تشرینی یەکەم 16, 2019

"عه‌ورێن ره‌ش نیشانا بارانه‌كا بهێز و تێر بریسی یه‌"

ئازاد جه‌هوه‌ر

 

هنارتنا كه‌شتیا ته‌ندروستی یا جه‌نگی یا (1000) ته‌ختی یا ده‌ریایی كوبو كه‌نداڤا عه‌ره‌بی زه‌نگا بهێز یا جه‌نگی یه‌ و ئێدی پێشبینی دبنه‌ كریار و دبیت د بچیك ترین شاشیێن هه‌ردوو وه‌لاتێن دژی هه‌ڤ (ئه‌مریكا و ئیران) جه‌نگ سه‌ری هه‌لبده‌ت، ژلایه‌كی دی ڤه‌ ئه‌ڤ كه‌شتیه‌ نیشانێن خراب بخوه‌ ڤه‌ دگریت و وێ واتایێ دگه‌هینیتن ده‌ما ئه‌م كورد دبێژن (عه‌ورێن ره‌ش نیشانا بارانه‌كا بهێز و تێر بریسی یه‌ ) ئه‌ڤ نه‌خوشخانه‌كا ده‌ریایی كو گه‌میه‌كا ئه‌مریكی یا زور پێشكه‌فتی یه‌ كو هه‌می به‌شێن ته‌ندروستی و چاره‌سه‌ركرنێ تێدایه‌، ئه‌گه‌ر ژبه‌ری نها ویلایه‌تێن ئێكگرتیێن ئه‌مریكا كه‌شتیێن جه‌نگی ره‌وانه‌ دكرن و دگوتن ئه‌ڤه‌ تنێ بو به‌رسڤدانا هه‌ر مه‌ترسیه‌كێ یه‌ كو بئێته‌ سه‌ر هێز و به‌رژه‌وه‌ندیێن مه‌، لێ هنارتنا گه‌میا ته‌ندروستی ئێدی نیشانه‌كا دی یا ئێكلایكه‌ر بو ده‌ڤه‌رێ و بتایبه‌ت بو ئیرانێ دگه‌هینیتن، هێدی هیدی ژ بلێ دونالد ترامپ سه‌روكێ ویلایه‌تێن ئێكگرتی یێن ئه‌مریكا، راوێشكارێ ئاساێشا نیشتیمانی و وه‌زیرێ به‌رگریێ ب وه‌كاله‌ت و سیناتورێن ئه‌مریكی ژی یێن بجدی باس ل بكار ئینانا هێزێ به‌رامبه‌ر ئیرانێ دكه‌ن و شاره‌زایێن سه‌ربازی و سیاسی ژی به‌رچاڤ دكه‌ن كو ئه‌مریكا ژ قوناغێن سه‌پاندنا سزایان بسه‌ر ئیرانێ هێدی هێدی ده‌رباز بویه‌ ئه‌و قوناغ دبوارێ بجهئینانێ دایه‌ و نها ئه‌مریكا قوناغ بو قوناغ به‌ره‌ف جه‌نگی ڤه‌ دچیتن، ژبه‌ركو پشتی گرتنا سه‌رچاوه‌یێن ئابوری ده‌مێ هنده‌ك كار و كریارێن دی دئێتن، راسته‌ ئه‌مریكا دبێژیت ده‌ست تێوه‌ردانێن ئیرانێ د روژهه‌لاتا ناڤه‌راست دا مه‌ترسیێن جدی نه‌، لێ هوكاره‌كێ دی ژی دبینم كو( ترامپ ) خوازیاره‌ ناڤێ وی ل میێژوویا جیهانێ دا بمینیتن ب ژ ناڤبرنا رژێما ئیرانێ و ده‌ستهه‌لاتا وێ، لێ پێخه‌مه‌ت ڤێ ئارمانجا سه‌ره‌كی یا ئه‌مریكا بو ژ ناڤبرنا ئیرانێ ب هه‌ر هوكاره‌ك بیتن ئه‌گه‌ر ده‌ست ب جه‌نگی هاته‌ كرن ده‌ڤه‌ر و وه‌لاتێن هه‌ژمونا ئیرانێ تێدا میناك (سوریا، لبنان، یه‌مه‌ن )و وه‌لاتێن جیران بتایبه‌ت عیراقا خودان حه‌شدا شه‌عبی یا ده‌ستكردێ سوپایێ پاسدارن و چه‌ند هێزین دی وه‌كو قه‌یس خه‌زعه‌لی دێ به‌رهنگاری ئه‌مریكا بن یان به‌روڤاژی ئه‌مریكا دێ به‌رهنگاری وان بیت، ژلایه‌كی دی ڤه‌ ئه‌م كورد به‌شه‌كن ژ عیراقێ و جیرانێ ئیرانێ نه‌ ئایا تا چ راده‌ دێ كاریگه‌رییا جه‌نگی لسه‌ر هه‌رێما كوردستانێ هه‌بیتن و پێتڤیه‌ هه‌رێم چ بكه‌تن و چاوا سه‌ره‌ده‌ریێ دگه‌ل كاودانان بكه‌تن و چاوا ده‌ڤه‌را خوه‌ ژ نه‌ئارامی و كه‌ربێن زلهێزان بپارێزیتن بێ گومانم كار د وێ به‌لانسا قورس دا هاتیه‌ كرن و یا باشتر ژی دێ ئێته‌ كرن نه‌خاسمه‌ ب هه‌ول و بزاڤێن مه‌رجه‌عێ كوردان سه‌روك بارزانی و سه‌روكێ هه‌رێمێ یێ نوی و سه‌روك وه‌زیرێن تازه‌ . 

© 2017 Hawler