تشرینی یەکەم 16, 2019

حەیدەر شەشۆ: دۆخی شنگال رۆژ بۆ رۆژ خراپتر دەبێت

فەرماندەی هێزی پاراستنی ئێزیدخان دیاركرد، دۆخی شنگال رۆژ لە دوای رۆژ بەرەو خراپی دەڕوات و هیچ گۆڕانكاریەكی نوێ نیە، حەشدی شەعبی و سوپای عێراق لە شنگال و شوێنەكانی دیكە بوونیان هەیە، خەڵك داوا دەكات هێزە نایاساییەكان لەناوچەكە بچنە دەرەوە بۆ ئەوەی ڕێگاكان بكرێنەوە و ئەو خەڵكەی ئاوارە بووە بگەڕێنەوە سەر ماڵ و حاڵی خۆیان، بۆ ئەوەی دۆخی ناوچەكە ئاسایی ببێتەوە.

حەیدەر شەشۆ، فەرماندەی هێزی پاراستنی ئێزیدخان بە "هەولێر"ـی گوت: دۆخی شنگال رۆژ لەدوای رۆژ بەرەو خراپی دەڕوات و هیچ گۆڕانكاریەكی نوێ نیە، كە ڕەوشی خەڵكی ناوچەكە خۆش بێت، بۆیە ڕەوشی ناوچەكە زۆر زۆر خراپە، حەشدی شەعبی و سوپای عێراق لە شنگال و شوێنەكانی دیكە هەن، ئەوەش وای كردووە كە دەستی یارمەتی بۆ ئەو ناوچانە درێژ نەكرێت و ئاوەدان نەكرێنەوە.
ڕوونیشیكردەوە، خەڵكی ناوچەكە بەردەوام لە مەترسیدان، تا ئێستا ناوچەكە بەتەواوەتی پاك نەكراوەتەوە، تا ئێستا لە چەندین ناوچە بۆمبی چێنراو هەن، رۆژانە خەڵكی ناوچەكە دەبنە قوربانی، لەگەڵ ئەوەی خەڵك داوا دەكات هێزە نایاساییەكان لەناوچەكە بچنە دەرەوە بۆ ئەوەی ڕێگاكان بكرێنەوە و ئەو خەڵكەی كە ئاوارە بووە بگەڕێنەوە سەر ماڵ و حاڵی خۆیان، بۆ ئەوەی دۆخی ناوچەكە ئاسایی ببێتەوە".

© 2017 Hawler