تشرینی یەکەم 21, 2020

ئه‌مرۆ زۆرترین ژماره‌ی تووشبوون به‌ كۆرۆنا له‌ عێراق تۆماركرا

وه‌زاره‌تی ته‌ندروستی عێراق ئاماری 24 كاتژمێری رابردووی تووشبوون، مردن و چاكبوونه‌وه‌ی كۆرۆنای له‌ سه‌رانسه‌ری وڵات به‌ پارێزگاكانی هه‌رێمی كوردستانیشه‌وه‌ راگه‌یاند.

به‌گوێره‌ی راگه‌یه‌ندراوه‌كه‌ی وه‌زاره‌تی ته‌ندروستی عێراق، له‌ ماوه‌ی 24 كاتژمێری رابردوودا پشكنینی پزیشكی بۆ 3 هه‌زار و 520 گومانلێكراو ئه‌نجامدراوه‌ و تووشبوونی 150 كه‌سی دیكه‌ به‌ په‌تاكه‌ به‌م شێوه‌یه‌ی خواره‌وه‌ پشتڕاست كرایه‌وه‌:

به‌غدا/ روسافه‌: 45 حاڵه‌ت

به‌غدا/ كه‌رخ: 45 حاڵه‌ت

به‌غدا/ شاری پزیشكی: 30 حاڵه‌ت

به‌سره‌: 7 حاڵه‌ت

نه‌جه‌ف: 3 حاڵه‌ت

واست: 3 حاڵه‌ت

كه‌ربه‌لا: 2 حاڵه‌ت

موسه‌ننا: 3 حاڵه‌ت

دیاله‌: 2 حاڵه‌ت

نه‌ینه‌وا: 1 حاڵه‌ت

سلێمانی: 9 حاڵه‌ت

دیاله‌: 5 حاڵه‌ت

سه‌ڵاحه‌دین: 2 حاڵه‌ت

وه‌ك له‌ راگه‌یه‌ندراوه‌كه‌دا هاتووه‌، له‌ ماوه‌ی شه‌و و رۆژێكدا 4 كه‌س له‌ به‌غدا به‌هۆی په‌تاكه‌ گیانیان له‌ده‌ستداوه‌، یه‌كیكیان له‌ له‌ ناوچه‌ی روسافه‌ و یه‌كیكیان له‌ ناوچه‌ی كه‌رخ و دووانیش له‌ ناوچه‌ی شاری پزیشكیی، له‌كاتێكدا 92 حاڵه‌تی چاكبوونه‌وه‌ له‌ ڤایرۆسه‌كه‌ راگه‌یه‌ندرا، وه‌ك ئه‌مه‌ی خواره‌وه‌:

به‌غدا/ روسافه‌: 48 حاڵه‌ت

به‌غدا/ كه‌رخ: 19 حاڵه‌ت

به‌غدا/ شاری پزیشكی: 4 حاڵه‌ت

به‌سره‌: 20 حاڵه‌ت

سه‌ڵاحه‌دین: 1 حاڵه‌ت

 

تا ئێستا كۆی ئه‌وانه‌ی له‌ سه‌رانسه‌ری عێراق تووشی په‌تاكه‌ بوونه‌ ژماره‌یان گه‌یشته‌ 3 هه‌زار و 554 حاڵه‌ت، له‌و ژماره‌یه‌ش 127 كه‌س به‌هۆی ڤایرۆسه‌كه‌وه‌ گیانیان له‌ده‌ستداوه‌ و 2 هه‌زار و 310 كه‌سیش به‌ ته‌واوی چاك بوونه‌ته‌وه و هه‌زار و 117 كه‌سیش هێشتا له‌ نه‌خۆشخانه‌كان ماونه‌ته‌وه‌‌.

© 2017 Hawler