نیسان 06, 2020

له‌ هه‌ولێر تاوانه‌كانی دژ به‌ژنان كه‌م بۆته‌وه‌

بەڕێوەبەرایەتی بەرەنگاربوونەوەی توندوتیژی دژی ئافرەتانی هەولێر ڕای ده‌گه‌یه‌نێ، ئه‌مساڵ به‌به‌راوردی پار تاوانه‌كانی توندوتیژی دژی ژنان له‌هه‌ولێر كه‌می كردووه‌و ڕێژه‌ی سكاڵاكان زیاد بوون.

٢٨ی تشرینی دووه‌م، موقەدەم فەرمان محەمەد بەڕێوەبەری توندوتیژی دژی ئافرەتانی هەولێر لە كۆنگره‌یه‌كی ڕۆژنامەوانیدا، ئاماری توندوتیژی دژ به‌ژنانی ساڵی ٢٠١٨ی لە شارەکە بڵاوکردەوە و ڕای گه‌یاند، ئه‌مساڵ ٧٧١ حاڵەتی ئەشکەنجە و ١٣ داره‌تی کوشتن و ١٤ ڕووداوی خۆکوشتن و ٤٤ حاڵەتی خۆسووتاندن و ٣١ داره‌تی سوتان. هه‌بووه‌.
ئه‌و به‌ڕێوه‌به‌ره‌ی توندوتیژی دژی ئافرەتانی هەولێر ئاماژه‌ی بۆ ئه‌وه‌ش كرد، هه‌ر له‌ساڵی ٢٠١٨ ه‌دا، سێ هەزار و ١٧ سکاڵا تۆمارکراون و ٧٤٠ داره‌تی سوکایەتی و جنێویش هەبووە.
ئه‌و ژماره‌یه‌ش به‌پێی داكان له‌پار كه‌مترن و بەرێوەبەری بەڕێوەبەرایەتی بەرەنگاربوونەوەی توندوتیژی دژی ئافرەتانی هەولێر ڕای گەیاند، بەبەراورد بەساڵی ڕابردوو تاوانەکان کەمتربوونەتەوە، به‌ڵام سکاڵاکان ڕێژەیان زیاتربووە، كه‌نیشانه‌ی هۆشیاری زیاتره‌. كه‌پار ٢٠ ڕووداوی کوشتن و ٢٥ داره‌تی خۆكوشتن هه‌بوو. هه‌ر له‌و ساڵه‌شدا سێ هەزار سکاڵا لای ئه‌وان تۆمار كراوه‌.
موقەدەم فەرمان ئاماژه‌بۆ ئه‌وه‌ده‌كات، له‌مساڵدا ٢٨٧ داخلكردن لە شەڵتەرەكان هه‌بووه‌و ٢٠٨ داره‌تیش كێشەكه‌یان چارەسەر كراوە. له‌ لێكه‌وته‌ی ڕووداوه‌كان، ٣٩٨ تاوانبار راگیراون و دوو هەزار و ٩٢ تاوانباریش فەرمانی دەستگیرکردنیان هەیە.
بڵاوكردنه‌وه‌ی ئامارەكانی توندوتیژی دژی ژنان لە كاتێكدایە، ساڵانه‌ڕۆژی ٢٥ ی تشرینی دووه‌م وه‌ك ڕۆژی به‌ره‌نگاربوونه‌وه‌ی توندوتیژی دژی ژنان دیاری كراوه‌و به‌و مه‌به‌سته‌ش، ئه‌مساڵ له‌هه‌رێمی كوردستان هەڵمەتێكی 16 ڕۆژی ڕاگەیەنراوە.

 

© 2017 Hawler