ئازار 22, 2019

سەرۆکوەزیران بڕیاری ‌پێدانی تابلۆی ئۆتۆمبێلی بۆ پارێزگای هه‌ڵه‌بجه‌ دەرکرد

سه‌رۆكی حكوومه‌تی هه‌رێمی كوردستان بڕیاری تۆماركردن و پێدانی تابلۆی ئۆتۆمبێلی بۆ پارێزگای هه‌ڵه‌بجه‌ ده‌ركرد.

له‌ بڕیاره‌كه‌ی سه‌رۆكی حكوومه‌تدا كه‌ دوێنێ، 13/3/2019 ده‌رچوو، هاتووه‌، پشتبه‌ست به‌ ئه‌حكامی یاسای ئیداره‌ی پارێزگای هه‌ڵه‌بجه‌ به‌ ژماره‌ (1)ی ساڵی 2015 و یاسای (36)ی ساڵی 2007 تایبه‌ت به‌ یاسای كارپێكردنی یاسای فیدڕاڵیی هاتوچۆ، ژماره ‌(86)ی ساڵی 2004 له‌ هه‌رێمی كوردستان و ئاماژه‌ به‌ نووسراوی وه‌زاره‌تی ناوخۆی حكوومه‌تی فیدڕاڵی نووسینگه‌ی وه‌زیر ژماره ‌(40528) له‌ 9/8/2018 تایبه‌ت به‌ ڕه‌زامه‌ندییان له‌سه‌ر پێدانی تابلۆی تۆماری ئۆتۆمبێل و ئامێره‌كان به ‌ناوی پارێزگای هه‌ڵه‌بجه‌.

سكرتێری ئه‌نجومه‌نی وه‌زیران ڕایگه‌یاند، له‌ دوای پشووه‌كانی جه‌ژنی نه‌ورۆز، ڕێكاره‌كانی پێدانی تابلۆی تۆماری ئۆتۆمبیل به ‌ناوی هه‌ڵه‌بجه‌-عێراق ده‌چێته‌ بواری جێبه‌جێكردنه‌وه‌.

ئامانج ڕه‌حیم، سكرتێری ئه‌نجومه‌نی وه‌زیرانی حكوومه‌تی هه‌رێمی كوردستان له‌ فه‌یسبووكی تایبه‌تی خۆی بڵاوی كرده‌وه‌، كه‌ حكوومه‌تی عێراق و حكوومه‌تی هه‌رێم ڕه‌زامه‌ندیان دا بۆ تۆماركردن و پێدانی تابلۆی ئۆتۆمبێلی پارێزگای هه‌ڵه‌بجه‌، دوای پشووه‌كانی جه‌ژنی نه‌ورۆز پێدانی تابلۆ و تۆماركردنی ئۆتۆمبێل له‌ پارێزگای هه‌ڵه‌بجه‌ دەچێته‌ بواری جێبه‌جێكردنه‌وه‌.

ئامانج ڕه‌حیم ده‌ڵێ: "بەڕێوەبەرایەتیی گشتیی ھاتوچۆی ھەرێمی كوردستان، بەڕێوەبەرایەتیی ھاتوچۆی ھەڵەبجە دەست بە ڕێکارەکانی تۆمارکردنی ئۆ‌تۆمبێل له‌ هه‌ڵه‌بجه‌ده‌كه‌ن".

هێڤیار هه‌ڵه‌بجه‌یی

 

دواترین دەستکاریکردن لەسەر پێنج شەممە, 14 ئازار 2019 10:53
© 2017 Hawler