تەمموز 19, 2019

سەرۆكێ جڤاتا شنگالێ: حەشدا شەعبی و پەکەکە هۆکاری نائارامی شنگالن

سەرۆكێ ئەنجوومەنا دەڤەردارییا شنگالێ راگەهاند، هژمارەكا هێزێن جۆراوجۆر دناڤ سەنتەرێ‌ قەزا شنگالێ‌ دا هەنە هەكە ئەڤ هێز هەموو دشنگالێ‌ دا بمینن چوو جاران شنگال ب كێری ژیانێ‌ ناهێت، حەشدا شەعبی رێنادەتە سوپایێ ئیراقێ پەكەكی ژ شنگالێ دەربێخیت.

وەیس نایف گۆت: حكوومەتا ئیراقێ ب رێیا سوپای چەندین جاران پارتییا كاركەرێن كوردستانێ ئاگەهداركرییە و مۆلەتا دەركەفتنێ ژ شنگالێ بۆ دانایە، لێ ژبەر رێگرییا حەشدا شەعبی ل سوپای، تا نها نەشیایە پەكەكێ ژ شنگالێ دەربێخیت.
سەرۆكێ ئەنجوومەنا شنگالێ ئەو یەك راگەهاند و گۆت: حەشدا شەعبی ب ئەجێندا و پیلانێن وەلاتان وێ رێگریێ دكەت، ئەڤ هژمارا هەموو یا هێزا د شنگالێ‌ دا نە نەشیاینە كۆنترۆلی لسەر رەوشا شنگال بكەن، چونكی شنگال بوویە گۆرەپانا ململانیێن سیاسی دناڤبەرا وان دا هەر پێنگاڤەك نۆكە ل شنگال دهێتە هاڤیتن ژی د بەرژوەندیا شنگال و خەلكێ‌ شنگالدا نینە.
ب گۆتنا وەیس نایف، بۆ دەرخستنا پەكەكێ، ئیدارەیا شەرعی یا شنگالێ سەرا هەموو ئالیێن پەیوەندیدار كرییە، ئەو گازندە ژی گەهاندییە هەڤپەیمانییا نێڤدەولەتی، لێ ل بەرانبەر، پەكەكێ لڤینێن خوە ل دەڤەرێ زێدەكرینە".

© 2017 Hawler