کانونی یەکەم 07, 2019

خوێندنەوەیەک بۆ سەردانی سەرۆکی حکوومەت بۆ تورکیا

سیامند سیلکی

 

لەئاست هێرشی تورکیا بۆ سەر ڕۆژ ئاوای کوردستان .هەلۆیستی فەرمی حکومەتی هەرێمی کوردستان هەلۆێستێکی ژیرانەو واقعی بوو .بەفەرمی نیگەرانی خەلک و حکومەتی لەئاست ئەو هێرشە دەربڕی و دووپاتی کردەوە کەشەر لەبەرژەوەندی هیچ لایەکدا نیەو لەجیاتی چارەسەری کێشەکان بکات،دەبێتە هۆی زیاتر ئالۆزکردنی بارودوخی ناوچەکە .هەروەها هەموو هەولێکی بۆ گۆڕانکاری لەدیموگرافیای ڕۆژئاوای کوردستاندا بەقەبول نەکراو وەسف کرد .
لەبواری کرداریشدا سەرۆکی هەرێم و سەرۆکی حکومەتی کوردستان لەڕێگای کەنالە دیبلوماسیەکانەوە هەموو هەولەکانی خۆیان خستەگەڕ تابتوانن هێرشەکە بوستێنن یان بەلای کەمەوە سنورداری بکەن .لەم بارەوە هەولەکانیان تا ڕادەیەکی باش بەهەمدار بوون و،توانیان ڕوسیا بێننە سەرخەت و سنورێک بۆ هێرشەکە دابنێن .جگە لەمە کەنالە دیارەکانی ڕاگەیاندنیان وەکو ڕووداو کوردستان بیست و چوارو کوردستانی تیڤیان هاندا تا بۆ گەیاندنی دەنگی مەزلۆمیەتی کورد لەڕۆژ ئاوا ڕۆلی خۆیان بگێڕن .هەر لەم بارەوە دەزگای خێرخوازی بارزانی نەمریان ڕاسپارد تا هاوکاری مرۆڤی بگەینێتە ڕۆژ ئاوای کوردستان .ئەم پشتیوانیە لەزۆر رووەوە کاریگەری ئەرێنی (پۆزەتیف)ی هەبوو بۆ سەر هەلۆێستی شەڕڤانانی کوردو ئیدارەی ڕۆژ ئاوا .بەحوکمی ئەوەی کە تورکیا دەروازەی سەرەکیە بۆ گرێدانی هەرێمی کوردستان بەدونیای دەرەوە .پێ دەچێت ئەم هەلۆێستەی هەولێر لەدەرەوەی چاورڕوانیەکانی دەولەتی تورکیا بێت .بویە بەرپرسانی بالای تورکیا نیگەرانی خۆیان لەئاست پشتیوانی هەولێر بۆ ڕۆژ ئاوای کوردستان دەبڕی .بەلام هیچ گۆڕانێک بەسەر هەلۆێستی حکومەتی هەرێمی کوردستاندا نەهات و بەردەوام بوو لەسەر هاوکاری و پشتیوانیەکانی بۆ ڕۆژئاوا .هەلبەت زۆر کەس پێی وابوو ئەم هەلۆێستەی حکومەتی هەرێم (پشتیوانیکردن لەڕۆژ ئاوای کوردستان )گرژی لەنێوان هەولێرو ئەنقەرەدا دروست دەکات .بەلام دەرکەوت خوێندنەوەی سەرۆکی هەرێم و حکومەتی کوردستان بۆ ڕووداوەکان،خوێندنەوەیەکی واقعی و ڕاست و دروست بوو .تورکیا بۆ هێورکردنەوەی بارودوخەکەو،بەبەهێزی ڕاگرتنی پەیوەندیەکانی لەگەل هەولێر .بەفەرمی داوای لەسەرۆکی حکومەتی کوردستان کرد کە سەردانی ئەنقەرە بکات .تەنانەت گوتەبێژی سەرۆکایەتی تورکیا کاتی سەردانەکەشی دەست نیشان کرد .بەلام وەکو نیشاندانی نیگەرانی لەئاست هێرشی تورکیا بۆ سەر ڕۆژ ئاوای کوردستان .سەرۆکی حکومەتی کوردستان بەڕێز مەسرور بارزانی سەردانەکەی بۆ ماوەیەک دواخست .سەرۆکی حکومەت بەم هەلۆێستە بەرپرسە بالاکانی تورکیای ناچار کرد،گوتاری خۆیان بەرامبەر کورد بگۆڕن . ئەوەبوو بۆ چەندین جار ئەردوگان و بەرپرسانی دیکەی تورکیا دووپاتیان کردەوە کەهێرشی ئەوان بۆ سەر خاکی سوریا دژی کورد نیەو کورد برای ئێمەن .وە داوەتی فەرمی خۆیان بۆ سەردانی سەرۆکی حکومەتی کوردستان بۆ ئەنقەرە دووپات کردەوە. لەچوارچێوەی ئەو داوەتە فەرمیەدا پێنج شەممەی رابوردو سەرۆکی حکومەتی کوردستان بەسەردانێکی فەرمی گەیشتە تورکیا .بەدانانی ئالای کوردستان و لەسەر ئاستی هەرە بالا پێشوازی لێکرا .سەرەتا لەگەل وەزیری دەرەوەو دواتریش سەرۆک کوماری تورکیا کوبویەوە .خالی هەرە گرنگ لەو سەردانەدا ئەوەبوو کە بەڕێز مەسرور بارزانی لەکونگرە ڕۆژنامەوانیەکەیدا لەگەل وەزیری دەرەوەی تورکیا،نگەرانیەکانی خۆی لەئاست دەرهاوێشتەو کاریگەریە نەگەتیفەکانی هێرشی تورکیا بۆ سەر ڕۆژ ئاوا دوپات کردەوەو گوتی :ئێمە دژی ئەوەین پەنابەرانی سوریا بەزۆر بگەڕێنرێنەوە بۆ سوریاو،دەبێت گەڕانەوەیان بەمەیلی خۆیان بێت و بەهەماهەنگی بێت لەگەل سازی و ڕێکخراوەکانی نێودەولەتی .ئەمە پەیامێکی ڕۆن بوو،بۆ تورکیا کە دەست بردن بۆ گۆڕینی دیموگرافیای ڕۆژ ئاوای کوردستان لەلایان هەولیرەوە ڕەفزەو قبول ناکرێت.
جگە لەهەموو ئەمانە بەلەبەرچاوگڕتنی ئەو گڕژی و ئالۆزیانەی لەباشورو ناوڕاستی ئێراقدا هەن .سەردانی سەرۆکی حکومەتی کوردستان بۆ تورکیا هەنگاوێکی گرنگ و ژیرانەو بوێرانەبوو .لەزۆر روووەوە یارمەتیدەر دەبێت بۆ ئەوەی کورد لەپێگەی بەهێزیدا بمێنێتەوەو دەست بەبەرژەوەندیەکانیەوە بگرێت .بەکورتی و بەکوردی دەتوانین بێژین سەردانەکە لەم کاتەدا بۆ کورد گرنگ و مێژوویی بوو .سەداسەد خزمەت بەئێستاو ئایندەی کورد دەکات و بەرژەوەندیەکانی مسوگەرو گەرانتی دەکات

© 2017 Hawler