نیسان 22, 2019

لەڤێنت گولتەكین: هەدەپە لە بارودۆخێگی خراپدایە

رۆژنامەنووس و چاودێری سیاسی توركیا لەڤێنت گولتەكین، لە دیمانەیەكیدا رەخنە لە سیاسەتی پارتی دیموكراتی گەلان هەدەپە دەگرێت و، پێیوایە لە بارودۆخێكی خراپدایە. هەروەها پارتەكانی تری ئۆپۆزسیۆنیشی پێ خراپە و دەڵێت سیاسەت بە جوانی ناكەن.
لەڤێنت گولتەكین لە دیمانەیەكیدا لەگەڵ ماڵپەڕی (T24)ـی توركی، رەخنە لە ئۆپۆزسیۆنی توركیا دەگرێت و دەڵێت دەبێت سیاسەتی (ئێمە) بەكاربهێنن نەك (من)، چونكە بۆ ئەوەی سەرنجی خەڵك بۆ لای خۆت رابكێشیت پێویستە باوەش بۆ هەموو گەلی توركیا بكەیتەوە.
لەبارەی هەدەپەشەوە پێیوایە، سیاسەتی هەدەپە خراپە و نەیتوانیوە وەكو پێویست ببێتە ئۆپۆزسیۆن، بۆیە دەكرێت بڵێین هەدەپە لە بارودۆخێكی خراپدایە و پێیوستە بۆ هەڵبژاردنی شارەوانییەكان بە خۆیدا بچێتەوە. پێشیوایە دەستگیركردنی سەلاحەدین دەمیرتاش ناعەدالەتییە و بڕیارێكی سیاسییە، بۆیە پێویستە ئازاد بكرێت و بگەڕێتەوە ناو دنیای سیاسەت.
لەڤێنت گولتەكین لە هەڵبژاردنی سەرۆكایەتی توركیا ناوی خۆی تۆمار كردبوو بۆ ئەوەی ركابەری رەجەب تەییب ئەردۆغان بكات، بەڵام لە دوا ساتەكاندا پەشیمان بوەوە.

 

كارزان گلی ـ هه‌ولێر

© 2017 Hawler