تشرینی یەکەم 24, 2020

ڕابەر محموود

 

تا دێت وێستگەی سەردانە دیبلۆماسیەکانی کورد فراوتر دەبێت و کوردستانیش بە سیاسەتی حەکیمانەی سەرکردایەتیەکەی توانی سەرکەوێت بەسەر بەشی هەرە زۆری گرفت و ئاریشەکان و ئەوانەی تا دوێنێ هەوڵیان دەدا بە ئابلوقە و خاک فڕۆشی، کوردستان نزیکی ئاقاری نەهامەتیەکان بکەن ئەمڕۆ بەدیار سەرکەوتنە یەک لەدوای یەکەکانی ئاستی دیبلۆماسی و پشتیوانی نێودەوڵەتی بۆ کوردستانێکی بەهێز دۆش داماون، بێ گومان ڕوداوەکان زۆر لەوە خێراترن کەبتوانین فریای نوسینەوە و شڕۆڤەکردنیان بکەوین، لە ماوەی چەند مانگێکی کەمدا دەیان سەردان لە ئاستی جیهانی و دیدار و چاوپێکەوتنی نێچیرڤان بارزانی گەواهیدەری سەرکەوتنی پەیوەندیە دیبلۆماسیەکانی کورستانە بە ئامانجی شکاندنی ئابلوقە و فشارە ناڕەواکانی بەغدا و دەست و پێوەندەکانی لە هەرێمی کوردستان، کە دواجار بە سەردانی وەزیری بەرگری ئەڵمانیا و وەزیری دەرەوەی فەڕەنسا گۆڕ بۆ کەلاکی ئەو ئابلوقانە هەڵکەنرا کە دەمێک بوو حیکمەتی سەرۆک وەزیران لەناوی بردبوون، مایەی خۆشبەختی کورد و خەڵکی باشوری کوردستانە کە خاوەنداری دۆزی کوردستان لە لایەن ستافێکەوە دەکرێت کە توانای خۆ گونجاندنیان هەیە لەگەڵ بارودۆخەکان و هیچ کاتێک و لە هیچ بارودۆخێکدا شان لەژێر بەرپرسیارەتی دەرناهێنن و ڕێگەنادەن ئەجێندای دەرەکی پوش بڵاو بکەنەوە و ئاگر لە پاوان بەربدەن، پاراستنی ئاسایش و ئارامی هەرێمی کوردستان ناحەزانی تیر بارانی غەزەب کردووە و ڕۆژانە هەوڵەکانیان بە مایە پوچی دەبینن و بە پێچەوانەوە سەرکەوتنی حکومەت و دەزگا و دامەزراوە ئەمنیەکان جیهانی سەرسام کردووە بەتایبەت کە کورستان کەوتۆتە ناوچەی جەنگی شاراوەی جیهانی سێیەم، بۆیە داوەتی فەرمی شاندی باڵای هەرێم لەلایەن دەستەی ئامادەکاری کۆنفرانسی ئاسایشی میونخ و وڵاتی ئەڵمانیا و ئامادە بوونی نێچیرڤان بارزانی و مەسرور بارزانی دەرخەری ئەو حەقیقەتەیە کە بەلای جیهانەوە کورستانێکی بەهێز و ئارامی ناوچەکە تەنها شایەنی پاراستن و بەبەهێزی مانەوەی نییە بەڵکو شایەنی ئەوەیە دەوڵەتان جیهانی و بەتایبەت ئەندامانی ناتۆ بۆ ئاسایشی ناوخۆیان سەیری ئەزمونی کورستان بکەن، بەجۆرێک جیهان گەرەکیەتی بزانێ کە چۆن کوردەکان توانیویانە بەهەشتێک لە جەهەننەمی ڕۆژهەڵاتی ناوەڕاست بخولقێنن.

© 2017 Hawler