تشرینی دووەم 16, 2018

عادل عه‌بدولمه‌هدی: چاره‌سه‌رێكی گونجاو بۆ مادده‌ی 140ی ده‌ستووری عێراق و به‌شه‌ بودجه‌ی هه‌رێم به‌ شێوه‌یه‌كی عادیلانه‌ پێویسته‌

به‌پێی هه‌واڵی میدیا عێراقییه‌كان، عادل عه‌بدولمه‌هدی سه‌رۆك وه‌زیرانی عێراق له‌ لێدوانێكی رۆژنامه‌وانیدا سه‌باره‌ت به‌ مادده‌ی 140 و به‌شه‌ بودجه‌ی هه‌رێمی كوردستان رایگه‌یاند: گه‌یشتن به‌ چاره‌سه‌رێكی گونجاو بۆ مادده‌ی 140ی ده‌ستووری عێراق و به‌شه‌ بودجه‌ی هه‌رێمی كوردستان به‌ شێوه‌یه‌كی عادیلانه‌ پێویسته‌.
عادل عه‌بدولمه‌هدی له‌ وه‌ڵامی پرسیارێكدا كه‌ باس له‌ مادده‌ی 140 و به‌شه‌ بودجه‌ی هه‌رێمی كوردستان وتی: گه‌یشتن به‌ چاره‌سه‌رێكی به‌ ئینساف و گونجاو بۆ هه‌موو لایه‌نه‌كان گرنگه‌ و بۆ ئه‌و مه‌به‌سته‌ش لێژنه‌یه‌ك دروست ده‌كه‌ین، هه‌روه‌ها ئه‌نجوومه‌نی وه‌زیران و ئه‌نجوومه‌نی نوینه‌ران لایه‌نی په‌یوه‌ندیدار ئه‌و پرسه‌ تاوتوێ ده‌كه‌ن و لێژنه‌كه‌ش بۆ پرسی به‌شه‌ بودجه‌ی هه‌رێمی كوردستان له‌گه‌ڵ ئه‌نجومه‌نی نوینه‌ران له‌سه‌ر ئه‌و پرسه‌ گفتوگۆ ده‌كات.
عه‌بدولمه‌هدی ئاماژه‌ی به‌وه‌شدا كه‌ گه‌یشتن به‌ چاره‌سه‌رێكی گونجاو دڵی هه‌موو پێكهاته‌كانی عێراق رازی بكات و نه‌گه‌یشتن به‌ چاره‌سه‌رێك بۆ مادده‌ی 140 ده‌بێته‌ هۆی دروست بوونی كیشه‌ و پێكدادان، ئه‌مه‌ش بۆ هیچ لایه‌ن و پێكهاته‌كانی عێراق باش نییه‌ و ده‌بێت كارێك بكرێت كه‌س مافی پێشێڵ نه‌كرێت كه‌سیش وا هه‌ست نه‌كات غه‌دری لێكراوه‌ هه‌موو هاووڵاتیانی عێراق بگه‌نه‌ مافی ره‌وای خۆیان به‌شێوه‌یه‌كی یه‌كسان.
دەزگای سەتەلایتی کوردستان

دوا ژمارە

  • رۆژنامه‌كان
    ت دووەم 15 2018
  • رۆژنامه‌كان
    ت دووەم 14 2018
  • رۆژنامه‌كان
    ت دووەم 13 2018
  • رۆژنامه‌كان
    ت دووەم 12 2018
  • رۆژنامه‌كان
    ت دووەم 11 2018
  • رۆژنامه‌كان
    ت دووەم 08 2018
  • رۆژنامه‌كان
    ت دووەم 07 2018
  • 1
  • 2
  • 3
  • 4
  • 5
  • 6
  • 7
© 2017 Hawler