ئەیلول 30, 2020

پەكەكە ڕێگرە لەبەردەم جێبەجێكردنی پڕۆژەی خزمەتگوزاری لە گوندەكانی سنوری زاخۆ

ژبەر هەبوونا پەكەكەكێ لسنوورێ ناحیا دەركارێ، 9 گۆندێن مەسیحییان هاتینە چولكرن هەبوونا پەكەكێ و بوردومانا بەردەوام یا وان ل سەر گۆندێن زاخۆ بوویە ئەگەرێ چولكرنا پترییا گۆندان.

ئەڤ چەندە ژی دل گرانی و نە ئارام بوونا خەلكێ وان گۆندان ولایەنێن پەیوەندار زێدە كرییە، هەروەسا بوویە جهێ پەیدابوونا مەترسیێ ل دەڤ گۆندیێن گۆندێن دی كو گۆندێن وان ژی بهێنە چولكرن، زێرەڤان مۆسا، رێڤەبەرێ ناحیا دەركارێ: ژبەر بوردومانا بەردەوام یا پەكەكێ ل گۆندێن زاخۆ هەتا نۆكە پترییا گۆندێن دەڤەرێ هاتینە چولكرن، ژوانا ژی 9 گۆندێن مەسیحییان ل سنوورێ ناحیا دەركارێ بووینە، كاترین ئستەیفان، هاولاتییەكا مەسیحی: گەلەك مەسیحییان مالێن خۆ بجه هێلان، ئەم گەلەك دترسین، كەس نە شێت ب ئاسانی جهێ خۆ بهێلیت و ب گهوریت، دڤێت چارەك بومە هەبیت، هەتا كەنگی ل ژێر مەترسیێ بین.
ل دویف گوتنا بوتان محسنی دەڤەردارێ زاخۆ، 187 گۆند ل زاخۆ هەنە، هەتا نوكە 98 گۆند ژوان ژبەر پەكەكێ هاتینە چولكرن.
زێرەڤان مۆسا ژلایێ خۆڤە زێدەدكەت: زوربەهییا وان گۆندێن هاتینە چولكرن ئاڤانە و خەلك لێ هەبووینە، لێ ئەو خەلكە نە چار بوویە گۆندی چول بكەن، و ئەگەر هێزێن پەكەكێ ل وان گۆندان نەبان، حكومەتا هەرێما كۆردستانێ دا خزمەتگوزارییان زێدەكەت، لێ پەكەكە رێ نادەت،دووپات ژی كر، كو چ مەترسی ل سەر "مۆلكێن" مەسیحییان ل وان گۆندێن چولكری نینن، و كەس نەشێت دەست بێخیت سەر، وهەتا نۆكە ژی هندەك هاولاتی سەرەدانا خانوو و جهێن خۆ دكەن بوو نموونە گۆندیێن (دەشتە تەخێ).

© 2017 Hawler