کانونی یەکەم 06, 2019

پێگەھێ سیاسی یێ نێچیرڤان بارزانی و کارتێکرنا وان ل سەر ئاستێ نێڤدەولەتی

نەهلە ئەحمەد

 

بێ گومان کەسایەتی کارێزمایا سەرکردایەتییا کوردستانێ و ب تایبەتی یا سەروک وەزیران نێچیرڤان بارزانی و کارتێکرنا پێگەھێ وی ل سەر ئاستێ ناڤخوە و دەرڤە و رەتکرنا دانوستاندنان ژ لایێ حکومەتا عیراقا فیدرال ڤە ژ لایەکی ڤە زیان ب خەلکێ کوردستانێ دکەڤیت و ژ لایەکێ دیڤە پێگەھێ کوردستانێ ل سەر ئاستێ ناڤەندێن نێڤ دەولەتی زور ب ھێز دکەڤیت لێدوانێن سەروک وەزیران بو چارەسەرکرنا ھەر ئاریشەکا ھەبیت دناڤبەرا کوردستانێ و عیراقێ دا پێدڤییە ب رێکا دیالوک و د چار چوڤێ دەستورێ عیراقێ دا بھێتە چارەسەر کرن، ئەڤە ژی خالەکا بھێزبیت بو گەلێ کورد و سەرکردایەتیا کوردستانی کو ب فەرمی ژ لایێ چەندین وەلاتان بھێتە بانگھێشت کرن و ب پروتوکولێن سەروک وەزیران پێشوازی ل جەنابێ نێچیرڤان بارزانی بھێتە کرن. سەرەدانێن وەفدێ کوردستانێ بو وەلاتێن فرەنسا و ئەلمانیا و چاڤەرێ دھێتە کرن ددەمەکێ نێزیک دا سەرەدانا وەلاتێ بریتانیا ژی بکەت.
ئەڤە خوە بخو دانپێدانەکا فەرمیە یا نەراستەو خوەیە ب مافێ رەوایێت گەلێ کورد کو سەروک کومارێ دەما دبێژیت پێدڤیە مافێن رەوایێت گەلێ کورد بھێنە زامن کرن و چەندین وەلاتا مینا ئەمریکا و نەتەوەیێن ئێکگرتی ب فەرمی پشتەڤانیا خوە بۆ حکومەتا ھەرێمێ ب سەروکایەتیا نێچیرڤان بارزانی دیار کرییە ژ بیر نەکەین کو حکومەتا عیراقێ چەندین ئاستەنگ و ئابلوقە بۆ ھەرێما کوردستانێ درست کرینە مینا فرۆکخانا و گرتنا دەرگەھێن سنوری و ھاندانا جەماوەری ژ بو شکاندنا ھەیبەتا حکومەتا ھەرێمێ و ھەولدان ژ لایێ دەولەتێن جیران ڤە کو ب ھەمی ھێزا خوە ڤە ئابلوقەی سەر ھەرێما کوردستانێ درست بکەن، بەلێ سیاسەتا سەرکردایەتیا کوردستانێ و ئیرادا گەلێ کورد ب سەر کێشیا سەرکردێن مە یێن گەنج ب تایبەت نێچیرڤان بارزانی شیان خو راگرن و ھەڤسەنگیەکێ بێخنە دبارودوخێ نوکە یێ کوردستانێ دا مینا ئەنجامدانا چاکسازیان و نەھێلانا گەندەلیێ دیارکرنا راستیان بۆ رایا گشتی.
یاگرنگە دوژمن بزانن کو شکاندنا ھەیبەتا گەلێ کورد کارەکێ ئەستەمە و نە ب ئەنفالان و کیمیا بارا نکرنێ و ئابلوقەیێن سیاسی و ئابوری ھەیبەتا گەلێ کورد ناھێتە شکاندن و کورد دێ ھەر ل سەر بزاڤێن خوە یێن ئاشتیانە بەردەوام بن تا بگەھنە مافێن خوە.

© 2017 Hawler