ئەم پەڕەیە چاپ بکە

دانانی ئاڵای کوردستان لە کۆبوونەوەی سەرۆک ترەمپ و سەرۆک نێچیرڤان بارزانی بووە بابەتی گەرمی میدیاکان

لە دووەم رۆژی کۆڕبەندی ئابووری جیهان لە داڤۆس سەرۆکی هەرێمی کوردستان زنجیرەیەک کۆبوونەوە و دیداری گرنگی هەبوو ،لە سەروویانەوە کۆبوونەوە لەگەڵ دۆناڵد ترەمپ سەرۆکی ئەمریکا ، کە تێیدا جەخت لە پەیوەندی و هاوبەشیی نێوان هەرێمی کوردستان و ئەمریکا کرایەوە، سەرۆک نێچیرڤان بارزانی سوپاسی پاڵپشتی و هاوکارییەکانی ئەمریکا دەکات لە شەڕی دژی تیرۆردا .

کۆشکی سپی لەبارەی کۆبوونەوەی هەردوو سەرۆک لە راگەیەندراوێکدا دەڵێت:" سەرۆکی کوردستان و سەرۆک ترەمپ دیدارێکی گرنگ و پڕ بایەخیان هەبوو، تێیدا بە روونی پرسەکان تاوتوێ کران،بەتایبەت شەڕی دژی تیرۆر کە هێشتا بەردەوامە و کوردستان و ئەمریکا چەند ساڵێكە لەو شەڕەدا پێکەوەن و رێگەیان نەداوە تیرۆر سەرهەڵبداتەوە .
لە کۆبوونەوەی نێچیرڤان بارزانی و دۆناڵد ترەمپدا ،یەکێک لە پرسەکان دۆخی سووریا بوو، ترەمپ دەڵێت ئێمە بۆ ماوەیەکی زۆرە دەمانەوێت یەکدی ببینین. وەک خۆتان دەزانن، ئێمە سوریامان لە ناوچە سنوورییەکان بەجێهێشتووە و ئەمەشمان بەباشی لەگەڵ تورکیا ئەنجامدا، هێندەش باش ئەنجامدراوە کە بەبیری هەر کەسێکدا هاتبێت. ئێستا ناوچەی ئارامیان هەیە و من پێزانینم بۆ هەموو ئەوانە هەیە وایانکردووە ئەم ناوچانە سەلامەت بن."
بەپێی راگەیێندراوی سەرۆکایەتیی هەرێمی کوردستان ل، نێچیرڤان بارزانی، سەرۆکی هەرێمی کوردستان و دۆناڵد ترەمپ، سەرۆکی ئەمریکا دۆخى عێراق به‌گشتى، په‌يوه‌ندييه‌كانى هه‌رێمى كوردستان له‌گه‌ڵ ئه‌مريكآ، په‌ره‌پێدانيان به‌تايبه‌تى له‌ بوارى هاريكاريى وزه‌دا، په‌يوه‌ندييه‌كانى نێوان هه‌ولێر و به‌غدا، مه‌ترسييه‌كانى سه‌رهه‌ڵدانه‌وه‌ى تيرۆر و چۆنیيه‌تيى به‌ره‌نگاربوونه‌وه‌ى، ره‌وشى ناوچه‌كه‌ به‌گشتى و په‌يوه‌ندييه‌كانى هه‌رێمى كوردستان له‌گه‌ڵ وڵاتانى ناوچه‌كه‌ و دۆخى سووريایان تاوتوێکرد.

دۆناڵد ترمپ گه‌لى كوردستانى به‌ گه‌لێكى مه‌زن وه‌سف كرد و گوتى: ئێمه‌ قه‌رزارتانين، هه‌روه‌ها سوپاس و پێزانينى ئه‌مريكاى بۆ رۆڵى هه‌رێمى كوردستان و پێشمه‌رگه‌ له‌ تێكشاندنى داعش و پاراستنى پێكهاته‌ ئايينى و نه‌ته‌وه‌ييه‌كانى كوردستان دووپاتكرده‌وه‌.
سەرۆکی هەرێمی کوردستان لە تویتەر لەبارەی کۆبوونەوەکە رایگەیاند، "لە کۆبوونەوەیەکی بەرهەمدار و دۆستانەدا لە داڤۆس، خۆشحاڵم بووم بە بینینی سەرۆک دۆناڵد ترەمپ، ئەو پێزانینی هەبوو بۆ رۆڵی کوردستان لە شەڕی بەیەکەوە لەدژی داعش و پارێزگاریکردن لە کەمینەکان. من سوپاسی سەرۆکی ئەمریکام کرد بۆ سەرکردایەتی و پاڵپشتی. ئێمە قسەمان لەسەر بەشەکانی دیکەی عێراق و هاوئاهەنگی ئابووری کرد
لە کاردانەوەکانیشدا میدیاکانی جیهان بە گرنگییەوە باسی کۆبوونەوەی هەردوو سەرۆکیان کرد، تەلەفزیۆنی فۆکس نیوزی ئەمریکی راستەوخۆ قسەی هەردوو سەرۆکی پەخشکرد و رایگەیاند سەرۆکی کوردستان و سەرۆک ترەمپ چەندین تەوەریان لە کۆبوونەوەی نێوانیان تاوتوێ کرد ، فۆکس نیوز کە بە تەلەفزیۆنی نزیکی سەرۆکی ئەمریکا دادەنرێت، دەڵێت لەو کۆبوونەوەیە کە بۆیەکەمجارە هەردوو سەرۆک یەکدی دەبینن،جەخت لە پەیوەندی و هاوبەشی نێوان کوردستان و ئەمریکا کراوەتەوە .
جین عەراف، رۆژنامەڤانی دیاری ئاژانسی ئێن پی ئار، دەڵێت ترەمپ وەکو سەرۆکی کوردستان پێشوازی لە نێچیرڤان بارزانی کردووە، ئەوەش مانا و بایەخێکی گرنگی بۆ کوردستان و داهاتووی هەیە، لە کۆبوونەوەی هەردوولا ئاڵای کوردستان لە پشت سەری سەرۆکی ئەمریکا و سەرۆکی هەرێمی کوردستان دانرابوو، ئەوەش یەکەم جارە روودەدات ،٤٥مین سەرۆکی ئەمریکا بە ئاڵای کوردستانەوە دۆخی کوردستان لەگەڵ سەرۆکی هەرێمی کوردستان تاوتوێ دەکات .
بەیان سامی عەبدولڕەحمان،نوێنەری حکومەتی هەرێمی کوردستان،کۆبوونەوەکە بە چرکەساتێکی گرنگ لە پەیوەندی نێوان ئەمریکا و کوردستان دادەنێت و دەڵێت:"ئەو کۆبوونەوەیە چرکەساتێکی پڕ ئاماژە و گرنگە لەکاتێکدا رۆژهەڵاتی ناوەڕاست بە دۆخێکی ئاڵۆزدا تێدەپەڕێت ،:
هەروەها هەریەکە لە ئاژانسەکانی رۆیتەرز و ئەنادۆڵو باسی کۆبوونەوەکانی سەرۆکی هەرێمی کوردستانیان کردووە و دەڵێن ترەمپ لەگەڵ چەند سەرکردەیەک لە داڤۆس کۆبووەتەوە، یەکێک لەوانە سەرۆکی هەرێمی کوردستانە .
کۆبوونەوەی هەردوولا لەکاتێکدا بەڕێوەچوو، هەرێمی کوردستان دووپاتی کردووەتەوە، نایەوێت ببێتە بەشێک لە ململانێی نێوان وڵاتان لە خاکی عێراق، بەڵام هەینی رابردوو نێچیرڤان بارزانی لە دیدارێکدا لەگەڵ ئەلمۆنیتەر رایگەیاند:" پێمان وایە زووە باسی کشانەوەی ئەمریکا بکرێت لە عێراق و کوردستان و عێراق پێویستیان بە هاوکاری و پاڵپشتی ئەمریکایە لە دابینکردنی ئەمن و ئاسایش و هاوکاری لە شەڕی تیرۆردا .
سەرۆکی هەرێمی کوردستا جگە لە کۆبوونەوە لەگەڵ سەرۆکی ئەمریکا ،چەندین کۆبوونەوەی دیکەشی کرد، لەوانە وەزیری دەرەوەی سعودیە، کە تێیدا پەیوەندییەکانی نێوان ریاز و هەولێر تاوتوێ کران.
بەپێی راگەیەندراوی سەرۆکی هەرێمی کوردستان لەکۆبوونەوەی نێوان نێچیرڤان بارزانی و میر فەیسەڵ بن فەرحان ئەل سعود،دۆخی عێراق و خۆپیشاندانەکان و گرژییەکانی ئەم دواییە تاوتوێکران، شەڕی تیرۆر و دۆخی ئاوارەکان و هاوکارییەکانی سعودیە تاوتوێکران .
نێچیرڤان بارزانی هەروەها لەگەڵ عومەر رەزاز سەرۆک وەزیرانی ئوردنیش کۆبووەوە، هەردوولا جەختیان لە پەیوەندی و هاوبەشی نێوان شانشینی ئوردن و کوردستان کردەوە، لەگەڵ هەوڵی بەردەوام بۆ ئارام کردنەوەی دۆخی عێراق و سەقامگیری وڵات .
نێچیرڤان بارزانی هەروەها لەگەڵ شینجی کیتا ئوکا سەرۆکی ئاژانسی هاوکاری نێودەوڵەتیی ژاپۆن کۆبووەوە، سەرۆکی جایکا دووپاتی کردەوە لە هاوکاریکردن و جێبەجێکردنی پڕۆژەکانیان بەردەوام دەبن، سەرۆکی هەرێمی کوردستانیش سوپاسی سەرۆکی ئاژانسەکەی کرد کە چەندین ساڵە لە بواری مرۆییدا هاوکاری کوردستان دەکەن
بڕیاریشە ئەمڕۆ سەرۆکی هەرێمی کوردستان بۆ یەکەمجار بە زمانی کوردی لە پانێلێکدا لەگەل هەریەکە و جانین هینین پلاسخارت نێردراوی نەتەوە یەکگرتووەکان بۆ کاروباری عێراق، د.فوئاد حوسێن، جێگری سەرۆک وەزیرانی عێراق لە پانێلێکدا باسی دۆخی عێراق و هەوڵەکانی سەقامگیری و ئاسایشی وڵاتەکە و رۆڵی هەرێمی کوردستان بکەن لە گەیشتنی عێراق بە کەناری ئارامی و سەقامگیری .".