تەمموز 16, 2019

خودانێ‌ سەبڕێ‌ بە میرێ‌ هەرێمێ‌ بە!!

شێرزاد نایف

 

بیرا كێ‌ دهێت پێش دەمەكێ‌ نەگەلەكێ‌ درێژ كو ئەڤ هەمی قەیران و مەحنەت و بەرتەنگی یێن بسەر مە دا هاتین، یێن كو نەهێنە هەژمارتن، دەمێ‌ نێچیرڤان بارزانی مایە ب تنێ‌ و چو لایەن و حزبێن دیتر ژبلی پارتی و خوە د ناڤا پارتی بخوە ژی دا، هاری نەدكر، خوە رێژەیەكا جەماوەری ژی بێزار دبوو، و دەمێ‌ كوم گۆتارێن پشتگەرمیێ‌ دنڤیسین حەنكێن خوە دكرن و باوەرنەدكرن كو دێ‌ پیچەكا ڤەبوونێ‌ سەرگریت، بەلێ‌ ئەوی هەر دگۆت كو چو نەمایە و دێ‌ هەموو ئەڤ قووناغانە تێپەرن و نامینیت نەخۆش، خەلكەكی هزر دكر هەما بێدەنگكرنا نەرازیبوونایە، بەلێ‌ بارزانی یێ‌ راستگۆبوو ل گەل خوە و ل گەل مللەتێ‌ خوە، هەر تشتێ‌ وی گۆتی و سۆزدایی ب ج هات، بەلێ‌ ئەو بێنفرەهیا وی هەیی مەودایێ‌ خوە ڤەدا ل سەرانسەری جیهانێ‌ و ئەو لایەن و كەسێن ژ هەمیان ئاسێتر هاتنە (ئاشێ‌ هوور)، برێت مەكگورك وەكو میناك!!. زێدەباری ئەمریكا و هەلویستێ‌ وێ‌، و گەلەك وەلاتێن دیتر، دانپێدانەكا فەرمی ب بوونا سەرۆكاتیا نێچیرڤان بارزانی كرن و یێن دكەن، ئەڤرۆ كەد و بەرهەمێ‌ وێ‌ سەبڕا وی ژ مە هەمیان پتر كێشای هاتە بەری و بەرهەمێ‌ وێ‌ یێ دهێتە چنین!! دەمێ‌ دگەهشتە هندەك رادەیان كو بەغدا هەر دانپێدان ب حوكمەتا هەرێمێ‌ نەدكر كو ل سەر دەمێ‌ حەیدەر ئەلعەبادی بوو، پشتگەرمێ‌ وەلاتێن مەزن یێن دەوروبەر بوو، مە دیت چەند هەرەشە و گەفێن نە یێن ئاسای دكرن، بەلێ‌ نێچیرڤان بارزانی ئەو هەمی پاریێن تەحل داعویران، ئەوی بەحر ب دەرزیكێ‌ كۆلا، و سەر و دەست نەداهێلان و بزاڤ و بزاڤ رۆژ بۆ رۆژێ‌ دكرن، هەتا شیایی بەرە بەرە حوكمەتا خوە و كەساتیا خوە بهێزتر بێخیت و هەموو بهانە ل هەمی لایەنان نەهێلان كو دەڤێ‌ وان بهێتە گرتن یێن حەفحەف دكرن، هەمی رێ ل بەر وان گرتن، هەمی هەولێن دوژمنێن كوردایەتێ‌ شكەستن خوار، هەتا كو ئەڤرۆ گەهشتیە وی رادەیێ‌ ئەم ئەڤرۆ دبینین، ب هەلبژارتنا وی وەكو سەرۆكێ‌ هەرێما كوردستانێ‌ و رێیێن رەوا یێن قانوونی و دستووری و ب پتریا دەنگان ل ناڤا پەرلەمانێ‌ هەلبژارتی ژ لایێ‌ گەلی كوردستانێ‌ ڤە، خودانێ‌ سەبرێ‌ بوو میرێ‌ مسرێ‌ ـ یانكۆ كوردستانێ‌، (مینا ب كولتوری دبێژین)، و ئەو گۆتنا دبێژیت (صەبڕ كلیلا فەرجێ‌ یە) ب دروستی جهێ‌ خوە گرت و هەكە ئەو پێگەهێ‌ ب هێز یێ‌ خەباتێ‌ و ئەو هەدارا كێشایی ب درێژیا ژیێ‌ خوە نە دگەهشتە ڤی پۆستێ‌ نها گەهشتیی، هەر نەخۆشیەكێ‌ خۆشیەك یا ل دووڤ دا هەیی، ب راستی ژی ئەم وەكو هەڤوەلاتی دكەیفخۆشین ب ڤێ‌ هەلبژارتنا دستووری، چونكو هەكە هات و نەهاتبا هەلبژارتن، بۆ مە كارەسات بوو و جهێ‌ دۆراندنێ‌ بوو!!. كا چاوا یوسفێ‌ كەنعانی ل مسرێ‌ ئەو هەمی نەخۆشی ب چاڤێن خوە دیتین، دووماهیێ‌ بوو میرێ‌ مسری، هەمان دیرۆك خوە دوبارە كر بەلێ‌ ڤێ‌ جارێ‌ ل هەرێما مە یا كوردستانێ‌...

© 2017 Hawler