شوبات 21, 2020

‎‫ پەسەندکردنی پرۆژەیاسای چاکسازی ئەنجامی یەکڕیزیی لایەنە سیاسییەکان بوو

‎چ بە قسە و چ بە نووسین هەموو حزبە سیاسییەکان، کەسایەتییە سیاسی و کۆمەڵایەتییەکان،تەنانەت کەسانی بی لایەن و سادەیش باسی یەکریزی، یەک هەڵوێستی و یەک سەنگەری دەکەن. ئەگەر زۆریش نەگەرێینەوه‌ دواوە، ئەم خواستە، ئەم ئامانجە،دوابەدوای رووخاندنی رژێم و دامەزراندنی دامودەزگاکانی دەوڵەتی نوێی عێراق و چەسپاندنی فیدراڵی بۆ کورد لە عێراق، دەبوایە بکرابایە سەر قافڵەی هەموو هەنگاوەکانی تری حزبە حوکمڕانەکانی هەرێمی کوردستان.

‎‫رێبوار بابەکەیی، ئەندامی پەرلەمانی کوردستان و پسپۆڕی گشتیی زانستەسیاسییەکان، لەمبارەیەوە، بە "هەولێر"ی ڕاگەیاند؛ دوای پێکهێنانی کابینەی (٩)ی حکوومەتی هەرێمی کوردستان، رێککەوتنی سیاسی لە نێوان پارتی و گۆڕان و یەکێتی، تێروانینیان هەبوو کە ئەم سێ حیزبەش بەسەرەکی لە کابینەی حکوومەتن و ڕەنگدانەوەیان هەیە لەسەر هەر هەلومەرجێکی تری کە دێتە پێشەوە، وەکو ئەو دۆخەی بەسەر عێراقدا هات، یان ململانێی سیاسی کە هەیە یان هەر بابەتێکی تر، بەڵێ به‌راورد به‌ ساڵانی ڕابردوو ئێستا جۆرێك یه‌كڕیزی له‌نێو لایه‌نه‌ كوردستانییه‌كاندا هه‌یه‌ بۆنموونە؛ پەسەندکردنی یاسای چاکسازی بەکۆی دەنگی (٨٩)پەرلەمانتار بوو، کەئەوەش جۆرێکە لەیەکرێزیی تێگەیشتنی لایەنەکان. ‬
‎‫فاخیر محمد، بەرپرسی پەیوندیەکانی گۆران لەهەولێر، دەڵێت؛ جۆرێک لە تەنسیقات هەیە لەنێوان لایەن سیاسەکان و بەپێی پێویست هەڵسوکەوت دەکەن. ئێمە بەردەوام جەختمان لە رێکخستنەوەی ناو ماڵی کوردی کردووە، نەمانویستوە ببینین بە ھۆکاری پشێوی. بێگومان ماڵی کورد پێویستی بە یەکریزی و یەکگرتوویی هەیە.‬
‪‎‫هیوا عومه‌ر، ئەندامی مەکتبی سیاسی حزبی شوعی کوردستان، ده‌ڵێ: تا ئێستا ئامادەکاری نابینرێت کەلەم هەلومەرجەی ئێستادا بەداخەوەم ستراتیژێکی روون نییە کەچۆن مامەڵە لەگەڵ ناوچەکە و عێراق دا بکەن.
ئەو گۆرانکارییانەی ئێستا تێیدا رووده‌دات لەکاتێكدا ئێستا کوردستان دەبووایه‌ بنکەیه‌ک بێت بۆ ملمڵانیی بارۆدۆخی سیاسیی دروست.
دانووستان دەکرێت، بەڵام گۆرانکاری تێدا ناکرێت، لەچوارچێوەی پلانێکە لە بەرژوەندیی خەڵکی کوردستان و،ئێمە وەکو حزبی شوعی پێمانوایە هەرێمی کوردستان کاتی ئەوەی هاتووە بیر لەوە بکاتەوە لەئاستی ناوخۆ و کۆمەڵایەتییەکان گورانکاری بکات، واتە هێزی سیاسی دوورکەوێتەوە لەحکومڕانی، گۆرانکاری جۆری بکرێ بۆ ئەوەی کوردستان لەداهاتوو ئامادەبێت بۆھەر بارودۆخێک و قەیرانێک.
‎‫ئارێز عبداللە، ئەندامی ئەنجوومەنی سەرکردایەتی یەکتێی نیشتمانی کوردستان، دەڵێت؛ من یەکڕیزیی لایەنە سیاسییەکانی هەرێمی کوردستان لە دووخاڵدا کۆدەکەمەوە؛ ‎پێوستە کار لەسەر بەرژەوندیی گشتی بکەین، یەك دەنگ و یەك هەڵویست بین، بەڵام پێویستە حکوومەت بەردەوام خۆی لەپێشەوەبێت و، لەگفتگۆ دابێت لەگەڵ لایەن سیاسییەکان، چونکە هەرگیز لایەنەکان و حزبەکان یەک دەنگ نابن. بۆیە، پێوستە لەم جۆرە بابەتە چارەنووسسازانە حکوومەت خۆی لەپیشەوەبێت. ‬
‬‎‫راستە تاڕادەیەک فراکسۆنەکانمان لەبەغدایەك دەنگن، بەڵام، زۆرجار حزبکانیش بەپێی بەرنامەی خۆیان هەڵسوکەوت دەکەن. بۆیە، پێویستیمان بەمیکانیزمێکی باشتر ھەیە بۆ کارکردن لەسەر ستراتێژێکی هاوبەش.

 

© 2017 Hawler