کانونی یەکەم 06, 2019

پرسە و سەرەخۆشی کەسایەتیی و لایەنە سیــاسییەکان بۆ نێچیرڤان بارزانی بەبۆنەی کۆچی دوایی دلۆڤان بارزانییەوە

مه‌حموود عه‌باس سه‌ره‌خۆشی له‌ نێچیرڤان بارزانی ده‌كات
به‌ڕێز مه‌حموود عه‌باس، سه‌رۆكی ده‌وڵه‌تی فه‌له‌ستین ـ سه‌رۆكی كۆمیته‌ی جێبه‌جێكاری ڕێكخراوی ڕزگاریخوازی فه‌له‌ستینی، له‌ په‌یامێكدا بۆ كۆچی دواییی خوالێخۆشبوو دلۆڤان ئیدریس بارزانی ـی برایان، پرسه‌ و سه‌ره‌خۆشی له‌ به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان كرد، ئه‌مه‌ ده‌قه‌كه‌یه‌تی:
جەنابی برامان نێچیرڤان بارزانی، خودا بتانپارێزێت
سەرۆكی حكوومەتی هەرێمی كوردستان
به‌ ناوی خوای مه‌زن و دلۆڤان
گەرمترین پرسە و سەرەخۆشیی برایانەمان ئاراستەی جەنابتان و لە ڕێی جه‌نابیشتانه‌وه‌ ئاراستەی خانه‌واده‌ جوامێرەكەتان دەكەین بەبۆنەی كۆچی دواییی خوالێخۆشبوو دلۆڤان ئیدریس بارزانی ـی براتانەوە. لە خودای گەورە داواكارین بیخاتە بەر دلۆڤانیی خۆیەوە و بە بەهەشتی بەرینی شادی بكات و ئێوە و گەل و وڵاتتان لە سایەی خێر و ئاشتیدا بپارێزێ.
تكایە جەنابتان ئەوپەڕی سۆز و هاوخەمیمان قبووڵ بفەرموون.
مەحموود عەباس
سەرۆكی دەوڵەتی فەلەستین
سەرۆكی لیژنەی جێبەجێكاری ڕێكخراوی ڕزگاریی فەلەستینی
ڕامەڵڵا 5ی نیسانی 2018

مالكی سه‌ره‌خۆشی له‌ نێچیرڤان بارزانی ده‌كات
به‌بۆنه‌ی كۆچی دواییی خوالێخۆشبوو دلۆڤان ئیدریس بارزانی ـ یه‌وه‌، به‌ڕێز د. نووری ئه‌لمالكی، جێگری سه‌ركۆماری عێراقی فیدرال له‌ په‌یوه‌ندییه‌كی ته‌له‌فۆنیدا سه‌رخۆشی له‌ به‌ڕێز نێچیرڤان بارزانی، سه‌رۆك وه‌زیرانی هه‌رێمی كوردستان، كرد.
به‌ڕێز ئه‌لمالكی ئه‌مڕۆ یه‌كشه‌ممه‌ 8/4/2018 له‌ په‌یوه‌ندییه‌ ته‌له‌فۆنییه‌كه‌یدا، هاوخه‌می و هاده‌ردیی خۆی بۆ كۆچی ناواده‌ی خوالێخۆشبوو، له‌گه‌ڵ به‌ڕێز نێچیرڤان بارزانی و خانه‌واده‌ی بارزانی ده‌ربڕی و هیوای خواست ئه‌مه‌ دوایین خه‌م و كۆستی به‌ڕێزیان و خانه‌واده‌كه‌یان بێت و خوای گه‌وره‌ خوالێخۆشبوو به‌ دلۆڤانی و به‌هه‌شتی خۆی شاد بكات.
لای خۆیه‌وه‌ به‌ڕێز نێچیرڤان بارزانی، بۆ سه‌ره‌خۆشی و په‌یوه‌ندییه‌ ته‌له‌فۆنییه‌كه‌ی، سوپاس و پێزانینی خۆی بۆ به‌ڕێز د. نووری ئه‌لمالكی، جێگری سه‌ركۆماری عێراقی فیدرال ده‌ربڕی.

قاسم سوله‌یمانی سه‌ره‌خۆشی له نێچیرڤان بارزانی ده‌كات
له په‌یوه‌ندییه‌كی ته‌له‌فۆنیدا به‌ڕێز قاسم سوله‌یمانی، فه‌رمانده‌ی فه‌یله‌قی قودسی سه‌ر به سوپای پاسدارانی كۆماری ئیسلامیی ئێران، پرسه و سه‌ره‌خۆشی له به‌ڕێز نێچیرڤان بارزانی، سه‌رۆك وه‌زیرانی هه‌رێمی كوردستان كرد.
له په‌یوه‌ندییه ته‌له‌فۆنییه‌كه‌دا ئێواره‌ی ئه‌مڕۆ یه‌كشه‌ممه 8/4/2018، به‌ڕێز سوله‌یمانی جیا له پێشكه‌شكردنی پرسه و سه‌ره‌خۆشی، هاوخه‌می و هاوده‌ردیی خۆی بۆ كۆچی دواییی خوالێخۆشبوو دلۆڤان ئیدریس بارزانی، به به‌ڕێز نێچیرڤان بارزانی ڕاگه‌یاند و هیوای خواست ئه‌مه دوا ناخۆشییان بێت و خوای گه‌وره خوالێخۆشبوو به‌ر ڕه‌حمه‌تی خۆی بخات و سه‌بر و ئارامی بداته بنه‌ماڵه‌ی بارزانی.
لای خۆیه‌وه به‌ڕێز نێچیرڤان بارزانی سوپاسی به‌ڕێز سوله‌یمانی كرد بۆ په‌یوه‌ندییه ته‌له‌فۆنییه‌كه و پێشكه‌شكردنی پرسه و سه‌ره‌خۆشی.

وه‌زیری ده‌ره‌وه‌ی ئوردن سه‌ره‌خۆشی له‌ نێچیرڤان بارزانی ده‌كات
به‌ڕێز ئه‌یمه‌ن ئه‌لسه‌فه‌دی وه‌زیری ده‌ره‌وه‌ و كاروباری ئاواره‌كانی شانشینی ئوردنیی هاشمی، له‌ په‌یامێكی هاوخه‌میدا بۆ كۆچی دواییی خوالێخۆشبوو دلۆڤان ئیدریس بارزانی، پرسه‌ و سه‌ره‌خۆشی له‌ به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان كرد، ئه‌مه‌ ده‌قه‌كه‌یه‌تی:
بەڕێز جەنابی نێچیرڤان بارزانی
سەرۆك وەزیرانی هەرێمی كوردستان – عێراق
جەنابی برای ئازیز
سڵاوێكی گەرم
بە خەم و پەژارەیەكی زۆرەوە هەواڵی كۆچی دوایی برای خوالێخۆشبووتان، بە ئیزنی خودا، بەڕێز دلۆڤان ئـیدریس مستەفا بارزانیم پێگەیشت كە لە 2ی نیسانی 2018دا كۆچی دوایی كرد.
لێرەدا ڕێگەم بدەن ڕاستگۆترین هەستی هاوسۆزی و سەرخۆشیی خۆم بەبۆنەی كۆچی دواییی برای خوالێخۆشبووتان دەرببڕم، تكاكارم لە خوای گەورە بیخاتە بەر دلۆڤانیی خۆیەوە.
لە كاتێكدا كە هاوخەمتانین لەم كۆستە مەزنەدا، ڕووی نزامان لە خوای بەتوانا دەكەین و داوای لێ دەكەین بتانپارێزێ و خۆڕاگری و ئارامی و دڵنەواییتان پێ ببەخشێ.
إنا لله وإنا إلیه راجعون
ئەیمەن ئەلسەفەدی
وەزیری دەرەوە و كاروباری ئاوارەكان
شانشینی ئوردنیی هاشمی
نیسانی 2018

© 2017 Hawler