نیسان 21, 2019

سەرۆكی فەنزوێلا لەهەمبەر سیاسەتەكانی ئەمريكا هۆشداری دەدا

خوان گوایدۆ سەرۆکی پەرلەمانی ڤەنزوێلا کە خۆی بە سەرۆکی کاتی وڵاتەکەی ناساندووە رایگەیاند، بە دووری نازانێت داوای دەستێوەردانی سوپای ئەمریکا بکات بۆ لابردنی نیکۆلاس مادورۆ. سەرۆکی ڤەنزوێلا رایگەیاند، ئەگەر ڤەنزوێلا پەتاتە یان مۆزی بەرهەمبهێنایە، نەدەکەوتە نێو زریانی ئیمپریالیزمەوە، دەشڵێت، "با ئەوە قبوڵبکەین کە ئیمپراتۆرییەتێکی ئەمریکا هەیە و چاوی بڕیوەتە سەروەتی گەلی ڤەنزوێلا". فه‌رمانده‌ی به‌شی باشووری سوپای ئه‌مریكا ڕایگه‌یاند: ئه‌گه‌ر پێویستی كرد ئاماده‌ین بۆ پاراستنی دامه‌زراوه‌ دیپلۆماتییه‌كانمان له‌ فه‌نزوێللا سوپا ڕه‌وانه‌ی ئه‌و وڵاته‌ بكه‌ین

لە چاوپێکەوتنێکیدا لەگەڵ ئاژانسی فرانس پرێس خوان گوایدۆ رایگەیاند، ئامادەی هەر کارێکە بیکات بۆ رزگارکردنی خەڵکی وڵاتەکەی، لەوانەش پەسەندکردنی دەستێوەردانی سوپای ئەمریکا لە ڤەنزوێلا و وتی، "هەرشتێک پێویست بێت دەیکەین، بابەتەکە جێگەی مشتومڕە، بەڵام بۆ پاراستنی سەروەری و دەسەڵاتمان هەر شتیک پێویست بێت دەیکەین."
كرایگ فالێر، فه‌رمانده‌ی به‌شی باشووری سوپای ئه‌مریكا ڕایگه‌یاند: ئه‌گه‌ر پێویستی كرد ئاماده‌ین بۆ پاراستنی دامه‌زراوه‌ دیپلۆماتییه‌كانمان له‌ فه‌نزوێللا سوپا ڕه‌وانه‌ی ئه‌و وڵاته‌ بكه‌ین.
ئه‌و قسه‌یه‌ی كرایگ فالێر، له‌ میانی دانیشتنێكی تایبه‌تی لیژنه‌ی هێزه‌ چه‌كداره‌كانی كۆنگرێسدا هات به‌بێ ئه‌وه‌ی هیچ ئاماژه‌یه‌ك بۆ ورده‌كاری ئه‌و هه‌نگاوه‌‌و كاردانه‌وه‌ی سه‌ربازیی ئه‌مریكا له‌ دۆسیه‌ی فه‌نزوێللادا، بكات.
ئه‌و به‌رپرسه‌ سه‌ربازییه‌ی ئه‌مریكا وتیشی: ژماره‌ی په‌نابه‌ر ‌و ئاواره‌كانی فه‌نزوێللا له‌ ئێستادا له‌ قه‌باره‌ی‌ ئاواره‌‌و په‌نابه‌رانی دۆخی سوریا نزیك ده‌بێته‌وه‌.
بەپێی سەرچاوەکانی هەواڵیش نیکۆلاس مادورۆی سەرۆکی ڤەنزوێلا رایگەیاندووە، ئەو هاوکارییە مرۆییانەی رەتکردووەتەوە کە لە کۆڵۆمبیاوە ئامادە کرابوون. گوتیشی، ئەوان دەرۆزەکەر نین ئەو هاوکارییە مرۆییانە قەبوڵ بکەن کە بۆ وڵاتەکەی خراونەتە روو.
نیکۆلاس مادورۆ، سەرۆکی ڤەنزوێلا لە کۆنگرەیەکی رۆژنامەوانییدا کە لە کۆشکی سەرۆکایەتی میرافلۆرێز لە کاراکاسی پایتەخت بەڕێوەچو رایگەیاند، "ئەگەر ڤەنزوێلا پەتاتە یان مۆزی بەرهەمبهێنایە، نەدەکەوتە نێو زریانی ئیمپریالیزمەوە، با ئەوە قبوڵبکەین کە ئیمپراتۆرییەتێکی ئەمریکا هەیە و چاوی بڕیوەتە سەروەتی گەلی ڤەنزوێلا".
ئاماژەی بەوەشکرد، هەڕەشەی سەربازیی ئەمریکا و ژمارەیەک لە وڵاتانی ناوچەکە بۆ سەر ڤەنزوێلا، لە خواستی دەستبەسەرداگرتنی نەوت، کانزا و دەوڵەمەندییەکانی دیکەی وڵاتەکەیەوە، سەرچاوەی گرتوە.
مادورۆ راشیگەیاند، "ئەمریکا دەوڵەمەندییەکانی ئێمەی دەوێت، بۆ ئەوەی کە لە ڤەنزوێلا ببێتە خاوەنی هێز، ئەم هەموو گوشارە دەکات، هەربۆیە ئەوان هەڵبژاردن نا، بەڵکو کودەتایان دەوێت".
ئاماژەی بەوەشکرد، هەڕەشەی سەربازیی ئەمریکا و ژمارەیەک لە وڵاتانی ناوچەکە بۆ سەر ڤەنزوێلا، لە خواستی دەستبەسەرداگرتنی نەوت، کانزا و دەوڵەمەندییەکانی دیکەی وڵاتەکەیەوە، سەرچاوەی گرتوە.
مادورۆ راشیگەیاند، "ئەمریکا دەوڵەمەندییەکانی ئێمەی دەوێت، بۆ ئەوەی کە لە ڤەنزوێلا ببێتە خاوەنی هێز، ئەم هەموو گوشارە دەکات، هەربۆیە ئەوان هەڵبژاردن نا، بەڵکو کودەتایان دەوێت".
سوپای ڤەنزوێلاش رێگای بەو بارهەڵگرانە نەدا بچنە وڵاتەکەیەوە کە لەسەر سنوری کۆڵۆمبیا ئامادە کرابوون و دەیانویست هاوکارییە مرۆییەکان بگەیەنن بە خەڵکی ئەو وڵاتە.
هاوکارییەکان لەسەر داوای خوان گوایدۆ و لەلایەن ئەمریکاوە نێردراون.
لەگەڵ ئەم لێدوانەی خوان گوایدۆشدا روسیا هۆشداری لە دروستبوونی کارەسات داوە لە ئەگەری دەستێوەردانی سەربازی بۆ چارەسەرکردنی قەیرانی دەسەڵات لە ڤەنزوێلا.
هەفتەی رابردووش دۆناڵد ترەمپ سەرۆکی ئەمەریکا لە چاوپێکەوتنێکیدا لەگەڵ تۆڕی هەواڵی سی بی ئێس ڕایگەیاند، ڕەوانەکردنی هێز بۆ ڤەنزوێلا یەکێکە لە بژاردەکان و لە داهاتوودا لە بەرچاو دەگیرێت.

 

لوقمان مستەفا ـ هه‌ولێر

© 2017 Hawler