ئاب 19, 2019

شێرزاد نایف

گەلەك نێرینێن دیرۆكناسان تەكەز دكەن بۆچوونا نەژادێ‌ هەردو تائیفان كوردی و ئەرمەنی كو دئارینە ئێك، توخم بووینە بەلێ‌ ئێكێ‌ رێیا ئیسلامێ‌ گرت و یا دن ژی مانە سەر دینێ‌ مەسیحیەتێ‌، هەردوو هاتنە بۆهژاندن د بۆتەقەیا داگیركاریێ‌ ڤە و ب تایبەت ژی ل سەر دەمێ‌ ئوسمانی و پشتی پەیمانا سیڤەر، هەلبەت ژ بەر مەترسیا هەردویان توركیا و حەتا نها ژی جۆرەكێ‌ فۆبیایێ‌ ژێ‌ گرتیە، دانپێدانێ‌ ناكەت ب وان كوشتارێن ب سەرێ‌ ئەرمەنان ئیناین و كورد كرینە توركێن چیایان، ئەڤێ‌ مەترسیێ‌ و ب پشتبەستنا دو فاكتەرێن ب هێز هەردو نەتەوە هێلان تەپەسەر و سەر كوتگرن، ب گەلەك رەنگان، ئێك، ب بەهانا ئیسلامێ‌ و گاوركرنا ئەرمەنان و هەر وەسا ب پشتەڤانیكرنا وەلاتێن هەڤسوی توركیا كو هەردویان ئێك جۆرێ‌ فۆبیایێ‌ هەبووینە، رابوون خواستن ب هەموو رێیان ڤان هەردو پێكهاتان بهۆژینن، ئێك ژ وان هەولان ژی ئەوبوو چاندنا كەربوكینێ‌ د ناڤبەرا هەردویان دا، ئەو ژی كرینا بێبەختیێ‌ و خیانەتێ‌ ژ چەندین توخمێن كورد یێن خوەفرۆش، وەكو چەتەیێن وان، كوك وردان ب ئەرمەنان را بەردەن، سیاسەتا ب سلامەتە بۆ وان!!. ئەڤ گومانە هەتا ئەڤرۆ چریسكەكا بچووك مابوو، بەلێ‌ ئەڤرۆ و پشتی دەستێ‌ كوردی و نیازا راست و دروست یا دەروونا تاكێ‌ كورد دیاربوو، پشتی كو ژ بن سیهوانا داگیركاریێ‌ قورتال بووی حەتا رادەكێ‌ باش، بۆ هەمیان دیاربوو كو ئەڤە ئەردێ‌ پێكڤەژیانێ‌ و هەڤدو قەبوولكرنێ‌ یە، كورد و ئەرمەن ئێك نەژادن و ئەڤرۆ حوكمەتا هەرێما كوردستانێ‌ پشتی ماندیبوونەكا دوورو درێژ شیا مەرەما دەلێ‌ خوە بۆ برایێ‌ خوە یێ‌ ئەرمەن بجهبینیت و مەزنترین دێر بۆ وان بهێتە ئاڤاكرن ل هەولێرا پایتەخەت، ب گۆژێ‌ دو ملیار دیناران، كەسێ‌ سەرۆكێ‌ وەزیران ب خوە نێچیرڤان بارزانی ل سەر راوەستیا و گرنگیەكا ئێكجار دایە ڤی بابەتی، ئەڤە ژی بەردەوامیپێدانا سامانێ‌ بابوباپیرانە دەمێ‌ د هانا ئەندرانیكی چووین، پاشایێ‌ ئەرمەنان و بگەهیننە كنارێ‌ ئارام و بكەڤنە ریسكەكا كوژەك، ب خوین و تێكۆشانان و فیداكاریێ‌ خواستی دەستێ‌ كوردی بدەتە بەر دەردەسەریێن برایێن خوە یێن ئەرمەن، مستەفا بارزانی بابێ‌ نەتەوا كورد یێ‌ نەمر دبێژیت كو ئەوان ل دەمێ‌ چووینە سنۆرێ‌ كوردستانا توركیا بهانەیا هندێ‌ خواستن بگەهنە ئەرمەنان ـ وەكو پلانا شەر ـ شەر خدعەیە !!، كو ئەم موسلمانین دێ‌ چینە شەرێ‌ كافران، داتورك رازی ببن ئەو هێز دەرباز ببن، و ژنوی ئەندرانیك پاشا یێ‌ ئەرمەنان و دەربازی سووریێ‌ بكەن و ژ مرنەكا مسۆگەر قورتال بكەن، ل دووماهیێ‌ ئەو پلانا وان بسەركەڤت و شیان شاهێ‌ ئەرمەنان قورتال بكەن، و ژنوی لەشكرێ‌ توركیا هێرشی هێزا بارزانیان كرن پشتی ب سەر وێ‌ پلانێ‌ هەلبووین، بارزانی ب رێیا زاخۆ زڤرینە ڤە ئەردێ‌ كوردستانا عیراقێ‌ پشتی بەرگریەكا دژوار ل بەرامبەر لەشكرێ‌ توركیا و بریندار و شەهیدەك پێشكێش كرن. ئەڤجا دڤێت دیرۆكا راست بهێتە دیاركرن و ئەو تۆزا ب سەردانایی دوژمنان، دڤێت بهێتە راكرن هەكە نە ب تنێ‌ ب نڤیسین و گۆتن بیت، ئەڤە نێچیرڤان بارزانی ب كریار سەلماند و پیگەهەكێ‌ خورت بۆ برایێن ئەرمەن ل هەولێرا پایتەخت دانا و هێشتا ژی ئەڤ گرۆڤە یێن مایین، و ئەو دەردەسەریێن كوردان دیتین نە ددوورن ژ یێن ئەرمەنێن بێگونەه دیتین ژ دەستێ‌ هەمان دوژمنان و هەمان دۆزێن رەوا..

© 2017 Hawler