شوبات 26, 2021

شاندێکی وه‌زاره‌تى كشتۆكالى هەرێمی کوردستان سەردانی بەغدا دەکات

وەزیری کشتوکاڵ و سەرچاوەکانی ئاوی حکوومەتی هەرێمی کوردستان بە سەرۆکایەتی شاندێک سەردانی بەغدا دەکات و چەند پرسێک تاوتوێ دەکەن.

حوسێن حەمە کەریم، وتەبێژی وەزارەتی کشتوکاڵ و سەرچاوەکانی ئاو رایگەیاند" رۆژی یەکشەممە، بێگەرد تاڵەبانی، وەزیری کشتوکاڵ و سەرچاوەکانی ئاو بە سەرۆکایەتی شاندێکی حکوومەتی هەرێمی کوردستان سەردانی بەغدا دەکات.

وتەبێژی وەزارەتی کشتوکاڵ روونیشیکردەوە، شاندەکەی هەرێمی کوردستان بە ئەندامیەتی خالید شوانی، وەزیری ھەرێم بۆ كاروباری ناوچە كوردستانییەكانی ده‌ره‌وه‌ی ئیداره‌ی هه‌رێم و چەند بەڕێوەبەرێکی پەیوەندار لەخۆ دەگرێت.

گوتیشی" شاندەکە لەگەڵ وەزیرانی بازرگانی، کشتوکاڵ و سەرچاوە ئاوییەکانی عێراق لەبارەی شایستە داراییەکانی جووتیارانی هەرێمی کوردستان و کێشەکانی نێوان هەولێر و بەغدا تایبەت بە کشتوکاڵ و ئاو، کۆدەبنەوە.

ئاماژەی بەوەش دا، لە سەردانەکە داوا دەکەین لە دەرچوواندنی بڕیارو رێنمایی تایبەتمەند هەرێمی کوردستان رەچاو بکەن، بۆ ئەوەی جووتیارانمان نەبنە قوربانی.

© 2017 Hawler