تەمموز 19, 2019

لە فڕۆکەخانەی نێودەوڵەتی هەولێر پێشوازی لە تەرمی کادرو پێشمەرگەی دێرین (کەمال ئامێدی) کرا

دوێنی، لە ڕێوڕەسمێکی شایستەدا، لە فڕۆکەخانەی نێودەوڵەتی شاری هەولێر، بە ئامادەبوونی فازڵ میرانی سکرتێری مەکتەبی سیاسی پارتی دیموکراتی کوردستان و دڵشاد بارزانی و ژمارەیەک لە ئەندامانی مەکتەبی سیاسی پارتی و ئەندامانی پەرلەمانی کوردستان، پێشوازی لە گەڕانەوەی تەرمی خوالێخۆشبوو، پێشمەرگەی شۆڕشی گوڵان (کەمال ئامێدی) کرا و دواتر ڕەوانەی زێدی خانەوادە و ئازیانی کرایەوە و بەرەو ئامێدی بەڕێکرا.

جێگای ئاماژە پێدانە، خوالێخۆشبوو، جگە لەوەی پێشمەرگەیەکی ماندوونەناس و خەباتگێڕی شۆڕشی گوڵان بوو، دڵسۆزێکی ڕێبازی بارزانی و بەرپرسی لیژنەی ناوچەی پارتی بوو لە وڵاتی بەریتانیا. هاوکات مەکتەبی سیاسی پارتیش لە وادەی کۆچکردنەکەیدا بەیاننامەی سەرەخۆشی ئاراستەی کەس و کاری خوالێخۆشبوو کردبوو.

© 2017 Hawler