کانونی یەکەم 07, 2019

كاتی خاترجەمی بەسەرچووە

بەختیار هەمەوەندی

 

لە ماوەی سەدساڵی ڕابردوودا كورد وەك هێزێكی مرۆیی و كاریگەر هەمیشە بە ڕووی جیهاندا وەستاوە بۆ داواكردنی مافە دەستووری و سروشتیەكانی لە ڕێگەی شۆڕش و داواكاری ئاشتیانەوە بەڵام لە بەرانبدا بە بڕیار و ڕێكەوتنامە شاراوە و ژێربە ژێر ویستراوە كاریگەریە سیاسی و كەلتووری و مێژوویەكانی كورد فەرامۆش بكرێ و كەم بكرێتەوە، هەمووئەم بڕیار و ڕێكەوتنانەش لە خاترجەمی دەوڵەتانی خاوەن هێزی مێژووی ناوچەكەدا دراوە، بەڵام لەم چەند ساڵەی دوایدا ئاراستەی سیاسی جیای دەوڵەتان و فرە هەژموونی لە ناوچەی ڕۆژهەڵاتی ناوەڕاستدا بۆنی گۆڕانی گەورەی لێ دێت بە تایبەت تریش لە قازانجی كێشەی كورد،ئەمەیش لەم دواییانەدا زیاتر بۆنوبەرامەی ئەو گوڕانكاریانە دەرچوو كاتێك دەبینین تەموومژیك بەدی دەكرێ لە بەردەوامی دان بە خاترجەمی دەوڵەتان ئەوەیش بە هێنانە ناوەوەی (كورد)ە وەك هێزێكی كاریگەر كە ڕەنگبێ بەلای بەشێكی زۆرمانەوە ئەمە خەونێكبێ بۆ خۆدڵخۆشكردن بەڵام بمانەوێ یان نا ئەمە لە خوێندنەوەی ڕوداوەكانی ئەم دواییەی ناوچەی ڕۆژهەڵاتی ناوەڕاستەوە سەرچاوەی گرتووە كە بەبڕوای من ئیدی زۆربەی هێزە كاریگەرییەكانی جێهان بەوڕاستیە گەیشتوون كە بە هەند وەرنەگرتنی پێگەو سەنگی كورد كاریگەری نەرێنی لەسەر كۆی هاوكێشە سیاسیەكانی ناوچەكە دەبێت ڕەنگبێ لە ئەنجامی درێژەدان بە پەراویزخستنی سەنگی كورد ئەگەر ئاڵوگۆڕی هێزیش پەك نەخات ئەوا بە ویستی دەوڵەتانی خاوەن هەژموون نابێ، بەڕای من ئەوەی كوردی كردووە بە ژمارە لە نێو هاوكێشە سیاسیەكان چەند هۆكارێكن كەمن دەمەوێ بە خێرایی هەندێكیان باسكەم .
ئەگەر لەیەكەم هۆكارەوە دەستپێبكەم دەبیت خاوەنداری ئەم خاكە بە هۆكاری ژمارەیەك دابنێین ڕەنگبێ ئەویش بڵێین كە كورد خۆتازە دروست نەبووە خۆ پیشتریش لەسەر ئەم خاكە ژیاوەن خۆی بەخاوەنی ئەم خاكە زانیوە بەڵام لەبەرانبەردا هەستی نەتەوایەتی خۆشویستنی خاك هەیە كەبەبڕوای من كورد لەسەرەتاوە تاكو ئیستا هیچ كات هێندەی ئیمڕۆ هەستی نەتەوایەتی گەشەی نەكردووە و هەرئەمەیش بووە كە هەركات غەدرێك هەبووبێ ئەوا بە غەدر زانراوە بۆسەر هەموو تاكێكی كورد لە هەركوێیەك و تاڕادەیەك یەكگرتوی بەدی دەكرێ كە ئەمەیە خاوەندارییەكەی زیاتر چەسپاندووە، دواتر ڕاگەیاندن و دەسكەوتنی زانیاری ئەركی دەوڵەتانی قورستر كردووە لە شاردنەوەی بەڵێن نامە و پەیماننامەكان بەتایبەتیش ئەگەر هەوڵێك هەبووبێت دژبە كورد هەرزوو لەباربراوە،خاڵی سێیەم سیاسیەكانی كورد لە ئیستادا لە هەوڵی بەردەوامی لوبی كردندان بۆ كێشەی كورد بەڵام لە بەرانبەردا دەوڵەمەندی كوردستان لە ڕووی سامانی سروشتیەوە وایكردووە لایەنی بەرانبەر زیاتر بێتە پێشەوە و لایان مەبەست بێت كە بێبەش نەبن لەو خێر و بەرەكەتە ئەمانە و زۆر هۆكاری دیكە هەن كەپشتڕاستی قسەكانی من بكەنەوە كە دەڵێم كاتی خاترجەمی بەسەر چووە.

© 2017 Hawler