نیسان 21, 2019

كۆمەڵەی پەیوەندییە گشتییەكانی كوردستان ستافی نوێی خۆی هەڵبژارد

بە ئامادەبوونی ئەندامانی دەستەی گشتی كۆمەڵە و نوێنەرانی بەڕیوەبەرایەتیی كۆمەڵەكانی پارێزگای هەولێر، كۆمەڵەی پەیوەندییە گشتییەكانی كوردستان، كۆنگرەی دووەمی خۆی بەست و لە كۆنگرەكەدا ستافی نوێ دەستەی كارگێڕی هەڵبژێردران.

لە سەرەتای مەڕاسیمەكەدا، ڕەسوڵ ساڵح خۆشناو، سەرۆكی كۆمەڵە باسی ڕوئیای كۆمەڵە بۆ پەیوەندییە گشتییەكان و هۆكاری پێویستبوونی لە هەرێمی كوردستان كرد و دواتر باسی لە كاروچالاكییەكانی كۆمەڵەی لە خولی رابردوو كرد و دواتر دەرگای خۆپالاوتن كرایەوە و بە كۆی دەنگ ستافی نوێ كۆمەڵە هاڵبژێردران كە لەم بەڕێزانەی خواەوە پێكدێن: ١. ڕەسوڵ ساڵح ڕەسوڵ ٢. ئەحمد ساڵح عەزیز ٣. هەوار عیسا ئەسعەد ٤. هێمن عەلی عەزیز ٥. شوان مەحمود قادر ٦.خەسرۆ ئیسماعیل شاكر ٧. هەوراز محەمەد شوكر.
لەوبارەیەوە ڕەسوڵ ساڵح سەرۆكی نوێی كۆمەڵەی پەیوەندییە گشتییەكان، ڕایگەیاند: ئێمە ڕەخنەمان لە كاری بەڕێوەبەرایەتییەكانی ڕاگەیاندن و پەیوەندییەكان هەیە و دەخوازین بە سیستەمێكی نوێ كاربكەن و ئەویش پەیوەندییە گشتییەكانە. بۆیە ئامانجمان لە دامەزراندنی ئەم كۆمەڵەیە، پێشخستنی هەردوو بواری ڕاگەیاندن و پەیوەندییەكان و ماركێتینگە لە هەرێمی كوردستان و هیوادارین بە هاوكاری ئەندامانی كابینەی نوێ حكومەت و پارلەمانتاران، یاسای تایبەت بەو بوارانە دەربكەین و زیاتر پەرەی پێبدەین و لە پلانماندا هەیە بۆ ئەم مەبەستە چەندین چالاكیی جۆراوجۆر ئەنجام بدەین.

 

سامی کاکه‌ - هه‌‌ولێر

© 2017 Hawler