نیسان 05, 2020

ئەو سەركردەیێ ژ راگەهاندنێ نەترسیت

نزار مەجید

راگەهاندن ب هەمی چقێن خوەڤە ئێك ژئالاڤێن گرنگێن ژیانێ یە دهەمی بواراندا پەیامەكا ئێكسەر جهێ خوە دگریت و دبیتە رەنگڤەدانەكا جیهانی سیاسەتمەتدارو و جڤاك هەمی وێ مژارێ دشوپینن و شروڤەیێن خوە ل سەر ددنە دیاركرن چ ژلایێ ئەرێنی و نەرینی ڤە ژی بیت .
وەك مە ل سەری ئاماژە پێكری ژبەركو هەمی تەخ و چین پێڤە دئێنە گرێدان بویە پشكەكا گرنگا ژیانا سەردەم دوەلاتێن پێشكەفتی و دیموكراسی دا راگەهاندن رولەكێ مەزن دگێرت دئاڤاكرنێ دا و راستیێن دەستهەلاتێ و ب هەمی رەنگان دئێنە بەرچاڤكرن دچارچوڤێ ئاڤاكرنێ دا، لێ دروژهەلاتاناڤین دا ب تایبەت دوەلاتێن دكتاتور و نیمچە دكتاتور راگەهاندن سانسور كریە بو مەرەمێن مانا خوە ددەسهەلاتێ دا،ل كوردستانێ ژی پارتێن كوردستانی هەرئێكێ سازیەك ڤەكر ب تنێ بو بەرژەوندیێن پارتا خوە نە زێدەتر هەتا دراپورت و دیبەتاندا ئەندام و لایەنگروسەركردێن پارتا دەستنیشانكری كەسێ دن ماف و رەخنە نەبو ب ئازادانە دسازیێن پارتێن ناڤهاتی دا بێنە دیاركرن ژبلی بەژن و بالێ، ژبەر هندێ ژی ئەو پارتێن مە ئاماژە پێدایی ب سازیێن خوەڤە ژرێبازا كلاسیكا لوكالی دەرباز نەبون و نەشیان ببنە مینبەرەك پەیامەك راست ب گەهینن و شكەستن ئینا ژبەركو راگەهاندنەكا لوكالی و ئاست نزما تاكە لایەن بونە،راگەهاندن دنێرینا نیچیرڤان بارزانی داوەك سەروكێ حكومەتێ شیا ل پرانیا سازیێن راو گەهاندنێ ل سەر ئاستێ ناڤخو و دەرڤەژی بێ ترس ل بەر سینگێ روژنامەڤانا دپرێس كونفراسان دا بەرهەڤ ببیت و بێ دو دلی رێك ب روژنامەڤانا دهاتە دان هەتا دبیت ئەو پرسە دچارچوڤێ وی پریس كونفرانسی دا نەبیت ژی لێ ب سینگەكێ ڤەكری بەرسڤ ددا ئەڤە نیشانا سەركەفتنا كەسێن سەركردەیە،ژلایەكێ دیڤە سەروكێ حكومەتێ پێنگاڤەكا دن دوارێ راگەهاندنێ هاڤێت ئەوژی كومبونا دیبەتان وەك سەروكێ حكومەتا هەرێما كوردستانێ كو ددەمەكێ كەنالێن ب ناڤ ئوپوزسیون و یێن سیبەرێن پارتێن كوردستانی كو بەری هینگێ هەمی هزرو پلان و نوچەیێن بێ بنەما بو شكەستنا كابینەیا نێچیرڤان بارزانی ل كەنالێن خوە پەخش دكرن و وەلاتیان ژی دبیت تارادەیەكێ باوەركربیت و هاتبنە خاپاندن لێ پشتی ب راشكاوانە وهەمی سازی كومكرین بو سازدانا دیبەتا هەرتشت ب ئاشكەرایی هاتە دیاركرن كو چ ل پشت پەردێ نەمینت ل وی دەمی دیسان پرانیا وان سازیان شكەستن ئینا ئانكو سەروكێ حكومەتێ بێ كو بیژتە وان پێداچونەكێ دسیاسەتا خوە لەنگ دا بكن ئەو بخوە ب شێوەكێ ئاشكەرا بەرسڤ گەهەشت، خالەكا دی یا كو سەروكێ حكومەتێ شیایی بو رایا گشتی بكەت ئەوژی ڤەگوهاستنا پەخشێن زیندی دزوربەیا دیبەت و دیدارو پرێس كونفراسێن گرێدایی كارو پروژەیێن حكومەتێ دا و دیسان ئاریشەیێن هەلاویستی یێن گرێدایی ژیارا خەلكی بو وێ چەندێ ب زانن هەرتشت ب رونی زەلالی دئێتە بەحسكرن كو ل وی دەمی هەمی پارتێن باشورێ كوردستانێ بەشدارن دكابینەیا نێچیرڤان بارزانی دا و پشتی ڤەكێشنا وان پارتان ژی هەر سەروكێ حكومەتێ چ تشتێ نهێنی نەهێلا هەمی ب رێكا راگەهاندنێ بێ ترس ب داتاو ژمارە هەرتشت دا دیاركرن كەواتە ئەڤە مەزنترین سەركەفتنە كو سەروكێ حكومەتێ بشێت دپارچەیەكا دورپێچ كری دا ژهەمی رویەكێ ڤە و بەردەوام بیت سەرەرایی پلانێن ناڤخو و دەرەكی .

 

© 2017 Hawler