تەمموز 10, 2020

112 تووشبووی کۆرۆنا لە هەولێر چاکبوونەوە

د. دلۆڤان محەمەد فاتح جەلال، بەڕێوەبەری گشتی تەندروستی هەولێر بڵاویکردەوە، 112 نەخۆشی تووشبوو بە ڤایرۆسی کۆرۆنا COVID – 19 دوای وەرگرتنی چارەسەری پزیشکی بەتەواوی چاکبوونەوە و باری تەندروستییان تەواو جێگیر بۆتەوە، پشکنینی تایبەتی یەکیان لەدوای یەکییان بۆ کرایەوە کە نێگەتیڤ بوو و بڕیاردرا بنێردرێنەوە ماڵەوە.

ئاماژە بەوەشکرد، کۆی گشتی ئەو کەسانەی چاکبوونەتەوە لە هەولێر گەیشتە 828 کەس.

داواش لە هاووڵاتیان دەکات، پابەندی رێنماییەکان ببن و خۆیان زیاتر بپارێزن.

لە هەولێر بەهۆی تەشەنەسەندنی ڤایرۆسەکە، قەدەغەی هاتووچۆ راگەیەندراوە و تەنها رێگا بەو کەسانە دەدرێت هاتووچۆ بکەن کە مۆڵەتیان پێدراوە.

© 2017 Hawler