تشرینی یەکەم 21, 2020

سێ ته‌قینه‌وه‌ له‌ قامیشلۆ روویان دا

سێ ته‌قینه‌وه‌ی دوابه‌دوای‌ یه‌ك له‌ شاری‌ قامیشلۆ له‌ رۆژئاوای‌ كوردستان روویاندا و به‌گوێره‌ی‌ ئاماره‌ سه‌ره‌تاییه‌كان ژماره‌یه‌ك هاووڵاتی شه‌هید و برینداربوون.

له‌ ئه‌نجامی سێ ته‌قینه‌وه‌ی دوابه‌دوای‌ یه‌ك له‌ شاری‌ قامیشلۆی رۆژئاوای كوردستان لانیكه‌م سێ هاووڵاتی شه‌هیدبوون و یازده‌ كه‌سی دیكه‌ش برینداربوون.

ته‌قینه‌وه‌كان له‌ رێگه‌ی دوو ئۆتۆمبێلی بۆمبڕێژكراوه‌وه‌ له‌ ناوه‌ڕاستی بازاڕی قامیشلۆ روویانداوه‌.

ئاماژه‌ به‌وه‌شكراوه‌، له‌ ئه‌نجامی ته‌قینه‌وه‌كاندا لانیكه‌م سێ هاووڵاتی شه‌هیدبوون و پێنج كه‌سی دیكه‌ش برینداربوون.

به‌هۆی‌ ته‌قینه‌وه‌كانه‌وه‌ زیانی‌ ماددی گه‌وره‌ش به‌ر ناوچه‌كه‌ كه‌وتوون و هێزه‌كانی‌ ئاسایشی سه‌ر به‌ ئیداره‌ی‌ خۆسه‌ری لێكۆڵینه‌وه‌یان ده‌ستپێكردووه‌.

 

© 2017 Hawler