تشرینی یەکەم 24, 2020

وەیسی سەعید وەیسی

 

وەك زەروورەتێكی مێژوویی 65 ساڵ بەر لە ئێستا بە حیكمەت و بریاری بارزانی نەمر یەكێتی قوتابیانی كوردستان دامەزرا كە ئەمەش هەنگاوێكی گرنگ و مێژوویی بوو لە بزوتنەوەی رزگاریخوازی گەلی كوردستان تا بەسوود وەرگرتن لە فەلسەفە و پەیامی رێبازی بارزانی نەمر سەرپەرشتی كاروباری قوتابیان بكات كە لەم بوارەشدا جێی پەنجەیان دیار بووە، پۆلێك كادیر و سەركردەی لێهاتوویان پێگەیاندووە كە شانبەشانی تێكۆشەرانی تر لە مەیدانی خەبات و تێكۆشاندا بوونیان هەبووە كە لەبەر ئەم كاریگەریەش بوو بەسەرەڕم پێناسەكراون و رێكخراوەكە بوویتە قوتابخانەی پێگەیاندنی نیشتمانپەروەران كە لەمیانەی وتارێكی دا سەرۆك مسعود بارزانی ئاماژەی بەو ڕاستییەدا كە زۆربەری سەركردە لێهاتووەكان لە یەكێتی قوتابیان و لاوان پێگەیشتوون بە دڵنیایەوە ئەمەشیان مایەی شانازیەكی كەم وێنەیە كە بگاتە ئەو ئاستەیی سەرۆك شاهیدیان بۆ بدات وە نەبێت ئەم رۆڵەیە تەنها لە زەمەنێكدا بووبێت، بەڵكو پێویستە لە هەموو قۆناغەكاندا لەسەر پەروەردەكردنی نەوە لە دوای نەوە بە هەستێكی پاكی نیشتمانی بەردەوام بێت و پێشكەشی كوردستانیان بكات .
بەو پێیەی بەندەش شەڕەفمەند بووە لەسەرەتای كاركردنمدا لەم كاروانەی پر لە سەروەر و شانازییەدا كارم كردووە مافی ئەوەشم هەیە گلەیی و نیگەرانی خۆم بخەمەڕوو كە هەست بەهەمان رۆڵ و كاریگەری جارانی ئەم رێكخراوەیە ناكرێت ئەمەش مایەی سەرنج و تێرامانە، بەڵكو دەخوازین لەگەڵ یاد كردنەوەی ساڵیادی 18ی شوبات دا رێبوارانی ئەم كاروانە بە هەست كردن بە بەرپرسیاریەتییەوە مامەڵە بكەن و مێژووی پر لە سەروەری یەكێتی قوتابیان لە یاد نەكەن بەهەمان گڕوتینی جاران لە مەیدانی كاركرندا بەردەوام بن و درێژە بەهەمان رێباز و پەیامی رەسەنی كوردایەتی بدەن تا وەك هەمیشە هەر بە قوتابخانەی پێگەیاندنی نیشتمانپەروەران بمێنێتەوە بۆ زیاتر داكۆكی كردن لە ماف و داخوازی قوتابیان و هێنانەدی ئامانجە گەورەكە كە خۆی دەبینێتەوە لە سەربەخۆی و هێنانەدی دەوڵەتی كوردستان كە ئەمرۆ بێت یا سبەی هەر دێتە دی كە تەنها بەمەش گیانی بەرزە فڕی شەهیدان ئاسوودە دەبێت .
پیرۆز بێت یادی 18ی شوبات ساڵیادی دامەزرانی هەردوو ڕێخكراوی قوتابیان و لاوان".

© 2017 Hawler