شوبات 27, 2020

گەرا سیێ یا بەڵاڤكرنا گازا سپی زێدەباری كۆژمەكێ پارەی دێ ل سەر ئاوارە و پەنابەران هێنە بەڵاڤكرن

ساڵانە، دگەل هاتنا وەرزێ زستانێ ل هەرێما كۆردستانێ و، پشتی هاتنا ئاوارە و پەنابەران ل ساڵا 2014، بارا گازا سپی یا كەمپان ژلایێ حكوومەتا هەرێما كۆردستانێ دهێتە دابینكرن. بو هندێ ئەو ژی بشێن زستانا خۆ كێم سەرما تر دەربازبكەن و وەكو ئاگنجیێن هەرێمێ بژین.

ب هوی وێ رێژەیا ژلایێ حكوومەتا هەرێمێ دهێتە دابینكرن، گاز ل سەر خێزانێن وان كەمپان دهێنە دابەشكرن. لێ ب گۆر گوتنا سالم سەعیدی، بەرپرسێ راگەهاندن و پەیوەندییان ل (بۆرها-brha)، مایێ دوو ساڵانە رێژەیا دهێتە دابینكرن كێمترە ژساڵێن دیتر، كو ل ساڵێن دیتر نێزیك 200 لێتران بۆ هەر خێزانەكێ دهاتە دابینكرن. لێ دئەڤ ساڵەدا ل گەرا ئێكێ و دووێ ب تنێ 40 هەتا 50 لێتران هاتە دابینكرن.
سالم سەعید، بەرپرسێ راگەهاندن و پەیوەندییان ل (بۆرها-brha): دگەرا سیێ یا بەلاڤكرنا گازا سپی ل سەر ئاوەرە و پەنابەرێن ناڤا كەمپێن پارێزگەها دهۆكێ دا، 110 لێترێن گازا سپی كو ژلایێ وەزارەتا كۆچ و كۆچبەرێن عیراقێ هاتییە دابینكرن دگەل كۆژمەكێ پارەی كو ئەو ژی ژلایێ هەردوو رێكخراوێن (UNHCR)و (QANDIL) هاتینە دابینكرن كو ژ200 هەتا 400 دولارێن ئەمریكی نە بۆ هەر خێزانەكێ ل شوینا نە وەلگرتنا بارا گازێ.
ب گۆر زانییارییان ئەڤ رێژەیا گازێ و كۆژمێ پارە بۆ جارا ئێكێ دێ ل كەمپا داودیێ هێتە بەڵاڤكرن، چونكە ل دەڤەرەكا سارە و ئەو پتر پێدڤی ب ڤان هاریكارییانە، و ب ڤی شێوەی دێ ئەو هاریكاری بۆ كەمپێن دی ژی هێنە رەوانەكرن و ل سەر خێزانان هێنە بەڵافكرن.

 

سەجا شێرزاد - دهۆک

© 2017 Hawler