تشرینی دووەم 18, 2019

بەڕێوەبەری پەروەردەی شنگال: لە شنگال خوێندنی كوردی لەژێر مەترسیدایە

بەڕێوەبەری پەروەردەی شنگال رایگەیاند، دەسەڵاتمان لە شنگال نیە، لە بازگەكان رێگریمان لێ دەكەن و لێ ناگەڕێن كەلوپەلی پێویست بگەینینە قوتابخانە كوردییەكان.

حوسێن خدر، بەڕێوەبەری پەروەردەی شنگال بۆ "هەولێر" دیاركرد:" لە شنگال كێشەی كەمی مامۆستامان هەیە، هەروەها هیچ دەسەڵاتێكمان لەو ناوچەیە نیە، ناتوانین بچینە سنووری شنگال، ناتوانین كەلوپەلی قوتابخانەكان بگوازینەوە، ئەوەش لەبەر ئەوەیە زۆر بازگە لەسەر رێگاكان دانراون و رێگریمان لێ دەكەن و لێ ناگەڕێن ئەو كەلوپەلانە بگەینینە قوتابخانە كوردییەكان.
بەڕێوەبەری پەروەردەی شنگال ئەوەشی گوت:" خوێندنی كوردی لە شنگال لەژێر مەترسیدایە، بۆیە پێویستە بارودۆخی شنگال چارەسەر بكرێت و ئەو گروپە چەكدارانەی كە هاتوونەتە ناوچەكە، شنگال چۆڵ بكەن، بۆ ئەوەی بتوانین لە كێشە و گرفتەكانی قوتابخانەكانی ناوچەكە بكۆڵینەوە و كەلوپەلی پێویست بۆیان دابین بكەین".

© 2017 Hawler