تەمموز 23, 2018

سەرۆك وەزیرانی ئیسپانیا و سەرۆكی هەرێمی كەتەلۆنیا كۆبوونەوە

دوای دروستبوونی گرژیه‌كانی نێوان حكوومه‌تی ئیسپانیاو هه‌رێمی كه‌ته‌لۆنیا له‌سه‌ر پرسی ئه‌نجامدانی ریفراندۆمی سه‌ربه‌خۆیی هه‌رێمی كه‌ته‌لۆنیا له‌ 1ی ئۆكتۆبه‌ری سالی 2017و دواتر ده‌ستگیركردنی چه‌ند به‌رپرسێكی بالای كه‌ته‌لۆنیا، كه‌ به‌ تۆمه‌تی ریفراندۆم سزا دران، بۆ یه‌كه‌م جار پێدرۆ سانچێز، سەرۆك وەزیرانی ئیسپانیا و كویم تۆرا، سەرۆكی هەرێمی كەتەلۆنیا كۆبوونەوەو تاوتوێی گرژییەكانی نێوان مەدرید و بەرشەلۆنەیان كردو داویان كرد ره‌وشه‌كه‌ هێوربكرێته‌وه‌ و ده‌ست به‌ په‌یوه‌ندی نوێ بكه‌نه‌وه.‌
لەگەڵ ئەوەی پێدرۆ سانچێز، سەرۆك وەزیرانی نوێی ئیسپانیا سیاسەتێكی نەرمتر لە سەرۆك وەزیرانی پێشووی ئیسپانیا ماریانۆ ڕاخۆی لە بەرامبەر هەرێمی كەتەلۆنیا پەیڕەو دەكات، بەڵام ئەویش بە ئاشكرا دژایەتی خۆی راگەیاندووە بۆ هەر هەوڵێكی ئەنجامدانی ریفراندۆمی سەربەخۆیی و جیابوونەوەی هەرێمی كەتەلۆنیا لە مەدرید.

© 2017 Hawler

Please publish modules in offcanvas position.