نیسان 03, 2020

نێزیك، دابەشكرنا گازا سپی ل پارێزگەها دهوك دەسپێدكەت

پشتی بەردەوام بوون ل سەر دابەشكرنا گازا سپی ل سەر دەڤەر و گوندێن ب سەر سنوورێ پارێزگەها دهوكێ ڤە د مایێ دوو مەهان دا، ل دەسپێكا مەها 12 ئەو پروسە ل وان دەڤەراندێ ب دویماهیك هێت.

موحسن تەها رێڤەبەرێ سوتەمەنییان ل پارێزگەها دهوكێ ژ لایێ خۆڤە قوناغێن دابەشكرنا گازا سپی ل سەر هاولاتییان دیاردكەت و دبێژیت: پلان ژلایێ پارێزگەرێ دهوكێ فەرهاد ئەتروشی ب هەماهەنگی دگەل ئەندامێن لیژنا سوتەمەنییان ل پارێزگەها دهوك هاتە دانان كو پرۆسا دابەشكرنا گازا سپی قوناغ قوناغ سەر هاولاتییان بهێتە دابەشكرن. ل قوناغا ئێكێ ل سنوورێن قەزان و ناحی و گوندان بیتچونكە ب دەڤەرێن چیایی و هەروەساسارتر دهێنە هژمارتن، دا كو هاولاتی ژ مەترسییا داربرینێ ب پارێزین و كارتێكرن ل ژینگەهی نەهێتە كرن. و دیسان پشتی ب دویماهیك ئینانا ڤێ پروسێ ل قوناغا دۆیێئەڤ پروسە بهێتە ڤەگوهاستن بو سەنتەرێن قەزایێن پارێزگەها دهوك ل دویف گازا سپی یا بەردەست.
ل دەڤەر و ناحیێن سەر سنوورێن قەزان ل پارێزگەها دهوكێ پرووسا دابەشكرنا گازا سپی ب دوماهیك هاتینە ژ وانا، ل سنوورێ قەزا زاخۆ ناحییا رزگاری و باتیفا و دەركارێ، و ل سنوورێ قەزا دهوك ل ناجییا مانگیشكێ و زاویتە، هەروەسا ل سنوورێ قەزا ئاكرێ ل ناحییا دینارتێ و بژێرێ و چەندین گوندێن دەورو بەران، ل سنوورێ قەزا بەردەرەش ل ناحییا كەلەك و رۆڤییا، بەلێ ل سەنتەر و سنوورێ قەزا ئامێدیێ گازا سپی هاتییە دابەشكرن ل هەمی ناحی و كومەلگەهێن ب سەر ڤە.و دیسان دەڤەرا شێخان و ئەتروشێ و باعەدرێ پروسە ب دوماهیك هاتییە ب تنێ ل دەڤەرا قەسروكێ تا نها بەردەوامە بەلێ ل چەند روژێن بهێت دێ ب دوماهیك هیت.
و موحسن تەها ژلایێ خۆڤە دیاردكەت كو هیڤییا وی ئەوە پروسا دابەشكرنێ 100% ل هەمی دەڤەرێن چییایی بهێتە دویماهیك ئینان داكو پێداچونەك ژلایێ وان ڤە بهێتە كرن ل دوور گازا سپی یا بەردەست داكو ئەو پرۆسە بهێتە ڤەگوهاستن بۆ سەنتەرێن هەر سێ قەزان زاخۆ و دهوك وئاكرێ.
و دووپات ژی دكەت كو بهایێ بەرمیلێ گازا سپی بلند نابیت دێ وەكی خۆ مینیت وەك بها هەتا پرۆسا دابەشكرنێ ب دویماهیك بهێت ل هەمی پارێزگەها دهوك و دەوروبەران، ئانكو بهایێ بەرمیلی ل دەڤەرێن دن چەند بوویەدێ ب وی بهای ل دهوك و زاخۆ و ئاكرێ هێتە دابەشكرن.
بهایێ بەرمیلێ نەفتێ هەتا دگەهیتە بەردەستێ هاولاتی ب 40000 دینارانە كو 200 لیترە، و 3000 دینار ژ هاولاتی دهێتە وەلگرتن بهایێ هاتنا ترومبێلا گازێ و 2000 دینار ژی بهایێ كوپونێ یە چونكە ل سنوورێ پارێزگەها دهوكێ ب سیستەمێ كوپون گاز دهێتە دابەش كرن نەك ب سیستەمێ كارتێ (بتاقە ارزاق) لەوما بهایێ دیماهیێ ژبو هەر برمیلەكێ دبیتە 45000.

© 2017 Hawler