆچوون

Error: No articles to display

عەدنان فاخیر

ئەگەر دەستەواژەی (ئاوردانەوە لە رابردوو هەنگاونان بەرەو ئاییندە) بكەینە دەروازەیەك بۆ چوونە ناو بابەتێك، (ڕەگەكانی لە قولایی هزرو بیری جەماوەری كوردستاندان و بەرو سێبەری لق و پۆپیشی هەرجارە دەرخواردی حەرام خۆرێك ئەدرێت و لەژێر سێبەرەكەشیدا خۆی مەلاس ئەدا ...) ڕەنگە گونجاو بێ . جا بۆ ئەوەی نەبینە بارمتە (رهین)ی هەلەو شكستەكانی رابردوو وە ژیان و دەسكەوتەكان بپارێزین و شكستەكان بكەینە خاڵی وەرچەرخان و بنیاتنەر، دەبێ خۆمان ئامادە بكەین بۆ هەر گۆڕانكاری و پێشهاتە نوێكانی ڕۆژهەڵاتی ناوەڕاست، بیست و هەشت ساڵ لەمەوبەر لە فیلە زەبەلاحەكەی سەركەوتووی هەردوو جەنگی یەكەم و دووەمی جیهانی و یەكێك لەدوو جەمسەرە گەورەكەی جیهان كە ( یەكێتی سۆڤیەت )ی پێشوو بوو دوانەیەك پەیدابوو بەناوی ( گلاسنۆست و پرۆسترۆیكا) كە لە لایەن ( گۆرباچۆڤ) ی سەرۆكی ئەوكاتی یەكێتی سۆڤیەت ڕاگەیەنرا ...، ئەگەر واتای ئەم دوو چەمكە دوانەیە بریتی بێ لە ریفۆرمی سیاسی و ئابووری ئەوا بێ چەند و چوون ئەم دوانەیە وەك زادەی قەتیس كردن و لە مەنگەنەدانی سەرجەم ئازادییە سیاسی و ئابووری و كۆمەڵایەتی گەلانی ژێر دەسەڵاتی دكتاتۆریەتی پرۆلیتاریای سەدان ساڵەی پێش شۆڕشی ئۆكتۆبەرو دوای ئەویش خۆی نواندو دیفاكتۆیەكی وای ئەفراند كە هیچ زانایەك و ( مام مۆتكێك ) پێش بینی نەدەكرد، لەم دیفاكتۆیەدا 15 جمهوریەتی سەربەخۆ جیابوونەوەو هەندێكیشیان بوونە ئەندام لە یەكێتی ئەوروپا، وەكو گەلانی ( توركمەنستان – ئۆزبەكی و – ئازەری – ئەرمەنی – جۆرجی لە ئاسیای ناوەڕاست - استۆنیا – لیتوانیا – لاتڤیا لەسەر دەریای بەلتیق – بلاڕوسیا – ئۆكرانیا – مۆلداڤیا، هەموویان لە یەكێتی سۆڤیەت جیابوونەوەو سەربەخۆییان ڕاگەیاند ) وە هەر ئەم گۆرانكارییە بووە هۆی هاندانی هەڵوەشانەوەی چیكسلۆڤاكیای پێشووش كە شەش جمهوریەتی لێ دروست بوو، سەرجەمی ئەم گۆرانكاریانە سەلمێنەری ئەو بۆچوونەن كە جوگرافیای سیاسی جێگیر نابێ و قابیلی گۆڕانە. ئەگەر بۆ ئەمانە لەلایەن كۆمەڵگەی نێودەوڵەتیەوە دابەش بوون و سەربەخۆیی مومكین و قابیلی قبووڵە خۆ دەبێ بۆ رۆژهەڵاتی ناوەراست و میللەتی كوردیش حەڵال بێ....ئەگەر پێوەرەكەیان بانێك و دوو هەوا نەبێ ! ئێستاش دوای ڕاپەڕینی گەلانی سوریا و بچووكردنەوەی حكوومەتەكەی و دەركەوتنی داعش و هەڵوەشاندنەوەی حكوومەتی عێراق، هەمان ئەو سۆڤیەتەی پێشووە بە بەرگی روسیای فیدراڵ خۆی كردۆتە فریاد رەسی رژێمی سوریا و پارێزەری جوگرافیای سیاسی و هاتۆتە ناوچەكە، كە لە بنەڕەتدا مەبەستی پاراستنی بەرژەوەندییەكانیەتی لە دەروازە و ڕێڕەوی ئاوە گەرمەكاندا، لەم پەیوەندییەدا قۆستنەوەی دەرفەت و كەڵك وەرگرتن لە ناكۆكیەكانی نێوان هاوكێشەكانی هێزە ئەقلیمی و جیهانییەكاندا وێرای ئامادەكاری ماددی و مەعنەوی ناوخۆ، ئەركێكی بە پەلەو زێدە پێویستی كوردە، دەریشكەوتووە كەوا حكوومەتی بەغدا بە بەرنامەیەكی چڕو پڕ پرۆژەیەكی ئەقلیمی جێبەجێ دەكات بە ئامانجی بچووكرنەوە و نەهێشتنی پێگەی حكوومەتی هەرێمی كوردستان، بۆیە باشترین ڕێگەو چارەسەر كاركردنە بۆ بەنێودەوڵەتی (تدویل)كردنی كێشەكانی هەولێر و بەغدا تیایدا ئەنجامی ریفراندۆم بكرێتە پێوەر و بخرێتە سەر مێزی گفتوگۆی ئەنجوومەنی ئاسایش، ڕێگاو ڕەهەندەكانی دۆخی ناوچەكە زۆر سەخت و دژوارن هەر وەكو جەنابی سەرۆك بارزانی فەرمووی ( ڕێگای ڕۆیشتن بەرەو سەربەخۆیی بێ موجازەفە نییە ) كەواتە هەرچۆن بجووڵێین بەرەو ئامانجە نەتەوەییەكانمان ڕێگاكان ئاوریشمی نین و بەربەست و كۆسپمان زۆرن، جا ئەگەر لە هەنگاوێكیشدا سەركەوتوو نەبووین دەبێ باوەرمان بە هەستانەوە و بەردەوامبوون هەبێ، پێدراو لێكەوتەكان و قەیران و پێشهاتەكانیش وا پیشان ئەدەن ( مشهد ) یا دیدگایەكی نوێ دێتە كایەوە و لە شوێنی گۆرباچۆف ( ئەردۆغانۆف و روحانیۆڤ) دەبنە باج و قوربانی گلاستنۆست و پرۆسترۆیكای سەدەی بیست و یەكی رۆژهەڵاتی ناوەراست و گەلانی زۆر لێكراوی ژێر دەستی وەكو كورد ئازاد و سەرفراز دەبن".

© 2017 Hawler