حوزەیران 04, 2020

هەولێر، دێ پێشوازیێ کومبوونا دووێ یا جڤاتا کارگێری یا ئێکەتیا عەرەبی یا کونسولێن فەخری دکا

هەولێر پایتەختێ هەرێما کوردستانا عیراقێ دێ پێشوازیێ کومبوونا دووێ یا جڤاتا کارگێری یا ئێکەتیا عەرەبی یا کونسولێن فەخری ل رێکەفتی (19 تا 2019/7/22) کو دێ ب ئامادەبوونا بەرێزان (عەلی باجابر) سەرۆکێ ئێکەتیا عەرەبی یا کونسولێن فەخری، و جێگرێن سەرۆکی و ئەندامێن جڤاتا کارگێری ژ هەر ئێک ژ وەلاتێن (عیراق، مەغرب، سعودیە، مسر، سودان، موریتانیا، لبنان، سوریا).

رێکخەر و رێکخستنا جڤاتێ دێ هێتە ئەنجامدان ژلایێ بەرێز (د.احمد جلال) کونسولێ فەخری یێ وەلاتێ سریلانکا ل هەولێر، و جێگرێ سەرۆکێ ئێکەتیا عەرەبی یا کونسولێن فەخری، کو دێ رابیت ب پێشوازیا کونسولێن فەخری یێن وەلاتێن بەشدار، و رێکخستنا رێ و رەسمێن کومبوونێ ل هوتێلا هەولێر یا نیڤدەولەتی.
هژمارەکا تەوەر و بابەتێن جودا جودا یێن گرێدایی کونسولێن فەخری یێن وەلاتێن عەرەبی دێ هێنە گەنگەشەکرن، دگەل سەرەدانا هژمارەکا کەسایەتی و سیاسەتمەدار و کاربەدەستێن حکومی و سیاسی و ئابوری و پسپورێن د بوارێن جودا جودا و سەرەدانا هژمارەکا جهێن گەشت و گوزاری ل هەرێما کوردستانێ.
بێ گومان ئەنجامدان ڤان جورە کومبوونان دەستەکەفتەکێ مەزنە بۆ ئەندامێن بەشداربووی ژ وەلاتێن جودا جودا، ب مەرەما لێکگوهارتن و مفا وەرگرتن ژ شیان و هزرو بیرێن هەڤدوو د بوراێن جودا یێن ژیانێ دا، و بهێزکرنا رولێ کونسولێن فەخری و گرنگی دا ب پێگەهێ وان یێ دبلوماسی، بۆ زانین هژمارا کونسولێن فەخری یێن ل وەلاتێن عەرەبی دگەهیتە 705 کونسولا هاتینە دابەشکرن لسەر 20 وەلاتان پێک دهێن ژ کەسایەتیێن ئابوری، بازرگانی، سیاسی، و کومەلایەتی، ژ بۆ موکومکرن و بهێزکرنا پەیوەندیان دناڤبەرا وەلاتێن بەشدار د ئێکەتیێ دا و گەهشتن ب لێک تێگەهشتن و کارکرن ژ بۆ ئارمانجێن هەڤپشک یێن بوارێن جودا یێن ژیانێ.

© 2017 Hawler