ئاب 08, 2020

هاكان فیدان لە راوێژكاری میتی توركیا نامێنێت

ئاژانسەكانی هەواڵی توركیا بڵاویان كردەوە، هاكان فیدان لە راوێژكاری دەزگای هەواڵگری توركیا (میت) نامێنێت و لە شوێنی ئەو كەسێكی تر دادەنرێت.

عەدنان بولوت لە نووسینێكدا كە ئەمڕۆ دووشەممە لە رۆژنامەی (یورت)ـی توركی بڵاوی كردوەتەوە، ئاشكرای دەكات لە سیستەمی تازەدا سەردەمی هاكان فیدان كۆتایی پێ دێت.
ئەو نووسەرە ئاماژە دەدات كە زانیاری بۆ هاتوە، لە شوێنی هاكان فیدان كەسێكی تر بە ناوی گورسەل دۆنمەز دەبێتە راوێژكاری میتی توركیا، بەڵام تاوەكو ئێستا دیار نییە چی شوێنێك بۆ فیدان دەدۆزنەوە یاخود رەنگە هەر هیچ پۆستێكی نەدەنێ.
وەكو ئەوەی نووسەر باسی لێوە دەكات، رەجەب تەییب ئەرۆدغان بەردەوام لە پشت فیدان بوە و هەموو كاتێك ویستویەتی فیدان لەو پۆستەدا بمێنێتەوە، بەڵام ئەمجارەیان ئەرۆدغان پشتی فیدان ناگرێت و لە سیستەمی تازەدا سەردەمی ئەو كۆتایی پێ دێت.
گورسەل دۆنمەز لە 25ەمین خولی پەرلەمانی توركیادا وەكو ئەندام پەرلەمانی ئاكپارتی هەڵبژێردرا و بە كەسێكی نزیك لە ئەردۆغان دادەنرێت

 

كارزان گلی ـ هه‌ولێر
.

© 2017 Hawler