تشرینی دووەم 16, 2019

ژبۆ پشتەڤانییا خەلكێ رۆژئاڤایێ كۆردستانێ، هەوەكا خوین بەخشینێ ل دهۆكێ ب رێڤەچوو

ب مەرەما پشتەڤانیكرن ل خەلكێ رۆژئاڤایێ هەرێما كۆردستانێ (باكوورێ وەڵاتێ سۆریا)، خەلكێ پارێزگەها دهۆكێ ب هەوەكا خوین بەخشینێ رابوویە بۆ هندێ مەزنترین ژمارەیا بتلێن خوینێ بهێنە كومكرن و ب بریندارێن سوریێ بهێنە دان،

مایێ شەش رۆژانەئەڤ پرۆسە بەردەوامە و بەشدارێن وێ ژی هەر ئێك ژئێكەتیێن لاوێن دیموكراتا كۆردستانێ و ئێكەتییا ئافرەتان لقا دهۆكێ نە و هەروەسا قۆتابیێن زاكویێن دهۆك وئەمریكی و پولی تەكنیكن و گەلەك تەخ و چینێن دی یێن جڤاكی نە،
هەتا نۆكەنێزیك 100 بتلێن خوینێ ژلایێ بانكا خوینێ ل پارێزگەها دهۆكێ هاتینە دابینكرن و ل رۆژێن داهاتی ب رێین ساخلەم و یاسایی دێ ب رینداران هێتە دان،
چوارشەمبا بوری بوویە رۆژا دەسپێكرنا هێرشا سوپایی تۆركیا بۆ سەر رۆژئاڤایێ كۆردستانێ بەردەوام ب رێكێن ئاسمانی و پەژاهی توپ و بومبە بارانكرنا رۆژئاڤایی كرییە، ئەڤ چەندە ژی بوویە جهێ دروستكرنا چەندین وێنەیێن دل تەزین یێن كۆشتن و برینداركرنا سڤیلان، هەروەسا ئاوارەبوونا پتر ژ190 هزار كەسان ژوەلاتێ سوریا و دروستكرنا مەترسییەكا مەزن ل دەف خەلكێ رۆژئاڤایی كۆ رەوشا وان بەرەف خرابتر بچیت.

© 2017 Hawler