تەمموز 16, 2019

رێیا سەرەكی یا موسل-دهۆك دهێتە نووژەنكرن و 80% ژێ ب دۆماهیك هاتییە

پشتی هاتنا رێكخراوا داعش ل ساڵا 2014 و داگیر كرنا وێچەندین دەڤەرێن ئیراقی ب تایبەتی دەڤەرێن سەر ب پارێزگەها نەینەوا(مووسڵ) ڤە (باكوورێ عیراق)ێ، بووییە ئەگەرێ چولكرنا چەندین دەڤەر و گۆند وناحییان و دیسان داخستنا چەندین رێین سەرەكی یێن ب وان دەڤەران ڤە گرێدای هەروەسا وێران كرنا وان. لەوما پشتی ئارام بوونا رەوشا وان دەڤەران و دەرئێخستنا داعشان ژلایێ هێزێن پێشمەرگەی ڤە ئەو رێیە جارەكادن ژلایێ حكومەتا هەرێمێ و ب هاریكارییا حكومەتا ناوەندی هاتنە ڤەكرن.

رێیا سەرەكی یا مووسڵ-دهۆك (80.9كلم)، ئێك ژ وان رێیێن سەرەكی(نیڤدەولەتی) بووییە، كو دهۆك ب چەندێن دەڤەر و پارێزگەهێن باشورێ ئیراقێ ڤە گرێددەت، پشتی بریارا ڤەكرنا وێ رێیێ و جارەكادن هاتن و چوون ل سەر هاتی كرن ئەو كور و تەسەیێن ل جادێ هاتینە دروستكرن بوونە ئەگەرێ نەئارام بوونا شوفێران تایبەتی شوفێرێن ترومبێلێن بار هەلگر، لەوما بریار ژلایێ رێڤەبەرییا رێك و پران و ب هەماهەنگی دگەل باژێرڤانییا ئەترووشێ هاتە دان ئەو رێیە جارەكادی بهێتە نووژەنكرن داكو شوفێر ب ئارامی هاتن و چوونێ ل سەر بكەن.
رێ دێ ب درێژاهییا 28 كیلومێتران هێتە نووژەنكرن، هەروەسا ئەو جهێن ل سەر رێیێ ل دەمێ بووری هاتیینە خرابكرن جارەكادی دگەل نووژەنكرنا رێیێدێ ئەو ژی هێنە نووژەنكرن داكو وەلاتی ب شێوەیەكی ئاسایی هاتن و چوونێ ل سەر بكەن
رێیا سەرەكی یا دهۆك مووسل جووت سایدەو ل گەلەك زالگەه هاتبوون دانان لەوما دنوكە دا ب تنێ ئێك ساید ڤەكرییە، بەلێ بریار هاتییە دان ئەو سایدێ داخستی ژی ب شێوەیەكی فەرمی بهێتە ڤەكرن.
رۆژانە نێزیك نێزیك 140 ترومبێلێن بار هەلگر ژبلی ترومبێلین ئاسایی ل سەر وێ رێیێ هاتن و چوونێ دكەن

© 2017 Hawler