تەمموز 11, 2020

وه‌زیری دارایی عێراق داوایه‌ك ئاراسته‌ی فه‌رمانبه‌ران ده‌كات

عه‌لی عه‌لاوی،وه‌زیری دارایی عێراق له‌باره‌ی ده‌نگۆی ئه‌وه‌ی عێراق داوای 3 ملیار دۆلار قه‌رزی له‌ سعوودیه‌ كردووه‌ بۆ رۆژنامه‌ی شه‌رقولئه‌وسه‌ت گوتی: عێراق داوای قه‌رزی له‌سعوودیه‌ نه‌كردووه‌ و ته‌نها باسمان له‌ قه‌باره‌ی ‌ئه‌و پرۆژانه‌ كردووه‌ كه‌ سعوودیه‌ ده‌توانێ له‌عێراق ئه‌نجامی بدات.

هه‌روه‌ها گوتی: داوا له‌ گه‌لی عێراق و به‌تایبه‌تی ئه‌و فه‌رمانبه‌رانه‌ ده‌كه‌ین كه‌ مووچه‌كانیان زۆره‌ ، ئه‌و قوربانییه‌ له‌پێناو هاوسه‌نگی و ئاوه‌دانكردنه‌وه‌ی عێراق قبووڵ بكه‌ن.

شایانی باسه‌ وا بڕیاره‌ حكومه‌تی عێراق مانگی داهاتوو سیسته‌می پاشه‌كه‌وتی مووچه‌ جێبه‌جێ ده‌كات .

 

© 2017 Hawler